Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 143 | |
143:1 | Псаломъ Давиду, къ голiаѳу. |
143:2 См.: 🔗2Цар. 22:35 | Благословенъ Господь Богъ мой, научаяй руцѣ мои на ополченiе, персты моя на брань. |
143:3 См.: 🔗2Цар. 22:47 | Милость моя и прибѣжище мое, заступникъ мой и избавитель мой, защититель мой, и на Него уповахъ: повинуяй люди моя подъ мя. |
143:4 | Господи, что есть человѣкъ, яко познался еси ему? Или сынъ человѣчь, яко вмѣняеши его? |
143:5 См.: 🔗Иов. 8:9 🔗Иов. 14:2 | Человѣкъ суетѣ уподобися: дніе его яко сѣнь преходятъ. |
143:6 См.: 🔗2Цар. 22:10 | Господи, преклони небеса, и сниди: коснися горамъ, и воздымятся: |
143:7 | блесни молнiю, и разженеши я: посли стрѣлы Твоя, и смятеши я. |
143:8 См.: 🔗Пс. 123:4 | Посли руку Твою съ высоты, изми мя и избави мя от водъ многихъ, изъ руки сыновъ чуждихъ, |
143:9 | ихже уста глаголаша суету, и десница ихъ десница неправды. |
143:10 | Боже, пѣснь нову воспою Тебѣ, во псалтири десятоструннѣмъ пою Тебѣ: |
143:11 См.: 🔗Прит. 21:31 🔗1Мак. 3:19 | дающему спасенiе царемъ, избавляющему Давида раба Своего от меча люта. |
143:12 | Избави мя и изми мя изъ руки сыновъ чуждихъ, ихже уста глаголаша суету, и десница ихъ десница неправды: |
143:13 См.: 🔗Иез. 24:25 | ихже сынове ихъ яко новосажденiя водруженая въ юности своей, дщери ихъ удобрены, преукрашены яко подобiе храма: |
143:14 См.: 🔗Лк. 12:16 | хранилища ихъ исполнена, отрыгающая от сего въ сiе: овцы ихъ многоплодны, множащыяся во исходищихъ своихъ: волове ихъ толсти: |
143:15 См.: 🔗Лк. 14:19 | нѣсть паденiя оплоту, ниже прохода, ниже вопля въ стогнахъ ихъ. |
143:16 См.: 🔗Пс. 32:12 | Ублажиша люди, имже сiя суть: блажени людiе, имже Господь Богъ ихъ. |