Кни́га Сїра́хъ, глава̀ м҃и неканонич.

	Язык: Церковнослав. (цс.) Церковнослав. (гражд.) Церковнослав. (дореф.) Рус. (Синодальный) English (NKJV) English (KJV) Srpski Елизаветинская Библия на церковно­славянском языке.
	Глава̀ м҃и
48:1 См.: 🔗Иер. 5:14 🔗Ин. 5:35	И҆ воста̀ и҆лїа̀ прⷪ҇ро́къ ꙗ҆́кѡ ѻ҆́гнь, и҆ сло́во є҆гѡ̀ ꙗ҆́кѡ свѣща̀ горѧ́ше:
48:2	и҆́же нанесѐ на нѧ̀ гла́дъ и҆ ре́вностїю свое́ю ᲂу҆ма́ли ѧ҆̀,
48:3 См.: 🔗3Цар. 17:1	сло́вомъ гдⷭ҇нимъ ᲂу҆держа̀ не́бо и҆ сведѐ та́кѡ три́жды ѻ҆́гнь съ небесѐ.
48:4 См.: 🔗3Цар. 18:38 🔗4Цар. 1:10	Ко́ль просла́вилсѧ є҆сѝ, и҆лїѐ, чꙋдесы̀ твои́ми, и҆ кто̀ подо́бенъ тебѣ̀ похвали́тисѧ;
48:5 См.: 🔗3Цар. 17:22	Воздви́гнꙋвъ мертвеца̀ ѿ сме́рти и҆ и҆з̾ а҆́да сло́вомъ вы́шнѧгѡ,
48:6 См.: 🔗3Цар. 21:19 🔗4Цар. 5:4	сведы́й цари̑ въ па́гꙋбꙋ и҆ просла́влєнныѧ ѿ ѻ҆дра̀ и҆́хъ,
48:7 См.: 🔗3Цар. 21:19	слы́шавый въ сїна́и ѡ҆бличе́нїе и҆ въ хѡри́вѣ сꙋдьбы̑ ѿмще́нїѧ,
48:8 См.: 🔗3Цар. 19:16	помазꙋ́ѧй цари̑ на воздаѧ́нїе и҆ прⷪ҇ро́ки прее́мники по себѣ̀,
48:9 См.: 🔗4Цар. 2:11	взѧ́выйсѧ ви́хромъ ѻ҆́гненнымъ на колесни́цѣ ко́ней ѻ҆́гненныхъ,
48:10 См.: 🔗Мал. 4:6	впи́санъ во ѡ҆бличє́нїѧ на времена̀, ᲂу҆толи́ти гнѣ́въ пре́жде ꙗ҆́рости и҆ ѡ҆брати́ти се́рдце ѻ҆́тчее къ сы́нꙋ и҆ ᲂу҆стро́ити кѡлѣ́на і҆а̑кѡвлѧ.
48:11	Блаже́ни ви́дѣвшїи тѧ̀ и҆ любо́вїю ᲂу҆кра́шеннїи.
48:12	И҆́бо мы̀ житїе́мъ поживе́мъ.
48:13 См.: 🔗4Цар. 2:11	И҆лїа̀, и҆́же ви́хромъ покрове́нъ бы́сть, и҆ є҆лїссе́й и҆спо́лнисѧ дꙋ́ха є҆гѡ̀ и҆ во дни̑ своѧ̑ не поколеба́сѧ ѿ кнѧзе́й, и҆ не премо́же є҆гѡ̀ никто́же:
48:14 См.: 🔗4Цар. 13:21	всѧ́ко сло́во не превзы́де є҆гѡ̀, и҆ во ᲂу҆спе́нїи прⷪ҇ро́чествова тѣ́ло є҆гѡ̀:
48:15 См.: 🔗4Цар. 2:14 🔗4Цар. 13:21	и҆ въ житїѝ свое́мъ сотворѝ чꙋдеса̀, и҆ во ᲂу҆ме́ртвїи ди̑вна дѣла̀ є҆гѡ̀.
48:16	Во всѣ́хъ си́хъ не пока́ѧшасѧ лю́дїе и҆ не ѿстꙋпи́ша ѿ грѣ̑хъ свои́хъ, до́ндеже плѣне́ни бы́ша ѿ землѝ своеѧ̀ и҆ расточе́ни бы́ша по все́й землѝ.
48:17	И҆ ѡ҆ста́сѧ люді́й ма́лѡ, и҆ кнѧ́зь въ домꙋ̀ даві́довѣ.
48:18	Нѣ́цыи ᲂу҆́бѡ ѿ ни́хъ сотвори́ша ᲂу҆го́дное, нѣ́цыи же ᲂу҆мно́жиша грѣхѝ.
48:19 См.: 🔗4Цар. 20:20	Є҆зекі́а ᲂу҆твердѝ гра́дъ сво́й и҆ введѐ посредѣ̀ є҆гѡ̀ во́дꙋ: и҆скопа̀ желѣ́зомъ ка́мень и҆ созда̀ и҆сто́чники вода́мъ.
48:20 См.: 🔗4Цар. 18:13 🔗2Пар. 32:1 🔗Ис. 36:1	Во дне́хъ є҆гѡ̀ взы́де сеннахирі́мъ и҆ посла̀ раѱа́ка, и҆ воздви́же рꙋ́кꙋ свою̀ на сїѡ́на и҆ возвели́чисѧ горды́нею свое́ю.
48:21	Тогда̀ подвиго́шасѧ сердца̀ и҆ рꙋ́цѣ и҆́хъ, и҆ поболѣ́ша ꙗ҆́кѡ ражда́ющыѧ.
48:22	И҆ помоли́шасѧ гдⷭ҇ꙋ млⷭ҇тивомꙋ, воздѣ́вше рꙋ́ки своѧ̑ къ немꙋ̀:
48:23	и҆ ст҃ы́й съ нб҃сѐ ско́рѡ ᲂу҆слы́ша ѧ҆̀ и҆ и҆зба́ви ѧ҆̀ рꙋко́ю и҆са́їиною:
48:24 См.: 🔗4Цар. 19:35 🔗Ис. 37:36 🔗1Мак. 7:41 🔗2Мак. 15:22	поразѝ полкѝ а҆ссѷрі̑йскїѧ, и҆ сокрꙋшѝ ѧ҆̀ а҆́гг҃лъ є҆гѡ̀.
48:25	Сотвори́ бо є҆зекі́а ᲂу҆го́дное гдⷭеви и҆ ᲂу҆крѣпи́сѧ на пꙋте́хъ даві́да ѻ҆тца̀ своегѡ̀, ꙗ҆̀же заповѣ́да и҆са́їа, прⷪ҇ро́къ ве́лїй и҆ вѣ́ренъ въ видѣ́нїи свое́мъ.
48:26 См.: 🔗4Цар. 20:9 🔗2Пар. 32:24 🔗Ис. 38:8	Во дне́хъ є҆гѡ̀ воспѧти́сѧ со́лнце, и҆ приложѝ житїѧ̀ царе́ви:
48:27	дꙋ́хомъ ве́лїимъ ви́дѣ послѣ̑днѧѧ и҆ ᲂу҆тѣ́ши сѣ́тꙋющыѧ въ сїѡ́нѣ:
48:28	да́же до вѣ́ка показа̀ бꙋ̑дꙋщаѧ и҆ сокровє́наѧ, пре́жде не́же прїитѝ и҆̀мъ.