Священное Писание

Кни́га Ѱалти́рь, ѱало́мъ к҃а

Оглавление
а҃  в҃  г҃  д҃  є҃  ѕ҃  з҃  и҃  ѳ҃  і҃  а҃і  в҃і  г҃і  д҃і  є҃і  ѕ҃і  з҃і  и҃і  ѳ҃і  к҃  к҃а  к҃в  к҃г  к҃д  к҃є  к҃ѕ  к҃з  к҃и  к҃ѳ  л҃  л҃а  л҃в  л҃г  л҃д  л҃є  л҃ѕ  л҃з  л҃и  л҃ѳ  м҃  м҃а  м҃в  м҃г  м҃д  м҃є  м҃ѕ  м҃з  м҃и  м҃ѳ  н҃  н҃а  н҃в  н҃г  н҃д  н҃є  н҃ѕ  н҃з  н҃и  н҃ѳ  ѯ҃  ѯ҃а  ѯ҃в  ѯ҃г  ѯ҃д  ѯ҃є  ѯ҃ѕ  ѯ҃з  ѯ҃и  ѯ҃ѳ  ѻ҃  ѻ҃а  ѻ҃в  ѻ҃г  ѻ҃д  ѻ҃є  ѻ҃ѕ  ѻ҃з  ѻ҃и  ѻ҃ѳ  п҃  п҃а  п҃в  п҃г  п҃д  п҃є  п҃ѕ  п҃з  п҃и  п҃ѳ  ч҃  ч҃а  ч҃в  ч҃г  ч҃д  ч҃є  ч҃ѕ  ч҃з  ч҃и  ч҃ѳ  р҃  р҃а  р҃в  р҃г  р҃д  р҃є  р҃ѕ  р҃з  р҃и  р҃ѳ  р҃і  ра҃і  рв҃і  рг҃і  рд҃і  рє҃і  рѕ҃і  рз҃і  ри҃і  рѳ҃і  р҃к  рк҃а  рк҃в  рк҃г  рк҃д  рк҃є  рк҃ѕ  рк҃з  рк҃и  рк҃ѳ  р҃л  рл҃а  рл҃в  рл҃г  рл҃д  рл҃є  рл҃ѕ  рл҃з  рл҃и  рл҃ѳ  р҃м  рм҃а  рм҃в  рм҃г  рм҃д  рм҃є  рм҃ѕ  рм҃з  рм҃и  рм҃ѳ  р҃н  рн҃а 
Язык: Церковнослав. (цс.)

Церковнослав. (гражд.)

Церковнослав. (дореф.)

Рус. (Синодальный)

Українська

English (NKJV)

English (KJV)

Srpski
Елизаветинская Библия на церковно­славянском языке.
  
Псаломъ к҃а
21:1Въ коне́цъ, ѡ҆ застꙋпле́нїи ᲂу҆́треннемъ, ѱало́мъ дв҃дꙋ,
21:2
См.: 🔗Мф. 27:46 🔗Мк. 15:34
Бж҃е, бж҃е мо́й, вонми́ ми, вскꙋ́ю ѡ҆ста́вилъ мѧ̀ є҆сѝ; дале́че ѿ спⷭ҇нїѧ моегѡ̀ словеса̀ грѣхопаде́нїй мои́хъ.
21:3Бж҃е мо́й, воззовꙋ̀ во днѝ, и҆ не ᲂу҆слы́шиши, и҆ въ нощѝ, и҆ не въ безꙋ́мїе мнѣ̀.
21:4Ты́ же во ст҃ѣ́мъ живе́ши, хвало̀ і҆и҃лева.
21:5
См.: 🔗Пс. 106:6
На тѧ̀ ᲂу҆пова́ша ѻ҆тцы̀ на́ши: ᲂу҆пова́ша, и҆ и҆зба́вилъ є҆сѝ ѧ҆̀:
21:6
См.: 🔗Пс. 24:2
къ тебѣ̀ воззва́ша, и҆ спасо́шасѧ: на тѧ̀ ᲂу҆пова́ша, и҆ не постыдѣ́шасѧ.
21:7А҆́зъ же є҆́смь че́рвь, а҆ не человѣ́къ, поноше́нїе человѣ́кѡвъ и҆ ᲂу҆ничиже́нїе люді́й.
21:8
См.: 🔗Мф. 27:39
Всѝ ви́дѧщїи мѧ̀ порꙋга́шамисѧ, глаго́лаша ᲂу҆стна́ми, покива́ша главо́ю:
21:9
См.: 🔗Мф. 27:43 🔗Прем. 2:18
ᲂу҆пова̀ на гдⷭ҇а, да и҆зба́витъ є҆го̀, да сп҃се́тъ є҆го̀, ꙗ҆́кѡ хо́щетъ є҆го̀.
21:10
См.: 🔗Пс. 70:6
Ꙗ҆́кѡ ты̀ є҆сѝ и҆сто́ргїй мѧ̀ и҆з̾ чре́ва, ᲂу҆пова́нїе моѐ ѿ сѡсцꙋ̀ ма́тере моеѧ̀.
21:11Къ тебѣ̀ приве́рженъ є҆́смь ѿ ложе́снъ, ѿ чре́ва ма́тере моеѧ̀ бг҃ъ мо́й є҆сѝ ты̀.
21:12Да не ѿстꙋ́пиши ѿ менє̀, ꙗ҆́кѡ ско́рбь бли́з̾, ꙗ҆́кѡ нѣ́сть помога́ѧй мѝ.
21:13
См.: 🔗Ам. 4:1 🔗Мф. 27:20
Ѡ҆быдо́ша мѧ̀ тельцы̀ мно́зи, ю҆нцы̀ тꙋ́чнїи ѡ҆держа́ша мѧ̀:
21:14ѿверзо́ша на мѧ̀ ᲂу҆ста̀ своѧ̑, ꙗ҆́кѡ ле́въ восхища́ѧй и҆ рыка́ѧй.
21:15Ꙗ҆́кѡ вода̀ и҆злїѧ́хсѧ, и҆ разсы́пашасѧ всѧ̑ кѡ́сти моѧ̑: бы́сть се́рдце моѐ ꙗ҆́кѡ во́скъ та́ѧй посредѣ̀ чре́ва моегѡ̀.
21:16
См.: 🔗Ин. 19:28
И҆́зсше ꙗ҆́кѡ скꙋде́ль крѣ́пость моѧ̀, и҆ ѧ҆зы́къ мо́й прильпѐ горта́ни моемꙋ̀, и҆ въ пе́рсть сме́рти све́лъ мѧ̀ є҆сѝ.
21:17
См.: 🔗Мф. 27:27
Ꙗ҆́кѡ ѡ҆быдо́ша мѧ̀ псѝ мно́зи, со́нмъ лꙋка́выхъ ѡ҆держа́ша мѧ̀: и҆скопа́ша рꙋ́цѣ моѝ и҆ но́зѣ моѝ.
21:18
См.: 🔗Лк. 23:35
И҆счето́ша всѧ̑ кѡ́сти моѧ̑: ті́и же смотри́ша и҆ презрѣ́ша мѧ̀.
21:19
См.: 🔗Мф. 27:35 🔗Мк. 15:24 🔗Лк. 23:34 🔗Ин. 19:24
Раздѣли́ша ри̑зы моѧ̑ себѣ̀, и҆ ѡ҆ ѻ҆де́жди мое́й мета́ша жре́бїй.
21:20Ты́ же, гдⷭ҇и, не ᲂу҆далѝ по́мощь твою̀ ѿ менє̀: на застꙋпле́нїе моѐ вонмѝ.
21:21И҆зба́ви ѿ ѻ҆рꙋ́жїѧ дꙋ́шꙋ мою̀, и҆ и҆з̾ рꙋкѝ пе́сїи є҆диноро́днꙋю мою̀.
21:22Сп҃си́ мѧ ѿ ᲂу҆́стъ льво́выхъ, и҆ ѿ рѡ́гъ є҆динорѡ́жь смире́нїе моѐ.
21:23
См.: 🔗Ин. 20:17 🔗Евр. 2:12
Повѣ́мъ и҆́мѧ твоѐ бра́тїи мое́й, посредѣ̀ цр҃кве воспою̀ тѧ̀.
21:24Боѧ́щїисѧ гдⷭ҇а, восхвали́те є҆го̀, всѐ сѣ́мѧ і҆а́кѡвле, просла́вите є҆го̀, да ᲂу҆бои́тсѧ же ѿ негѡ̀ всѐ сѣ́мѧ і҆и҃лево:
21:25
См.: 🔗Евр. 5:7
ꙗ҆́кѡ не ᲂу҆ничижѝ, нижѐ негодова̀ моли́твы ни́щагѡ, нижѐ ѿвратѝ лицѐ своѐ ѿ менє̀, и҆ є҆гда̀ воззва́хъ къ немꙋ̀, ᲂу҆слы́ша мѧ̀.
21:26
См.: 🔗Пс. 34:18
Ѿ тебє̀ похвала̀ моѧ̀, въ цр҃кви вели́цѣй и҆сповѣ́мсѧ тебѣ̀: моли̑твы моѧ̑ возда́мъ пред̾ боѧ́щимисѧ є҆гѡ̀.
21:27
См.: 🔗Песн. 5:1 🔗Ис. 65:13 🔗Лк. 1:53
Ꙗ҆дѧ́тъ ᲂу҆бо́зїи, и҆ насы́тѧтсѧ, и҆ восхва́лѧтъ гдⷭ҇а взыска́ющїи є҆го̀: жи̑ва бꙋ́дꙋтъ сердца̀ и҆́хъ въ вѣ́къ вѣ́ка.
21:28
См.: 🔗Пс. 2:8 🔗Ис. 60:14
Помѧнꙋ́тсѧ и҆ ѡ҆братѧ́тсѧ ко гдⷭ҇ꙋ всѝ концы̑ землѝ, и҆ покло́нѧтсѧ пред̾ ни́мъ всѧ̑ ѻ҆те́чєствїѧ ꙗ҆зы̑къ:
21:29
См.: 🔗Дан. 7:27 🔗Мф. 6:10
ꙗ҆́кѡ гдⷭ҇не є҆́сть црⷭ҇твїе, и҆ то́й ѡ҆блада́етъ ꙗ҆зы̑ки.
21:30
См.: 🔗Ис. 25:6 🔗Ис. 49:23
Ꙗ҆до́ша и҆ поклони́шасѧ всѝ тꙋ́чнїи землѝ: пред̾ ни́мъ припадꙋ́тъ всѝ низходѧ́щїи въ зе́млю: и҆ дꙋша̀ моѧ̀ томꙋ̀ живе́тъ.
21:31
См.: 🔗Ис. 53:10
И҆ сѣ́мѧ моѐ порабо́таетъ є҆мꙋ̀: возвѣсти́тъ гдⷭ҇еви ро́дъ грѧдꙋ́щїй:
21:32и҆ возвѣстѧ́тъ пра́вдꙋ є҆гѡ̀ лю́демъ ро́ждшымсѧ {роди́тисѧ и҆мꙋ́щымъ}, ꙗ҆̀же сотворѝ гдⷭ҇ь.
Вернуться назад