Священное Писание

Кни́га Ѱалти́рь, ѱало́мъ р҃в

Оглавление
а҃  в҃  г҃  д҃  є҃  ѕ҃  з҃  и҃  ѳ҃  і҃  а҃і  в҃і  г҃і  д҃і  є҃і  ѕ҃і  з҃і  и҃і  ѳ҃і  к҃  к҃а  к҃в  к҃г  к҃д  к҃є  к҃ѕ  к҃з  к҃и  к҃ѳ  л҃  л҃а  л҃в  л҃г  л҃д  л҃є  л҃ѕ  л҃з  л҃и  л҃ѳ  м҃  м҃а  м҃в  м҃г  м҃д  м҃є  м҃ѕ  м҃з  м҃и  м҃ѳ  н҃  н҃а  н҃в  н҃г  н҃д  н҃є  н҃ѕ  н҃з  н҃и  н҃ѳ  ѯ҃  ѯ҃а  ѯ҃в  ѯ҃г  ѯ҃д  ѯ҃є  ѯ҃ѕ  ѯ҃з  ѯ҃и  ѯ҃ѳ  ѻ҃  ѻ҃а  ѻ҃в  ѻ҃г  ѻ҃д  ѻ҃є  ѻ҃ѕ  ѻ҃з  ѻ҃и  ѻ҃ѳ  п҃  п҃а  п҃в  п҃г  п҃д  п҃є  п҃ѕ  п҃з  п҃и  п҃ѳ  ч҃  ч҃а  ч҃в  ч҃г  ч҃д  ч҃є  ч҃ѕ  ч҃з  ч҃и  ч҃ѳ  р҃  р҃а  р҃в  р҃г  р҃д  р҃є  р҃ѕ  р҃з  р҃и  р҃ѳ  р҃і  ра҃і  рв҃і  рг҃і  рд҃і  рє҃і  рѕ҃і  рз҃і  ри҃і  рѳ҃і  р҃к  рк҃а  рк҃в  рк҃г  рк҃д  рк҃є  рк҃ѕ  рк҃з  рк҃и  рк҃ѳ  р҃л  рл҃а  рл҃в  рл҃г  рл҃д  рл҃є  рл҃ѕ  рл҃з  рл҃и  рл҃ѳ  р҃м  рм҃а  рм҃в  рм҃г  рм҃д  рм҃є  рм҃ѕ  рм҃з  рм҃и  рм҃ѳ  р҃н  рн҃а 
Язык: Церковнослав. (цс.)

Церковнослав. (гражд.)

Церковнослав. (дореф.)

Рус. (Синодальный)

Українська

English (NKJV)

English (KJV)

Srpski
Елизаветинская Библия на церковно­славянском языке.
  
Псаломъ р҃в
102:1
См.: 🔗Пс. 103:1
Благословѝ, дꙋшѐ моѧ̀, гдⷭ҇а, и҆ всѧ̑ внꙋ́трєннѧѧ моѧ̑, и҆́мѧ ст҃о́е є҆гѡ̀:
102:2благословѝ, дꙋшѐ моѧ̀, гдⷭ҇а, и҆ не забыва́й всѣ́хъ воздаѧ́нїй є҆гѡ̀:
102:3
См.: 🔗Пс. 29:3 🔗2Пар. 30:20
ѡ҆чища́ющаго всѧ̑ беззакѡ́нїѧ твоѧ̑, и҆сцѣлѧ́ющаго всѧ̑ недꙋ́ги твоѧ̑,
102:4
См.: 🔗Иов. 33:24
и҆збавлѧ́ющаго ѿ и҆стлѣ́нїѧ живо́тъ тво́й, вѣнча́ющаго тѧ̀ млⷭ҇тїю и҆ щедро́тами,
102:5
См.: 🔗Пс. 5:13
и҆сполнѧ́ющаго во бл҃ги́хъ жела́нїе твоѐ: ѡ҆бнови́тсѧ ꙗ҆́кѡ ѻ҆́рлѧ ю҆́ность твоѧ̀.
102:6
См.: 🔗Пс. 98:4
Творѧ́й млⷭ҇тыни гдⷭ҇ь и҆ сꙋдьбꙋ̀ всѣ̑мъ ѡ҆би̑димымъ.
102:7Сказа̀ пꙋти̑ своѧ̑ мѡѷсе́ови, сыновѡ́мъ і҆и҃лєвымъ хотѣ̑нїѧ своѧ̑.
102:8
См.: 🔗Чис. 14:18 🔗Неем. 9:17
Ще́дръ и҆ млⷭ҇тивъ гдⷭ҇ь, долготерпѣли́въ и҆ многомлⷭ҇тивъ.
102:9
См.: 🔗Ис. 57:16
Не до конца̀ прогнѣ́ваетсѧ, нижѐ во вѣ́къ враждꙋ́етъ:
102:10не по беззако́нїємъ на́шымъ сотвори́лъ є҆́сть на́мъ, нижѐ по грѣхѡ́мъ на́шымъ возда́лъ є҆́сть на́мъ.
102:11Ꙗ҆́кѡ по высотѣ̀ небе́снѣй ѿ землѝ, ᲂу҆тверди́лъ є҆́сть гдⷭ҇ь млⷭ҇ть свою̀ на боѧ́щихсѧ є҆гѡ̀:
102:12є҆ли́кѡ ѿстоѧ́тъ восто́цы ѿ за̑падъ, ᲂу҆да́лилъ є҆́сть ѿ на́съ беззакѡ́нїѧ на̑ша.
102:13Ꙗ҆́коже ще́дритъ ѻ҆те́цъ сы́ны, ᲂу҆ще́дри гдⷭ҇ь боѧ́щихсѧ є҆гѡ̀.
102:14Ꙗ҆́кѡ то́й позна̀ созда́нїе на́ше, помѧнꙋ̀, ꙗ҆́кѡ пе́рсть є҆смы̀.
102:15
См.: 🔗Ис. 40:6
Человѣ́къ, ꙗ҆́кѡ трава̀ дні́е є҆гѡ̀, ꙗ҆́кѡ цвѣ́тъ се́льный, та́кѡ ѡ҆цвѣте́тъ:
102:16
См.: 🔗Иов. 7:10
ꙗ҆́кѡ дꙋ́хъ про́йде въ не́мъ, и҆ не бꙋ́детъ, и҆ не позна́етъ ктомꙋ̀ мѣ́ста своегѡ̀.
102:17
См.: 🔗Пс. 24:6
Млⷭ҇ть же гдⷭ҇нѧ ѿ вѣ́ка и҆ до вѣ́ка на боѧ́щихсѧ є҆гѡ̀,
102:18
См.: 🔗Втор. 7:9 🔗Пс. 30:2
и҆ пра́вда є҆гѡ̀ на сынѣ́хъ сынѡ́въ, хранѧ́щихъ завѣ́тъ є҆гѡ̀ и҆ по́мнѧщихъ за́пѡвѣди є҆гѡ̀ твори́ти ѧ҆̀.
102:19
См.: 🔗Пс. 9:8
Гдⷭ҇ь на нб҃сѝ ᲂу҆гото́ва прⷭ҇то́лъ сво́й, и҆ црⷭ҇тво є҆гѡ̀ всѣ́ми ѡ҆блада́етъ.
102:20
См.: 🔗Дан. 7:10
Благослови́те гдⷭ҇а, всѝ а҆́гг҃ли є҆гѡ̀, си́льнїи крѣ́постїю, творѧ́щїи сло́во є҆гѡ̀, ᲂу҆слы́шати гла́съ слове́съ є҆гѡ̀.
102:21
См.: 🔗Еф. 3:10 🔗Кол. 1:16
Благослови́те гдⷭ҇а, всѧ̑ си̑лы є҆гѡ̀, слꙋги̑ є҆гѡ̀, творѧ́щїи во́лю є҆гѡ̀.
102:22Благослови́те гдⷭ҇а, всѧ̑ дѣла̀ є҆гѡ̀ на всѧ́комъ мѣ́стѣ влⷣчества є҆гѡ̀: благословѝ, дꙋшѐ моѧ̀, гдⷭ҇а.
Вернуться назад