Псалтирь, псалом 143

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 143
143:1 См.: 🔗2Цар. 22:35	Благословен Господь Бог мой, научаяй руце мои на ополчение, персты моя на брань.
143:2 См.: 🔗2Цар. 22:47	Милость моя и прибежище мое, заступник мой и Избавитель мой, защититель мой, и на Него уповах: повинуяй люди моя под мя.
143:3 См.: 🔗Иов. 7:17 🔗Пс. 8:5 🔗Евр. 2:6	Господи, что есть человек, яко познался еси ему? Или сын человечь, яко вменяеши его?
143:4 См.: 🔗Иов. 8:9 🔗Иов. 14:2	Человек суете уподобися: дние его яко сень преходят.
143:5 См.: 🔗2Цар. 22:10	Господи, преклони небеса, и сниди: коснися горам, и воздымятся:
143:6	блесни молнию, и разженеши я: посли стрелы Твоя, и смятеши я.
143:7 См.: 🔗Пс. 123:4	Посли руку Твою с высоты, изми мя и избави мя от вод многих, из руки сынов чуждих,
143:8	ихже уста глаголаша суету, и десница их десница неправды.
143:9 См.: 🔗Пс. 32:2 🔗Ис. 5:1 🔗Отк. 5:9	Боже, песнь нову воспою Тебе, во псалтири десятоструннем пою Тебе:
143:10 См.: 🔗Прит. 21:31 🔗1Мак. 3:19	дающему спасение царем, избавляющему Давида раба Своего от меча люта.
143:11	Избави мя и изми мя из руки сынов чуждих, ихже уста глаголаша суету, и десница их десница неправды:
143:12 См.: 🔗Иез. 24:25	ихже сынове их яко новосаждения водруженая в юности своей, дщери их удобрены, преукрашены яко подобие храма:
143:13 См.: 🔗Лк. 12:16	хранилища их исполнена, отрыгающая от сего в сие: овцы их многоплодны, множащыяся во исходищих своих: волове их толсти:
143:14 См.: 🔗Лк. 14:19	несть падения оплоту, ниже прохода, ниже вопля в стогнах их.
143:15 См.: 🔗Пс. 32:12	Ублажиша люди, имже сия суть: блажени людие, имже Господь Бог их.