Священное Писание

Кни́га Ѱалти́рь, ѱало́мъ н҃д

Оглавление
а҃  в҃  г҃  д҃  є҃  ѕ҃  з҃  и҃  ѳ҃  і҃  а҃і  в҃і  г҃і  д҃і  є҃і  ѕ҃і  з҃і  и҃і  ѳ҃і  к҃  к҃а  к҃в  к҃г  к҃д  к҃є  к҃ѕ  к҃з  к҃и  к҃ѳ  л҃  л҃а  л҃в  л҃г  л҃д  л҃є  л҃ѕ  л҃з  л҃и  л҃ѳ  м҃  м҃а  м҃в  м҃г  м҃д  м҃є  м҃ѕ  м҃з  м҃и  м҃ѳ  н҃  н҃а  н҃в  н҃г  н҃д  н҃є  н҃ѕ  н҃з  н҃и  н҃ѳ  ѯ҃  ѯ҃а  ѯ҃в  ѯ҃г  ѯ҃д  ѯ҃є  ѯ҃ѕ  ѯ҃з  ѯ҃и  ѯ҃ѳ  ѻ҃  ѻ҃а  ѻ҃в  ѻ҃г  ѻ҃д  ѻ҃є  ѻ҃ѕ  ѻ҃з  ѻ҃и  ѻ҃ѳ  п҃  п҃а  п҃в  п҃г  п҃д  п҃є  п҃ѕ  п҃з  п҃и  п҃ѳ  ч҃  ч҃а  ч҃в  ч҃г  ч҃д  ч҃є  ч҃ѕ  ч҃з  ч҃и  ч҃ѳ  р҃  р҃а  р҃в  р҃г  р҃д  р҃є  р҃ѕ  р҃з  р҃и  р҃ѳ  р҃і  ра҃і  рв҃і  рг҃і  рд҃і  рє҃і  рѕ҃і  рз҃і  ри҃і  рѳ҃і  р҃к  рк҃а  рк҃в  рк҃г  рк҃д  рк҃є  рк҃ѕ  рк҃з  рк҃и  рк҃ѳ  р҃л  рл҃а  рл҃в  рл҃г  рл҃д  рл҃є  рл҃ѕ  рл҃з  рл҃и  рл҃ѳ  р҃м  рм҃а  рм҃в  рм҃г  рм҃д  рм҃є  рм҃ѕ  рм҃з  рм҃и  рм҃ѳ  р҃н  рн҃а 
Язык: Церковнослав. (цс.)

Церковнослав. (гражд.)

Церковнослав. (дореф.)

Рус. (Синодальный)

Українська

English (NKJV)

English (KJV)

Srpski
Елизаветинская Библия на церковно­славянском языке.
  
Псаломъ н҃д
54:1Въ коне́цъ, въ пѣ́снехъ ра́зꙋма, а҆са́фꙋ, ѱало́мъ,
54:2
См.: 🔗Пс. 53:4
Внꙋшѝ, бж҃е, моли́твꙋ мою̀ и҆ не пре́зри моле́нїѧ моегѡ̀:
54:3вонми́ ми и҆ ᲂу҆слы́ши мѧ̀: возскорбѣ́хъ печа́лїю мое́ю {во и҆скꙋше́нїи мое́мъ}, и҆ смѧто́хсѧ
54:4
См.: 🔗2Цар. 17:1
ѿ гла́са вра́жїѧ и҆ ѿ стꙋже́нїѧ грѣ́шнича: ꙗ҆́кѡ ᲂу҆клони́ша на мѧ̀ беззако́нїе и҆ во гнѣ́вѣ враждова́хꙋ мѝ.
54:5Се́рдце моѐ смѧте́сѧ во мнѣ̀, и҆ боѧ́знь сме́рти нападѐ на мѧ̀:
54:6стра́хъ и҆ тре́петъ прїи́де на мѧ̀, и҆ покры́ мѧ тьма̀.
54:7И҆ рѣ́хъ: кто̀ да́стъ мѝ крилѣ̑ ꙗ҆́кѡ голꙋби̑нѣ; и҆ полещꙋ̀, и҆ почі́ю.
54:8Сѐ, ᲂу҆дали́хсѧ бѣ́гаѧ и҆ водвори́хсѧ въ пꙋсты́ни.
54:9Ча́ѧхъ бг҃а сп҃са́ющагѡ мѧ̀ ѿ малодꙋ́шїѧ и҆ ѿ бꙋ́ри.
54:10Потопѝ, гдⷭ҇и, и҆ раздѣлѝ ѧ҆зы́ки и҆́хъ: ꙗ҆́кѡ ви́дѣхъ беззако́нїе и҆ прерѣка́нїе во гра́дѣ.
54:11
См.: 🔗Чис. 23:21
Дне́мъ и҆ но́щїю ѡ҆бы́детъ и҆̀ по стѣна́мъ є҆гѡ̀: беззако́нїе и҆ трꙋ́дъ посредѣ̀ є҆гѡ̀, и҆ непра́вда:
54:12и҆ не ѡ҆скꙋдѣ̀ ѿ сто́гнъ є҆гѡ̀ ли́хва и҆ ле́сть.
54:13Ꙗ҆́кѡ а҆́ще бы вра́гъ поноси́лъ мѝ, претерпѣ́лъ бы́хъ ᲂу҆́бѡ: и҆ а҆́ще бы ненави́дѧй мѧ̀ на мѧ̀ велерѣ́чевалъ, ᲂу҆кры́лбыхсѧ ѿ негѡ̀.
54:14
См.: 🔗Мф. 26:23 🔗Ин. 13:18 🔗Деян. 1:16
Ты́ же, человѣ́че равнодꙋ́шне, влады́ко мо́й и҆ зна́емый мо́й,
54:15и҆́же кꙋ́пнѡ наслажда́лсѧ є҆сѝ со мно́ю бра́шенъ: въ домꙋ̀ бж҃їи ходи́хомъ є҆диномышле́нїемъ.
54:16Да прїи́детъ же сме́рть на нѧ̀, и҆ да сни́дꙋтъ во а҆́дъ жи́ви: ꙗ҆́кѡ лꙋка́вство въ жили́щихъ и҆́хъ, посредѣ̀ и҆́хъ.
54:17А҆́зъ къ бг҃ꙋ воззва́хъ, и҆ гдⷭ҇ь ᲂу҆слы́ша мѧ̀.
54:18
См.: 🔗Дан. 6:10
Ве́черъ и҆ заꙋ́тра и҆ полꙋ́дне повѣ́мъ и҆ возвѣщꙋ̀, и҆ ᲂу҆слы́шитъ гла́съ мо́й.
54:19И҆зба́витъ ми́ромъ дꙋ́шꙋ мою̀ ѿ приближа́ющихсѧ мнѣ̀: ꙗ҆́кѡ во мно́зѣ бѧ́хꙋ со мно́ю.
54:20
См.: 🔗Пс. 9:8
Оу҆слы́шитъ бг҃ъ, и҆ смири́тъ ѧ҆̀ сы́й пре́жде вѣ̑къ: нѣ́сть бо и҆̀мъ и҆змѣне́нїѧ, ꙗ҆́кѡ не ᲂу҆боѧ́шасѧ бг҃а.
54:21Прострѐ рꙋ́кꙋ свою̀ на воздаѧ́нїе: ѡ҆скверни́ша завѣ́тъ є҆гѡ̀.
54:22
См.: 🔗Пс. 56:5
Раздѣли́шасѧ ѿ гнѣ́ва лица̀ є҆гѡ̀, и҆ прибли́жишасѧ сердца̀ и҆́хъ: ᲂу҆мѧ́кнꙋша словеса̀ и҆́хъ па́че є҆ле́а, и҆ та̑ сꙋ́ть стрѣ́лы.
54:23
См.: 🔗Мф. 6:25 🔗Лк. 12:22 🔗1Пет. 5:7
Возве́рзи на гдⷭ҇а печа́ль твою̀, и҆ то́й тѧ̀ препита́етъ: не да́стъ въ вѣ́къ молвы̀ првⷣникꙋ.
54:24
См.: 🔗Прит. 26:27 🔗Пс. 68:16 🔗4Цар. 1:4
Ты́ же, бж҃е, низведе́ши и҆̀хъ въ стꙋдене́цъ и҆стлѣ́нїѧ: мꙋ́жїе крове́й и҆ льстѝ не преполовѧ́тъ дні́й свои́хъ. А҆́зъ же, гдⷭ҇и, ᲂу҆пова́ю на тѧ̀.
Вернуться назад