Священное Писание

Кни́га Ѱалти́рь, ѱало́мъ п҃в

Оглавление
а҃  в҃  г҃  д҃  є҃  ѕ҃  з҃  и҃  ѳ҃  і҃  а҃і  в҃і  г҃і  д҃і  є҃і  ѕ҃і  з҃і  и҃і  ѳ҃і  к҃  к҃а  к҃в  к҃г  к҃д  к҃є  к҃ѕ  к҃з  к҃и  к҃ѳ  л҃  л҃а  л҃в  л҃г  л҃д  л҃є  л҃ѕ  л҃з  л҃и  л҃ѳ  м҃  м҃а  м҃в  м҃г  м҃д  м҃є  м҃ѕ  м҃з  м҃и  м҃ѳ  н҃  н҃а  н҃в  н҃г  н҃д  н҃є  н҃ѕ  н҃з  н҃и  н҃ѳ  ѯ҃  ѯ҃а  ѯ҃в  ѯ҃г  ѯ҃д  ѯ҃є  ѯ҃ѕ  ѯ҃з  ѯ҃и  ѯ҃ѳ  ѻ҃  ѻ҃а  ѻ҃в  ѻ҃г  ѻ҃д  ѻ҃є  ѻ҃ѕ  ѻ҃з  ѻ҃и  ѻ҃ѳ  п҃  п҃а  п҃в  п҃г  п҃д  п҃є  п҃ѕ  п҃з  п҃и  п҃ѳ  ч҃  ч҃а  ч҃в  ч҃г  ч҃д  ч҃є  ч҃ѕ  ч҃з  ч҃и  ч҃ѳ  р҃  р҃а  р҃в  р҃г  р҃д  р҃є  р҃ѕ  р҃з  р҃и  р҃ѳ  р҃і  ра҃і  рв҃і  рг҃і  рд҃і  рє҃і  рѕ҃і  рз҃і  ри҃і  рѳ҃і  р҃к  рк҃а  рк҃в  рк҃г  рк҃д  рк҃є  рк҃ѕ  рк҃з  рк҃и  рк҃ѳ  р҃л  рл҃а  рл҃в  рл҃г  рл҃д  рл҃є  рл҃ѕ  рл҃з  рл҃и  рл҃ѳ  р҃м  рм҃а  рм҃в  рм҃г  рм҃д  рм҃є  рм҃ѕ  рм҃з  рм҃и  рм҃ѳ  р҃н  рн҃а 
Язык: Церковнослав. (цс.)

Церковнослав. (гражд.)

Церковнослав. (дореф.)

Рус. (Синодальный)

Українська

English (NKJV)

English (KJV)

Srpski
Елизаветинская Библия на церковно­славянском языке.
  
Псаломъ п҃в
82:1Пѣ́снь ѱалма̀ а҆са́фꙋ,
82:2
См.: 🔗Пс. 108:1
Бж҃е, кто̀ ᲂу҆подо́битсѧ тебѣ̀; не премолчѝ, нижѐ ᲂу҆кротѝ {нижѐ ᲂу҆кроти́сѧ}, бж҃е:
82:3ꙗ҆́кѡ сѐ, вразѝ твоѝ возшꙋмѣ́ша, и҆ ненави́дѧщїи тѧ̀ воздвиго́ша главꙋ̀.
82:4
См.: 🔗Мф. 26:4
На лю́ди твоѧ̑ лꙋка́вноваша во́лею, и҆ совѣща́ша на ст҃ы̑ѧ твоѧ̑.
82:5
См.: 🔗Иер. 11:19 🔗Деян. 14:5
Рѣ́ша: прїиди́те и҆ потреби́мъ ѧ҆̀ ѿ ꙗ҆зы̑къ, и҆ не помѧне́тсѧ и҆́мѧ і҆и҃лево ктомꙋ̀.
82:6Ꙗ҆́кѡ совѣща́ша є҆диномышле́нїемъ вкꙋ́пѣ, на тѧ̀ завѣ́тъ завѣща́ша:
82:7селє́нїѧ і҆дꙋмє́йска и҆ і҆сма́илїте, мѡа́въ и҆ а҆га́рѧне,
82:8
См.: 🔗Иез. 27:9
гева́лъ и҆ а҆ммѡ́нъ и҆ а҆мали́къ, и҆ноплемє́нницы съ живꙋ́щими въ тѵ́рѣ:
82:9
См.: 🔗Быт. 19:37
и҆́бо и҆ а҆ссꙋ́ръ прїи́де съ ни́ми, бы́ша въ застꙋпле́нїе сыновѡ́мъ лѡ́тѡвымъ.
82:10
См.: 🔗Суд. 4:15
Сотворѝ и҆̀мъ ꙗ҆́кѡ мадїа́мꙋ и҆ сїса́рѣ, ꙗ҆́кѡ і҆аві́мꙋ въ пото́цѣ кі́ссовѣ:
82:11потреби́шасѧ во а҆ендѡ́рѣ, бы́ша ꙗ҆́кѡ гно́й земны́й.
82:12
См.: 🔗Суд. 7:25 🔗Суд. 8:12
Положѝ кнѧ̑зи и҆́хъ ꙗ҆́кѡ ѡ҆ри́ва и҆ зи́ва, и҆ зеве́а и҆ салма́на, всѧ̑ кнѧ̑зи и҆́хъ,
82:13и҆́же рѣ́ша: да наслѣ́димъ себѣ̀ ст҃и́лище бж҃їе.
82:14
См.: 🔗Ис. 17:13 🔗Пс. 1:4
Бж҃е мо́й, положѝ ѧ҆̀ ꙗ҆́кѡ ко́ло, ꙗ҆́кѡ тро́сть пред̾ лице́мъ вѣ́тра.
82:15Ꙗ҆́кѡ ѻ҆́гнь попалѧ́ѧй дꙋбра̑вы, ꙗ҆́кѡ пла́мень пожига́ѧй го́ры:
82:16та́кѡ пожене́ши ѧ҆̀ бꙋ́рею твое́ю, и҆ гнѣ́вомъ твои́мъ смѧте́ши ѧ҆̀.
82:17
См.: 🔗Пс. 69:3
И҆спо́лни ли́ца и҆́хъ безче́стїѧ, и҆ взы́щꙋтъ и҆́мене твоегѡ̀, гдⷭ҇и.
82:18Да постыдѧ́тсѧ и҆ смѧтꙋ́тсѧ въ вѣ́къ вѣ́ка, и҆ посра́мѧтсѧ и҆ поги́бнꙋтъ.
82:19
См.: 🔗Исх. 14:4 🔗Исх. 15:3
И҆ да позна́ютъ, ꙗ҆́кѡ и҆́мѧ тебѣ̀ гдⷭ҇ь, ты̀ є҆ди́нъ вы́шнїй по все́й землѝ.
Вернуться назад