Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 102 | |
102:1 | Псаломъ Давиду. |
102:2 См.: 🔗Пс. 103:1 | Благослови, душе моя, Господа, и вся внутренняя моя, имя святое Его: |
102:3 | благослови, душе моя, Господа, и не забывай всѣхъ воздаянiй Его: |
102:4 См.: 🔗Пс. 29:3 🔗2Пар. 30:20 | очищающаго вся беззаконiя твоя, изцѣляющаго вся недуги твоя, |
102:5 См.: 🔗Иов. 33:24 | избавляющаго от истлѣнiя животъ твой, вѣнчающаго тя милостiю и щедротами, |
102:6 См.: 🔗Пс. 5:13 | исполняющаго во благихъ желанiе твое: обновится яко орля юность твоя. |
102:7 См.: 🔗Пс. 98:4 | Творяй милостыни Господь и судьбу всѣмъ обидимымъ. |
102:8 | Сказа пути Своя Моисеови, сыновомъ Израилевымъ хотѣнiя Своя. |
102:9 См.: 🔗Чис. 14:18 🔗Неем. 9:17 | Щедръ и милостивъ Господь, долготерпѣливъ и многомилостивъ. |
102:10 См.: 🔗Ис. 57:16 | Не до конца прогнѣвается, ниже во вѣкъ враждуетъ: |
102:11 | не по беззакониемъ нашымъ сотворилъ есть намъ, ниже по грѣхомъ нашымъ воздалъ есть намъ. |
102:12 | Яко по высотѣ небеснѣй от земли, утвердилъ есть Господь милость Свою на боящихся Его: |
102:13 | елико отстоятъ востоцы от западъ, удалилъ есть от насъ беззаконiя наша. |
102:14 | Якоже щедритъ отецъ сыны, ущедри Господь боящихся Его. |
102:15 | Яко Той позна созданiе наше, помяну, яко персть есмы. |
102:16 См.: 🔗Ис. 40:6 | Человѣкъ, яко трава дніе его, яко цвѣтъ селный, тако оцвѣтетъ: |
102:17 См.: 🔗Иов. 7:10 | яко духъ пройде въ немъ, и не будетъ, и не познаетъ ктому мѣста своего. |
102:18 См.: 🔗Пс. 24:6 | Милость же Господня от вѣка и до вѣка на боящихся Его, |
102:19 См.: 🔗Втор. 7:9 🔗Пс. 30:2 | и правда Его на сынѣхъ сыновъ, хранящихъ завѣтъ Его и помнящихъ заповѣди Его творити я. |
102:20 См.: 🔗Пс. 9:8 | Господь на небеси уготова престолъ Свой, и царство Его всѣми обладаетъ. |
102:21 См.: 🔗Дан. 7:10 | Благословите Господа, вси Ангели Его, сильнiи крѣпостiю, творящiи слово Его, услышати гласъ словесъ Его. |
102:22 См.: 🔗Еф. 3:10 🔗Кол. 1:16 | Благословите Господа, вся силы Его, слуги Его, творящiи волю Его. |
102:23 | Благословите Господа, вся дѣла Его на всякомъ мѣстѣ владычества Его: благослови, душе моя, Господа. |