Второзаконие, глава 20

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 20
20:1	Аще же изыдеши на брань на враги твоя, и узриши кони и всадники и люди множайшыя тебе, да не убо­ишися ихъ: яко Господь Богъ твой съ тобою, изведый тя изъ земли Египетскiя.
20:2 См.: 🔗Чис. 31:6	И будетъ егда при­­ближишися къ рати, и при­­ступивъ жрецъ да воз­глаголетъ къ людемъ и речетъ къ нимъ:
20:3	послушай, Израилю, вы исходите днесь на рать ко врагомъ вашымъ: да не ослабѣетъ сердце ва­ше, ни убойтеся, ниже устрашитеся и не уклонитеся от­ лица ихъ:
20:4	яко Господь Богъ вашъ идый предъ вами спобор­ст­вуетъ вамъ на враги вашя и спасетъ васъ.
20:5 См.: 🔗1Мак. 3:56	И да рекутъ книгочiя къ людемъ, глаголюще: кій человѣкъ создавый храмину нову, и не обнови ея? Да идетъ, и да воз­вратит­ся въ домъ свой, да не умретъ на рати, и человѣкъ инъ обновитъ ю:
20:6 См.: 🔗Лев. 19:23 🔗Втор. 28:30	и кіи человѣкъ, иже насади виноградъ, и не веселися от­ него? Да идетъ, и воз­вратит­ся въ домъ свой, да не умретъ на рати, и человѣкъ инъ воз­веселит­ся от­ него:
20:7 См.: 🔗Втор. 24:5	и кій человѣкъ, иже обручи себѣ жену, и не понялъ ю? Да идетъ, и воз­вратит­ся въ домъ свой, да не умретъ на рати, и инъ человѣкъ пойметъ ю.
20:8 См.: 🔗Суд. 7:3	И да при­­ложатъ книгочiя глаголати къ людемъ, и да рекутъ: кій человѣкъ страшливъ и слабъ сердцемъ? Да идетъ, и воз­вратит­ся въ домъ свой, да не устрашитъ сердца брата сво­его, аки сердце свое.
20:9	И будетъ егда умолкнутъ книгочiя глаголюще къ людемъ, и поставятъ во­еводы воин­ства вожды людій.
20:10 См.: 🔗Чис. 21:21	Аще же прiидеши ко граду во­евати нань, и воз­зовеши я съ миромъ:
20:11	аще убо мирное от­вѣщаютъ ти, и от­верзутъ тебѣ [градъ], вси людiе обрѣтшiися во градѣ да будутъ тебѣ дань дающе и послуша­ю­щiи тебе:
20:12	аще же не покорят­ся тебѣ, и сотворятъ съ тобою рать, да обсядеши его,
20:13 См.: 🔗Чис. 31:7 🔗3Цар. 11:16	дондеже предастъ я Господь Богъ твой въ руцѣ тво­и: да избiеши всякъ мужескъ полъ въ немъ убій­ст­вомъ меча,
20:14 См.: 🔗Чис. 31:27	кромѣ женъ и имѣнiя, и вся скоты, и вся елика суть во градѣ, и все стяжанiе да плѣниши себѣ, и да снѣси весь плѣнъ враговъ тво­ихъ, яже Господь Богъ твой даетъ тебѣ.
20:15	Тако да сотвориши всѣмъ градомъ, иже суть далече от­ тебе зѣло, иже не суть от­ градовъ языковъ сихъ, ихже Господь Богъ даетъ тебѣ наслѣдити землю ихъ:
20:16	от­ нихъ да не оставите жива всякаго дыханiя:
20:17 См.: 🔗Втор. 7:1 🔗Нав. 6:17	но и проклятiемъ проклените ихъ, Хеттеа и Аморреа, и Хананеа и Ферезеа, и Евеа и Иевусеа и Гергесеа, якоже заповѣда тебѣ Господь Богъ твой:
20:18	да не научатъ васъ творити всякiя мерзости своя, елики твориша богомъ сво­имъ, и согрѣшите предъ Господемъ Богомъ вашимъ.
20:19 См.: 🔗Суд. 2:17	Аще же обсядеши градъ единъ дни многи во­евати его въ прiятiе себѣ, да не истребиши садовiя его, воз­ложивъ желѣзо нань, но токмо да яси плодъ от­ нихъ, самого же да не посѣчеши: еда древо, еже въ дубравѣ, человѣкъ есть, еже внити от­ лица тво­его въ забрала?
20:20 См.: 🔗Иер. 6:6	но древо, еже вѣси, яко не яст­ся плодъ его, сiе потребиши и посѣчеши, и сотвориши лѣ­ст­вицы на градъ, иже творитъ на тя рать, дондеже предаст­ся.