Священное Писание

Кни́га Ѱалти́рь, ѱало́мъ рм҃г

Оглавление

а҃ в҃ г҃ д҃ є҃ ѕ҃ з҃ и҃ ѳ҃ і҃ а҃і в҃і г҃і д҃і є҃і ѕ҃і з҃і и҃і ѳ҃і к҃ к҃а к҃в к҃г к҃д к҃є к҃ѕ к҃з к҃и к҃ѳ л҃ л҃а л҃в л҃г л҃д л҃є л҃ѕ л҃з л҃и л҃ѳ м҃ м҃а м҃в м҃г м҃д м҃є м҃ѕ м҃з м҃и м҃ѳ н҃ н҃а н҃в н҃г н҃д н҃є н҃ѕ н҃з н҃и н҃ѳ ѯ҃ ѯ҃а ѯ҃в ѯ҃г ѯ҃д ѯ҃є ѯ҃ѕ ѯ҃з ѯ҃и ѯ҃ѳ ѻ҃ ѻ҃а ѻ҃в ѻ҃г ѻ҃д ѻ҃є ѻ҃ѕ ѻ҃з ѻ҃и ѻ҃ѳ п҃ п҃а п҃в п҃г п҃д п҃є п҃ѕ п҃з п҃и п҃ѳ ч҃ ч҃а ч҃в ч҃г ч҃д ч҃є ч҃ѕ ч҃з ч҃и ч҃ѳ р҃ р҃а р҃в р҃г р҃д р҃є р҃ѕ р҃з р҃и р҃ѳ р҃і ра҃і рв҃і рг҃і рд҃і рє҃і рѕ҃і рз҃і ри҃і рѳ҃і р҃к рк҃а рк҃в рк҃г рк҃д рк҃є рк҃ѕ рк҃з рк҃и рк҃ѳ р҃л рл҃а рл҃в рл҃г рл҃д рл҃є рл҃ѕ рл҃з рл҃и рл҃ѳ р҃м рм҃а рм҃в рм҃г рм҃д рм҃є рм҃ѕ рм҃з рм҃и рм҃ѳ р҃н рн҃а

	Язык: Церковнослав. (цс.) Церковнослав. (гражд.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковнославянском языке.
	Псаломъ рм҃г
143:1	Ѱало́мъ дв҃дꙋ, къ голїа́ѳꙋ,
143:2 См.: 🔗2Цар. 22:35	Блгⷭ҇ве́нъ гдⷭ҇ь бг҃ъ мо́й, наꙋча́ѧй рꙋ́цѣ моѝ на ѡ҆полче́нїе, пе́рсты моѧ̑ на бра́нь.
143:3 См.: 🔗2Цар. 22:47	Млⷭ҇ть моѧ̀ и҆ прибѣ́жище моѐ, застꙋ́пникъ мо́й и҆ и҆зба́витель мо́й, защи́титель мо́й, и҆ на него̀ ᲂу҆пова́хъ: повинꙋ́ѧй лю́ди моѧ̑ под̾ мѧ̀.
143:4 См.: 🔗Иов. 7:17 🔗Пс. 8:5 🔗Евр. 2:6	Гдⷭ҇и, что̀ є҆́сть человѣ́къ, ꙗ҆́кѡ позна́лсѧ є҆сѝ є҆мꙋ̀; и҆лѝ сы́нъ человѣ́чь, ꙗ҆́кѡ вмѣнѧ́еши є҆гѡ̀;
143:5 См.: 🔗Иов. 8:9 🔗Иов. 14:2	Человѣ́къ сꙋетѣ̀ ᲂу҆подо́бисѧ: дні́е є҆гѡ̀ ꙗ҆́кѡ сѣ́нь прехо́дѧтъ.
143:6 См.: 🔗2Цар. 22:10	Гдⷭ҇и, преклонѝ нб҃са̀, и҆ сни́ди: косни́сѧ гора́мъ, и҆ воздымѧ́тсѧ:
143:7	блеснѝ мо́лнїю, и҆ разжене́ши ѧ҆̀: послѝ стрѣ́лы твоѧ̑, и҆ смѧте́ши ѧ҆̀.
143:8 См.: 🔗Пс. 123:4	Послѝ рꙋ́кꙋ твою̀ съ высоты̀, и҆зми́ мѧ и҆ и҆зба́ви мѧ̀ ѿ во́дъ мно́гихъ, и҆з̾ рꙋкѝ сынѡ́въ чꙋжди́хъ,
143:9	и҆́хже ᲂу҆ста̀ глаго́лаша сꙋетꙋ̀, и҆ десни́ца и҆́хъ десни́ца непра́вды.
143:10 См.: 🔗Пс. 32:2 🔗Ис. 5:1 🔗Отк. 5:9	Бж҃е, пѣ́снь но́вꙋ воспою̀ тебѣ̀, во ѱалти́ри десѧтострꙋ́ннѣмъ пою̀ тебѣ̀:
143:11 См.: 🔗Прит. 21:31 🔗1Мак. 3:19	даю́щемꙋ спⷭ҇нїе царє́мъ, и҆збавлѧ́ющемꙋ дв҃да раба̀ своего̀ ѿ меча̀ лю́та.
143:12	И҆зба́ви мѧ̀ и҆ и҆зми́ мѧ и҆з̾ рꙋкѝ сынѡ́въ чꙋжди́хъ, и҆́хже ᲂу҆ста̀ глаго́лаша сꙋетꙋ̀, и҆ десни́ца и҆́хъ десни́ца непра́вды:
143:13 См.: 🔗Иез. 24:25	и҆́хже сы́нове и҆́хъ ꙗ҆́кѡ новосаждє́нїѧ водрꙋжє́наѧ въ ю҆́ности свое́й, дщє́ри и҆́хъ ᲂу҆до́брєны, преꙋкра́шєны ꙗ҆́кѡ подо́бїе хра́ма:
143:14 См.: 🔗Лк. 12:16	храни̑лища и҆́хъ и҆спо́лнєна, ѿрыга̑ющаѧ ѿ сегѡ̀ въ сїѐ: ѻ҆́вцы и҆́хъ многоплѡ́дны, мно́жащыѧсѧ во и҆схо́дищихъ свои́хъ: воло́ве и҆́хъ то́лсти:
143:15 См.: 🔗Лк. 14:19	нѣ́сть паде́нїѧ ѡ҆пло́тꙋ, нижѐ прохо́да, нижѐ во́плѧ въ сто́гнахъ и҆́хъ.
143:16 См.: 🔗Пс. 32:12	Оу҆бл҃жи́ша лю́ди, и҆̀мже сїѧ̑ сꙋ́ть: бл҃же́ни лю́дїе, и҆̀мже гдⷭ҇ь бг҃ъ и҆́хъ.

Вернуться назад