Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 102 | |
102:1 См.: 🔗Пс. 103:1 | Благослови, душе моя, Господа, и вся внутренняя моя, имя святое Его: |
102:2 | благослови, душе моя, Господа, и не забывай всех воздаяний Его: |
102:3 См.: 🔗Пс. 29:3 🔗2Пар. 30:20 | очищающаго вся беззакония твоя, изцеляющаго вся недуги твоя, |
102:4 См.: 🔗Иов. 33:24 | избавляющаго от истления живот твой, венчающаго тя милостию и щедротами, |
102:5 См.: 🔗Пс. 5:13 | исполняющаго во благих желание твое: обновится яко орля юность твоя. |
102:6 См.: 🔗Пс. 98:4 | Творяй милостыни Господь и судбу всем обидимым. |
102:7 | Сказа пути Своя Моисеови, сыновом Израилевым хотения Своя. |
102:8 См.: 🔗Чис. 14:18 🔗Неем. 9:17 | Щедр и милостив Господь, долготерпелив и многомилостив. |
102:9 См.: 🔗Ис. 57:16 | Не до конца прогневается, ниже во век враждует: |
102:10 | не по беззаконием нашым сотворил есть нам, ниже по грехом нашым воздал есть нам. |
102:11 | Яко по высоте небесней от земли, утвердил есть Господь милость Свою на боящихся Его: |
102:12 | елико отстоят востоцы от запад, удалил есть от нас беззакония наша. |
102:13 | Якоже щедрит отец сыны, ущедри Господь боящихся Его. |
102:14 | Яко Той позна создание наше, помяну, яко персть есмы. |
102:15 См.: 🔗Ис. 40:6 | Человек, яко трава дние его, яко цвет селный, тако оцветет: |
102:16 См.: 🔗Иов. 7:10 | яко дух пройде в нем, и не будет, и не познает ктому места своего. |
102:17 См.: 🔗Пс. 24:6 | Милость же Господня от века и до века на боящихся Его, |
102:18 См.: 🔗Втор. 7:9 🔗Пс. 30:2 | и правда Его на сынех сынов, хранящих завет Его и помнящих заповеди Его творити я. |
102:19 См.: 🔗Пс. 9:8 | Господь на небеси уготова престол Свой, и царство Его всеми обладает. |
102:20 См.: 🔗Дан. 7:10 | Благословите Господа, вси Ангели Его, сильнии крепостию, творящии слово Его, услышати глас словес Его. |
102:21 См.: 🔗Еф. 3:10 🔗Кол. 1:16 | Благословите Господа, вся силы Его, слуги Его, творящии волю Его. |
102:22 | Благословите Господа, вся дела Его на всяком месте владычества Его: благослови, душе моя, Господа. |