Кни́га І҆исꙋ́са наѵи́на, глава̀ в҃і

	Язык: Церковнослав. (цс.) Церковнослав. (гражд.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке.
	Глава̀ в҃і
12:1 См.: 🔗Чис. 21:13	И҆ сі́и ца́рїе землѝ, и҆̀хже и҆зби́ша сы́нове і҆и҃лєвы и҆ наслѣ́диша зе́млю и҆́хъ ѡ҆б̾ ѻ҆нꙋ̀ странꙋ̀ і҆ѻрда́на, ѿ востѡ́къ со́лнца, ѿ де́бри а҆рнѡ́нскїѧ да́же до горы̀ а҆ермѡ́нъ, и҆ всю̀ зе́млю а҆́равꙋ ѿ востѡ́къ:
12:2 См.: 🔗Чис. 21:24 🔗Ис. 16:2 🔗Быт. 32:22	сиѡ́на царѧ̀ а҆морре́йска, и҆́же живѧ́ше во є҆севѡ́нѣ, ѡ҆блада́ѧй ѿ а҆рои́ра, и҆́же є҆́сть въ де́бри а҆рнѡ́нстѣй ѿ страны̀ де́бри, и҆ по́лъ (землѝ) галаа́да да́же до і҆аво́ка, (и҆дѣ́же) предѣ́лы сынѡ́въ а҆ммѡ́нихъ:
12:3 См.: 🔗Чис. 33:49 🔗Чис. 34:11 🔗Быт. 14:3	и҆ а҆́рава да́же до мо́рѧ хенере́ѳъ на восто́ки, и҆ да́же до мо́рѧ а҆́рава, мо́рѧ соли́щнагѡ ѿ востѡ́къ, пꙋте́мъ и҆́же ко виѳсїмѡ́ѳꙋ, и҆ ѿ ѳема́на и҆́же под̾ а҆сидѡ́ѳъ-фа́сгою:
12:4 См.: 🔗Нав. 13:12 🔗Втор. 1:4	и҆ ѡ҆́гъ ца́рь васа́нскїй ѡ҆ста́сѧ ѿ и҆споли́нѡвъ, и҆́же ѡ҆бита̀ во а҆старѡ́ѳѣ и҆ во є҆драі́нѣ,
12:5 См.: 🔗Втор. 3:13 🔗1Цар. 27:8	ѡ҆блада́ѧй ѿ горы̀ а҆ермѡ́нъ, и҆ ѿ селхѝ, и҆ все́ю земле́ю васа́нъ да́же до предѣ̑лъ гесꙋрі̀, и҆ махаѳі̀, и҆ по́лъ галаа́да до предѣ̑лъ сиѡ́на царѧ̀ є҆севѡ́нска.
12:6 См.: 🔗Чис. 21:24 🔗Чис. 32:33	Мѡѷсе́й ра́бъ гдⷭ҇ень и҆ сы́нове і҆и҃лєвы порази́ша ѧ҆̀: и҆ дадѐ ю҆̀ мѡѷсе́й ра́бъ гдⷭ҇ень въ наслѣ́дїе рꙋви́мꙋ и҆ га́дꙋ и҆ полпле́мени манассі́инꙋ.
12:7 См.: 🔗Нав. 10:40	И҆ сі́и ца́рїе а҆морре́йстїи, ꙗ҆̀же и҆збѝ і҆исꙋ́съ и҆ сы́нове і҆и҃лєвы ѡ҆б̾ ѻ҆нꙋ̀ странꙋ̀ і҆ѻрда́на, при мо́ри валга́дъ на по́ли лїва́на, и҆ да́же до горы̀ а҆ло́къ, восходѧ́щихъ въ сиі́ръ: и҆ дадѐ ю҆̀ і҆исꙋ́съ племенѡ́мъ і҆и҃лєвымъ въ наслѣ́дїе по жре́бїю и҆́хъ,
12:8	на горѣ̀ и҆ на по́ли, и҆ во а҆́равѣ и҆ во а҆сидѡ́ѳѣ, и҆ въ пꙋсты́ни и҆ во наге́вѣ, хетте́а и҆ а҆морре́а, и҆ ханане́а и҆ ферезе́а, и҆ є҆ѵе́а и҆ і҆евꙋсе́а:
12:9 См.: 🔗Нав. 6:1 🔗Нав. 8:29	царѧ̀ і҆ерїхѡ́нска и҆ царѧ̀ га́йска, и҆́же є҆́сть бли́з̾ веѳи́лѧ,
12:10 См.: 🔗Нав. 10:1	царѧ̀ і҆ерⷭ҇ли́мска, царѧ̀ хеврѡ́нска,
12:11 См.: 🔗Нав. 10:3	царѧ̀ і҆ерїмꙋ́ѳска, царѧ̀ лахі́сска,
12:12 См.: 🔗Нав. 10:33	царѧ̀ є҆глѡ́нска, царѧ̀ газе́рска,
12:13 См.: 🔗Нав. 10:39	царѧ̀ даві́рска, царѧ̀ гаде́рска,
12:14	царѧ̀ є҆рма́ѳска, царѧ̀ а҆де́рска,
12:15	царѧ̀ ле́внска, царѧ̀ ѻ҆долла́мска,
12:16 См.: 🔗Нав. 10:28	царѧ̀ маки́дска, царѧ̀ веѳи́льска,
12:17 См.: 🔗3Цар. 4:10	царѧ̀ а҆пфꙋ́ска, царѧ̀ ѻ҆фе́рска,
12:18	царѧ̀ а҆фе́кска, царѧ̀ хесарѡ́мска,
12:19	царѧ̀ самврѡ́нска, царѧ̀ фꙋ́вска,
12:20 См.: 🔗Нав. 11:1	царѧ̀ марѡ́нска, царѧ̀ а҆хса́фска,
12:21	царѧ̀ ѳана́хска, царѧ̀ магдедѡ́нска,
12:22	царѧ̀ кеде́сска, царѧ̀ і҆екона́ма херме́ла,
12:23	царѧ̀ а҆дѡ́рска нафеддѡ́рѧ,
12:24	царѧ̀ гѡі́мска гелге́лѧ, царѧ̀ ѳерска̀. Всѝ сі́и ца́рїе три́десѧть є҆ди́нъ.