Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 21 | |
21:1 | Въ конецъ, о заступленiи утреннемъ, псаломъ Давиду. |
21:2 См.: 🔗Мф. 27:46 🔗Мк. 15:34 | Боже, Боже мой, вонми ми, вскую оставилъ мя еси? Далече от спасенiя моего словеса грѣхопаденiй моихъ. |
21:3 | Боже мой, воззову во дни, и не услышиши, и въ нощи, и не въ безумiе мнѣ. |
21:4 | Ты же во Святѣмъ живеши, хвало Израилева. |
21:5 См.: 🔗Пс. 106:6 | На Тя уповаша отцы наши: уповаша, и избавилъ еси я: |
21:6 См.: 🔗Пс. 24:2 | къ Тебѣ воззваша, и спасошася: на Тя уповаша, и не постыдѣшася. |
21:7 | Азъ же есмь червь, а не человѣкъ, поношенiе человѣковъ и уничиженiе людій. |
21:8 См.: 🔗Мф. 27:39 | Вси видящiи мя поругашамися, глаголаша устнами, покиваша главою: |
21:9 См.: 🔗Мф. 27:43 🔗Прем. 2:18 | упова на Господа, да избавитъ его, да спасетъ его, яко хощетъ его. |
21:10 См.: 🔗Пс. 70:6 | Яко Ты еси исторгiй мя изъ чрева, упованiе мое от сосцу матере моея. |
21:11 | Къ Тебѣ приверженъ есмь от ложеснъ, от чрева матере моея Богъ мой еси Ты. |
21:12 | Да не отступиши от мене, яко скорбь близъ, яко нѣсть помогаяй ми. |
21:13 См.: 🔗Ам. 4:1 🔗Мф. 27:20 | Обыдоша мя телцы мнози, юнцы тучнiи одержаша мя: |
21:14 | отверзоша на мя уста своя, яко левъ восхищаяй и рыкаяй. |
21:15 | Яко вода излiяхся, и разсыпашася вся кости моя: бысть сердце мое яко воскъ таяй посредѣ чрева моего. |
21:16 См.: 🔗Ин. 19:28 | Изсше яко скудель крѣпость моя, и языкъ мой прильпе гортани моему, и въ персть смерти свелъ мя еси. |
21:17 См.: 🔗Мф. 27:27 | Яко обыдоша мя пси мнози, сонмъ лукавыхъ одержаша мя: ископаша руцѣ мои и нозѣ мои. |
21:18 См.: 🔗Лк. 23:35 | Исчетоша вся кости моя: тіи же смотриша и презрѣша мя. |
21:19 | Раздѣлиша ризы моя себѣ, и о одежди моей меташа жребiй. |
21:20 | Ты же, Господи, не удали помощь твою от мене: на заступленiе мое вонми. |
21:21 | Избави от оружiя душу мою, и изъ руки песiи единородную мою. |
21:22 | Спаси мя от устъ львовыхъ, и от рогъ единорожь смиренiе мое. |
21:23 См.: 🔗Ин. 20:17 🔗Евр. 2:12 | Повѣмъ имя Твое братiи моей, посредѣ церкве воспою Тя. |
21:24 | Боящiися Господа, восхвалите Его, все сѣмя Иаковле, прославите Его, да убоится же от Него все сѣмя Израилево: |
21:25 См.: 🔗Евр. 5:7 | яко не уничижи, ниже негодова молитвы нищаго, ниже отврати лице Свое от мене, и егда воззвахъ къ Нему, услыша мя. |
21:26 См.: 🔗Пс. 34:18 | От Тебе похвала моя, въ церкви велицѣй исповѣмся Тебѣ: молитвы моя воздамъ предъ боящимися Его. |
21:27 | Ядятъ убозiи, и насытятся, и восхвалятъ Господа взыскающiи Его: жива будутъ сердца ихъ въ вѣкъ вѣка. |
21:28 См.: 🔗Пс. 2:8 🔗Ис. 60:14 | Помянутся и обратятся ко Господу вси концы земли, и поклонятся предъ Нимъ вся отечествiя языкъ: |
21:29 См.: 🔗Дан. 7:27 🔗Мф. 6:10 | яко Господне есть царствiе, и Той обладаетъ языки. |
21:30 См.: 🔗Ис. 25:6 🔗Ис. 49:23 | Ядоша и поклонишася вси тучнiи земли: предъ Нимъ припадутъ вси низходящiи въ землю: и душа моя тому живетъ. |
21:31 См.: 🔗Ис. 53:10 | И сѣмя мое поработаетъ Ему: возвѣститъ Господеви родъ грядущiй: |
21:32 | и возвѣстятъ правду Его людемъ рождшымся {родитися имущымъ}, яже сотвори Господь. |