Послание апостола Павла к Филиппийцам, глава 1

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1	[Зач. 235.] Павелъ и Тимоѳей, раби Иисусъ Христовы, всѣмъ святымъ о Христѣ Иисусѣ сущымъ въ Филиппѣхъ, съ епископы и дiаконы:
1:2	благодать вамъ и миръ от­ Бога Отца на­шего и Господа Иисуса Христа.
1:3 См.: 🔗1Фес. 1:2	Благодарю Бога мо­его о всей памяти ва­шей,
1:4	всегда во всяцѣй молитвѣ мо­ей за всѣхъ васъ съ радостiю молитву мою творя,
1:5	о общенiи ва­шемъ въ благовѣ­ст­вованiе от­ перваго дне даже и донынѣ,
1:6 См.: 🔗Ин. 6:29 🔗1Фес. 1:3	надѣявся на сiе истое, яко начный дѣло благо въ васъ совершитъ е даже до дне Иисусъ Христова:
1:7	якоже есть праведно мнѣ сiе мудр­ст­вовати о всѣхъ васъ, за еже имѣти ми въ сердцы васъ, во узахъ мо­ихъ и во от­вѣтѣ и извѣщенiи благовѣстiя, сообщниковъ мнѣ благодати всѣхъ васъ сущихъ.
1:8	[Зач. 236.] Свидѣтель бо ми есть Богъ, яко люблю всѣхъ васъ по милости Иисусъ Христовѣ {утробою Иисусъ Христовою}:
1:9	и о семъ молюся, да любо­вь ваша еще паче и паче избыточе­ст­вуетъ въ разумѣ и во всяцѣмъ чув­ст­вiи,
1:10 См.: 🔗1Фес. 5:23	во еже искушати вамъ лучшая, да будете чисти и непреткновен­ни въ день Христовъ,
1:11 См.: 🔗Мф. 5:16 🔗Ин. 15:8	исполнени плодовъ правды Иисусъ Христомъ, въ славу и похвалу Божiю.
1:12	[Зач. 237.] Разумѣти же хощу вамъ, братiе, яко яже о мнѣ паче во успѣхъ благовѣ­ст­вованiя прiидоша,
1:13 См.: 🔗Деян. 21:11	яко узы моя явлен­ны о Христѣ быша во всемъ судищи и въ прочихъ всѣхъ,
1:14 См.: 🔗Еф. 3:13	и множайшiи братiя о Господѣ, надѣяв­шiися о узахъ мо­ихъ, паче дерзаютъ безъ страха слово Божiе глаголати.
1:15 См.: 🔗2Кор. 2:17	Нѣцыи убо по зависти и ревности, друзіи же и за благоволенiе Христа проповѣдаютъ:
1:16	ови убо от­ рвенiя Христа воз­вѣщаютъ нечистѣ, мняще печаль нанести узамъ мо­имъ:
1:17	ови же от­ любве, вѣдяще, яко во от­вѣтѣ благовѣ­ст­вованiя лежу {во от­вѣтъ благовѣ­ст­вованiя учиненъ есмь}.
1:18	Что убо? Обаче всяцѣмъ образомъ, аще виною {лицемѣрiемъ}, аще истиною Христосъ проповѣдаемь есть, и о семъ радуюся, но и воз­радуюся:
1:19	вѣмъ бо, яко сiе сбудет­ся ми во спасенiе ва­шею молитвою и подаянiемъ Духа Иисусъ Христова,
1:20	по чаянiю и упованiю мо­ему, [Зач. 238.] яко ни о единѣмъ же постыжуся, но во всяцѣмъ дерзновенiи, якоже всегда, и нынѣ воз­величит­ся Христосъ въ тѣлѣ мо­емъ, аще животомъ, аще ли смертiю.
1:21 См.: 🔗Гал. 2:20	Мнѣ бо еже жити, Христосъ, и еже умрети, при­­обрѣтенiе [есть].
1:22	Аще же, еже жити [ми] тѣломъ, сiе мнѣ плодъ дѣла: и что изволю, не вѣмъ.
1:23 См.: 🔗2Кор. 5:8	Обдержимь же есмь от­ обою, желанiе имый разрѣшитися и со Христомъ быти, много паче лучше:
1:24	а еже пребывати во плоти, нужнѣйше [есть] васъ ради.
1:25	И сiе извѣстнѣ вѣмъ, яко буду и спребуду вамъ всѣмъ въ вашъ успѣхъ и радость вѣры,
1:26 См.: 🔗2Кор. 1:14 🔗Флп. 2:16	яко да похвала ваша избыточе­ст­вуетъ о Христѣ Иисусѣ во мнѣ, мо­имъ при­­ше­ст­вiемъ паки къ вамъ.
1:27 См.: 🔗Еф. 4:1 🔗Кол. 1:10 🔗1Фес. 2:12	[Зач. 239.] Точiю достойнѣ благовѣ­ст­вованiю Христову жител­ст­вуйте, да аще при­­шедъ и видѣвъ васъ, аще и не сый у васъ, услышу яже о васъ, яко [истиною] сто­ите во единѣмъ дусѣ, и единодушнѣ сподвизающеся по вѣрѣ Благовѣ­ст­вованiя [волею],
1:28 См.: 🔗Лк. 12:4	и не колеблющеся ни о единѣмъ же от­ сопротивныхъ: еже тѣмъ убо есть явленiе погибели, вамъ же спасенiя. И сiе от­ Бога:
1:29 См.: 🔗Деян. 5:41	яко вамъ даровася, еже о Христѣ, не токмо еже въ Него вѣровати, но и еже по Немъ страдати,
1:30 См.: 🔗1Фес. 2:2	тойже подвигъ имуще, яковъ же во мнѣ видѣсте и нынѣ слышите о мнѣ.