Священное Писание

Кни́га Сїра́хъ, глава̀ в҃ неканонич.

Оглавление
а҃  в҃  г҃  д҃  є҃  ѕ҃  з҃  и҃  ѳ҃  і҃  а҃і  в҃і  г҃і  д҃і  є҃і  ѕ҃і  з҃і  и҃і  ѳ҃і  к҃  к҃а  к҃в  к҃г  к҃д  к҃є  к҃ѕ  к҃з  к҃и  к҃ѳ  л҃  л҃а  л҃в  л҃г  л҃д  л҃є  л҃ѕ  л҃з  л҃и  л҃ѳ  м҃  м҃а  м҃в  м҃г  м҃д  м҃є  м҃ѕ  м҃з  м҃и  м҃ѳ  н҃  н҃а 
Язык: Церковнослав. (цс.)

Церковнослав. (гражд.)

Церковнослав. (дореф.)

Рус. (Синодальный)

English (NKJV)

English (KJV)

Srpski
Елизаветинская Библия на церковно­славянском языке.
  
Глава̀ в҃
2:1
См.: 🔗Мф. 4:1 🔗1Пет. 4:12 🔗2Тим. 3:12
Ча́до, а҆́ще пристꙋпа́еши рабо́тати гдⷭ҇еви бг҃ꙋ, ᲂу҆гото́ви дꙋ́шꙋ твою̀ во и҆скꙋше́нїе:
2:2
См.: 🔗2Тим. 2:3
ᲂу҆пра́ви се́рдце твоѐ и҆ потерпѝ, и҆ не ско́ръ бꙋ́ди во вре́мѧ наведе́нїѧ:
2:3прилѣпи́сѧ є҆мꙋ̀ и҆ не ѿстꙋпѝ, да возрасте́ши на послѣ́докъ тво́й.
2:4Всѐ є҆ли́ко а҆́ще нанесе́но тѝ бꙋ́детъ, прїимѝ и҆ во и҆змѣне́нїи смире́нїѧ твоегѡ̀ долготерпѝ:
2:5
См.: 🔗Прит. 17:3 🔗Прем. 3:6
ꙗ҆́кѡ во ѻ҆гнѝ и҆скꙋша́етсѧ зла́то, и҆ человѣ́цы прїѧ́тни въ пещѝ смире́нїѧ.
2:6Вѣ́рꙋй є҆мꙋ̀, и҆ застꙋ́питъ тѧ̀, и҆ ᲂу҆пра́ви пꙋти̑ твоѧ̑ и҆ ᲂу҆пова́й на́нь.
2:7Боѧ́щїисѧ гдⷭ҇а, пожди́те млⷭ҇ти є҆гѡ̀ и҆ не ᲂу҆клони́тесѧ, да не паде́те.
2:8Боѧ́щїисѧ гдⷭ҇а, вѣ́рꙋйте є҆мꙋ̀, и҆ не и҆́мать ѿпа́сти мзда̀ ва́ша.
2:9Боѧ́щїисѧ гдⷭ҇а, надѣ́йтесѧ на блага̑ѧ и҆ на весе́лїе вѣ́ка и҆ ми̑лости.
2:10
См.: 🔗Пс. 36:25
Воззри́те на дрє́внїѧ ро́ды и҆ ви́дите, кто̀ вѣ́рова гдⷭ҇еви и҆ постыдѣ́сѧ; и҆лѝ кто̀ пребы́сть во стра́сѣ є҆гѡ̀ и҆ ѡ҆ста́висѧ; и҆лѝ кто̀ призва̀ є҆го̀, и҆ презрѣ̀ и҆̀;
2:11Занѐ ще́дръ и҆ млⷭ҇тивъ гдⷭ҇ь, и҆ ѡ҆ставлѧ́етъ грѣхѝ, и҆ сп҃са́етъ во вре́мѧ ско́рби.
2:12
См.: 🔗3Цар. 18:21
Го́ре сердца́мъ страшли̑вымъ и҆ рꙋка́мъ ѡ҆сла́блєнымъ, и҆ грѣ́шникꙋ ходѧ́щꙋ на двѣ̀ стєзѝ.
2:13Го́ре се́рдцꙋ ѡ҆сла́бленꙋ, ꙗ҆́кѡ не вѣ́рꙋетъ: сегѡ̀ ра́ди покрове́но не бꙋ́детъ.
2:14Го́ре ва́мъ погꙋ́бльшымъ терпѣ́нїе: и҆ что̀ сотворитѐ, є҆гда̀ посѣти́тъ гдⷭ҇ь;
2:15
См.: 🔗Ин. 14:21
Боѧ́щїисѧ гдⷭ҇а не сꙋмнѣва́ютсѧ ѡ҆ гл҃го́лѣхъ є҆гѡ̀, и҆ лю́бѧщїи є҆го̀ сохранѧ́тъ пꙋти̑ є҆гѡ̀.
2:16Боѧ́щїисѧ гдⷭ҇а пои́щꙋтъ бл҃говоле́нїѧ є҆гѡ̀, и҆ лю́бѧщїи є҆го̀ и҆спо́лнѧтсѧ зако́на.
2:17Боѧ́щїисѧ гдⷭ҇а ᲂу҆гото́вѧтъ сердца̀ своѧ̑ и҆ пред̾ ни́мъ смирѧ́тъ дꙋ́шы своѧ̑, (глаго́люще:)
2:18
См.: 🔗2Цар. 24:14
да впаде́мъ въ рꙋ́цѣ гдⷭ҇ни, а҆ не въ рꙋ́цѣ человѣ́чєски, ꙗ҆́кѡ бо вели́чество є҆гѡ̀, та́кѡ и҆ млⷭ҇ть є҆гѡ̀.
Вернуться назад