Кни́га Ѱалти́рь, ѱало́мъ ѻ҃в

Оглавление

а҃ в҃ г҃ д҃ є҃ ѕ҃ з҃ и҃ ѳ҃ і҃ а҃і в҃і г҃і д҃і є҃і ѕ҃і з҃і и҃і ѳ҃і к҃ к҃а к҃в к҃г к҃д к҃є к҃ѕ к҃з к҃и к҃ѳ л҃ л҃а л҃в л҃г л҃д л҃є л҃ѕ л҃з л҃и л҃ѳ м҃ м҃а м҃в м҃г м҃д м҃є м҃ѕ м҃з м҃и м҃ѳ н҃ н҃а н҃в н҃г н҃д н҃є н҃ѕ н҃з н҃и н҃ѳ ѯ҃ ѯ҃а ѯ҃в ѯ҃г ѯ҃д ѯ҃є ѯ҃ѕ ѯ҃з ѯ҃и ѯ҃ѳ ѻ҃ ѻ҃а ѻ҃в ѻ҃г ѻ҃д ѻ҃є ѻ҃ѕ ѻ҃з ѻ҃и ѻ҃ѳ п҃ п҃а п҃в п҃г п҃д п҃є п҃ѕ п҃з п҃и п҃ѳ ч҃ ч҃а ч҃в ч҃г ч҃д ч҃є ч҃ѕ ч҃з ч҃и ч҃ѳ р҃ р҃а р҃в р҃г р҃д р҃є р҃ѕ р҃з р҃и р҃ѳ р҃і ра҃і рв҃і рг҃і рд҃і рє҃і рѕ҃і рз҃і ри҃і рѳ҃і р҃к рк҃а рк҃в рк҃г рк҃д рк҃є рк҃ѕ рк҃з рк҃и рк҃ѳ р҃л рл҃а рл҃в рл҃г рл҃д рл҃є рл҃ѕ рл҃з рл҃и рл҃ѳ р҃м рм҃а рм҃в рм҃г рм҃д рм҃є рм҃ѕ рм҃з рм҃и рм҃ѳ р҃н рн҃а

	Язык: Церковнослав. (цс.) Церковнослав. (гражд.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковнославянском языке.
	Псаломъ ѻ҃в
72:1	Ѡ҆конча́шасѧ пѣ̑сни дв҃да, сы́на і҆ессе́ова. Ѱало́мъ а҆са́фꙋ,
72:2 См.: 🔗Пс. 63:9 🔗Мф. 5:8 🔗Ин. 1:47	Ко́ль бл҃гъ бг҃ъ і҆и҃левъ пра̑вымъ се́рдцемъ.
72:3	Мои́ же вма́лѣ не подвижа́стѣсѧ но́зѣ: вма́лѣ не пролїѧ́шасѧ стѡпы̀ моѧ̑:
72:4 См.: 🔗Пс. 36:1 🔗Иов. 21:7 🔗Иер. 12:1	ꙗ҆́кѡ возревнова́хъ на беззакѡ́нныѧ, ми́ръ грѣ́шникѡвъ зрѧ̀:
72:5	ꙗ҆́кѡ нѣ́сть восклоне́нїѧ въ сме́рти и҆́хъ и҆ ᲂу҆твержде́нїѧ въ ра́нѣ и҆́хъ:
72:6	въ трꙋдѣ́хъ человѣ́ческихъ не сꙋ́ть, и҆ съ человѣ̑ки не прїи́мꙋтъ ра́нъ.
72:7	Сегѡ̀ ра́ди ᲂу҆держа̀ ѧ҆̀ горды́нѧ и҆́хъ до конца̀: ѡ҆дѣ́ѧшасѧ непра́вдою и҆ нече́стїемъ свои́мъ.
72:8 См.: 🔗Иов. 15:27	И҆зы́детъ ꙗ҆́кѡ и҆з̾ тꙋ́ка непра́вда и҆́хъ: преидо́ша въ любо́вь се́рдца.
72:9	Помы́слиша и҆ глаго́лаша въ лꙋка́вствѣ, непра́вдꙋ въ высотꙋ̀ глаго́лаша:
72:10 См.: 🔗Сир. 13:28	положи́ша на небесѝ ᲂу҆ста̀ своѧ̑, и҆ ѧ҆зы́къ и҆́хъ пре́йде по землѝ.
72:11	Сегѡ̀ ра́ди ѡ҆братѧ́тсѧ лю́дїе моѝ сѣ́мѡ, и҆ дні́е и҆спо́лнени ѡ҆брѧ́щꙋтсѧ въ ни́хъ.
72:12 См.: 🔗Пс. 9:32 🔗Пс. 93:7	И҆ рѣ́ша: ка́кѡ ᲂу҆вѣ́дѣ бг҃ъ; и҆ а҆́ще є҆́сть ра́зꙋмъ въ вы́шнемъ;
72:13	Сѐ, сі́и грѣ̑шницы и҆ гобзꙋ́ющїи въ вѣ́къ ᲂу҆держа́ша бога́тство.
72:14 См.: 🔗Мал. 3:14 🔗Иов. 9:30	И҆ рѣ́хъ: є҆да̀ {ᲂу҆̀бо} всꙋ́е ѡ҆правди́хъ се́рдце моѐ и҆ ᲂу҆мы́хъ въ непови́нныхъ рꙋ́цѣ моѝ,
72:15	и҆ бы́хъ ꙗ҆́звенъ ве́сь де́нь, и҆ ѡ҆бличе́нїе моѐ на ᲂу҆́треннихъ;
72:16	А҆́ще глаго́лахъ, повѣ́мъ та́кѡ: сѐ, ро́дꙋ сынѡ́въ твои́хъ, є҆мꙋ́же ѡ҆бѣща́хсѧ {сѐ, ро́дꙋ сынѡ́въ твои́хъ престꙋпи́хъ}:
72:17	и҆ непщева́хъ разꙋмѣ́ти: сїѐ трꙋ́дъ є҆́сть предо мно́ю,
72:18	до́ндеже вни́дꙋ во ст҃и́ло бж҃їе и҆ разꙋмѣ́ю въ послѣ̑днѧѧ и҆́хъ.
72:19 См.: 🔗Иов. 21:16 🔗Прит. 14:32	Ѻ҆ба́че за льщє́нїѧ и҆́хъ положи́лъ є҆сѝ и҆̀мъ ѕла̑ѧ, низложи́лъ є҆сѝ ѧ҆̀, внегда̀ разгордѣ́шасѧ.
72:20 См.: 🔗Иов. 21:30 🔗Пс. 51:7	Ка́кѡ бы́ша въ запꙋстѣ́нїе; внеза́пꙋ и҆счезо́ша, погибо́ша за беззако́нїе своѐ.
72:21 См.: 🔗Иов. 21:17 🔗Ис. 29:7	Ꙗ҆́кѡ со́нїе востаю́щагѡ, гдⷭ҇и, во гра́дѣ твое́мъ ѡ҆́бразъ и҆́хъ ᲂу҆ничижи́ши.
72:22	Ꙗ҆́кѡ разжже́сѧ се́рдце моѐ, и҆ ᲂу҆трѡ́бы моѧ̑ и҆змѣни́шасѧ:
72:23 См.: 🔗Ин. 12:16	и҆ а҆́зъ ᲂу҆ничиже́нъ, и҆ не разꙋмѣ́хъ, ско́тенъ бы́хъ ᲂу҆ тебє̀.
72:24 См.: 🔗Ин. 6:68	И҆ а҆́зъ вы́нꙋ съ тобо́ю: ᲂу҆держа́лъ є҆сѝ рꙋ́кꙋ деснꙋ́ю мою̀,
72:25	и҆ совѣ́томъ твои́мъ наста́вилъ мѧ̀ є҆сѝ, и҆ со сла́вою прїѧ́лъ мѧ̀ є҆сѝ.
72:26 См.: 🔗Пс. 15:5 🔗Ин. 4:14	Что́ бо мѝ є҆́сть на нб҃сѝ; и҆ ѿ тебє̀ что̀ восхотѣ́хъ на землѝ;
72:27 См.: 🔗Плч. 3:24	И҆счезѐ се́рдце моѐ и҆ пло́ть моѧ̀, бж҃е се́рдца моегѡ̀, и҆ ча́сть моѧ̀, бж҃е, во вѣ́къ.
72:28 См.: 🔗Иер. 17:13 🔗Ос. 7:13	Ꙗ҆́кѡ сѐ, ᲂу҆далѧ́ющїи себѐ ѿ тебє̀ поги́бнꙋтъ: потреби́лъ є҆сѝ всѧ́каго любодѣ́ющаго ѿ тебє̀.
72:29 См.: 🔗Иак. 4:8	Мнѣ́ же прилѣплѧ́тисѧ бг҃ови бла́го є҆́сть, полага́ти на гдⷭ҇а ᲂу҆пова́нїе моѐ, возвѣсти́ти мѝ всѧ̑ хвалы̑ твоѧ̑, во вратѣ́хъ дще́ре сїѡ́ни.

Вернуться назад

Священное Писание

Кни́га Ѱалти́рь, ѱало́мъ ѻ҃в