Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 21 | |
21:1 | В конец, о заступлении утреннем, псалом Давиду. |
21:2 См.: 🔗Мф. 27:46 🔗Мк. 15:34 | Боже, Боже мой, вонми ми, вскую оставил мя еси? Далече от спасения моего словеса грехопадений моих. |
21:3 | Боже мой, воззову во дни, и не услышиши, и в нощи, и не в безумие мне. |
21:4 | Ты же во Святем живеши, хвало Израилева. |
21:5 См.: 🔗Пс. 106:6 | На Тя уповаша отцы наши: уповаша, и избавил еси я: |
21:6 См.: 🔗Пс. 24:2 | к Тебе воззваша, и спасошася: на Тя уповаша, и не постыдешася. |
21:7 | Аз же есмь червь, а не человек, поношение человеков и уничижение людий. |
21:8 См.: 🔗Мф. 27:39 | Вси видящии мя поругашамися, глаголаша устнами, покиваша главою: |
21:9 См.: 🔗Мф. 27:43 🔗Прем. 2:18 | упова на Господа, да избавит его, да спасет его, яко хощет его. |
21:10 См.: 🔗Пс. 70:6 | Яко Ты еси исторгий мя из чрева, упование мое от сосцу матере моея. |
21:11 | К Тебе привержен есмь от ложесн, от чрева матере моея Бог мой еси Ты. |
21:12 | Да не отступиши от мене, яко скорбь близ, яко несть помогаяй ми. |
21:13 См.: 🔗Ам. 4:1 🔗Мф. 27:20 | Обыдоша мя телцы мнози, юнцы тучнии одержаша мя: |
21:14 | отверзоша на мя уста своя, яко лев восхищаяй и рыкаяй. |
21:15 | Яко вода излияхся, и разсыпашася вся кости моя: бысть сердце мое яко воск таяй посреде чрева моего. |
21:16 См.: 🔗Ин. 19:28 | Изсше яко скудель крепость моя, и язык мой прильпе гортани моему, и в персть смерти свел мя еси. |
21:17 См.: 🔗Мф. 27:27 | Яко обыдоша мя пси мнози, сонм лукавых одержаша мя: ископаша руце мои и нозе мои. |
21:18 См.: 🔗Лк. 23:35 | Изчетоша вся кости моя: тии же смотриша и презреша мя. |
21:19 | Разделиша ризы моя себе, и о одежди моей меташа жребий. |
21:20 | Ты же, Господи, не удали помощь твою от мене: на заступление мое вонми. |
21:21 | Избави от оружия душу мою, и из руки песии единородную мою. |
21:22 | Спаси мя от уст львовых, и от рог единорожь смирение мое. |
21:23 См.: 🔗Ин. 20:17 🔗Евр. 2:12 | Повем имя Твое братии моей, посреде церкве воспою Тя. |
21:24 | Боящиися Господа, восхвалите Его, все семя Иаковле, прославите Его, да убоится же от Него все семя Израилево: |
21:25 См.: 🔗Евр. 5:7 | яко не уничижи, ниже негодова молитвы нищаго, ниже отврати лице Свое от мене, и егда воззвах к Нему, услыша мя. |
21:26 См.: 🔗Пс. 34:18 | От Тебе похвала моя, в церкви велицей исповемся Тебе: молитвы моя воздам пред боящимися Его. |
21:27 | Ядят убозии, и насытятся, и восхвалят Господа взыскающии Его: жива будут сердца их в век века. |
21:28 См.: 🔗Пс. 2:8 🔗Ис. 60:14 | Помянутся и обратятся ко Господу вси концы земли, и поклонятся пред Ним вся отечествия язык: |
21:29 См.: 🔗Дан. 7:27 🔗Мф. 6:10 | яко Господне есть царствие, и Той обладает языки. |
21:30 См.: 🔗Ис. 25:6 🔗Ис. 49:23 | Ядоша и поклонишася вси тучнии земли: пред Ним припадут вси низходящии в землю: и душа моя тому живет. |
21:31 См.: 🔗Ис. 53:10 | И семя мое поработает Ему: возвестит Господеви род грядущий: |
21:32 | и возвестят правду Его людем рождшымся, яже сотвори Господь. |