Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 54 | |
54:1 | Въ конецъ, въ пѣснехъ разума, Асафу, псаломъ. |
54:2 См.: 🔗Пс. 53:4 | Внуши, Боже, молитву мою и не презри моленiя моего: |
54:3 | вонми ми и услыши мя: возскорбѣхъ печалiю моею {во искушенiи моемъ}, и смятохся |
54:4 См.: 🔗2Цар. 17:1 | от гласа вражiя и от стуженiя грѣшнича: яко уклониша на мя беззаконiе и во гнѣвѣ враждоваху ми. |
54:5 | Сердце мое смятеся во мнѣ, и боязнь смерти нападе на мя: |
54:6 | страхъ и трепетъ прiиде на мя, и покры мя тма. |
54:7 | И рѣхъ: кто дастъ ми крилѣ яко голубинѣ? И полещу, и почію. |
54:8 | Се, удалихся бѣгая и водворихся въ пустыни. |
54:9 | Чаяхъ Бога спасающаго мя от малодушiя и от бури. |
54:10 | Потопи, Господи, и раздѣли языки ихъ: яко видѣхъ беззаконiе и прерѣканiе во градѣ. |
54:11 См.: 🔗Чис. 23:21 | Днемъ и нощiю обыдетъ и по стѣнамъ его: беззаконiе и трудъ посредѣ его, и неправда: |
54:12 | и не оскудѣ от стогнъ его лихва и лесть. |
54:13 | Яко аще бы врагъ поносилъ ми, претерпѣлъ быхъ убо: и аще бы ненавидяй мя на мя велерѣчевалъ, укрылбыхся от него. |
54:14 | Ты же, человѣче равнодушне, владыко мой и знаемый мой, |
54:15 | иже купно наслаждался еси со мною брашенъ: въ дому Божiи ходихомъ единомышленiемъ. |
54:16 | Да прiидетъ же смерть на ня, и да снидутъ во адъ живи: яко лукавство въ жилищихъ ихъ, посредѣ ихъ. |
54:17 | Азъ къ Богу воззвахъ, и Господь услыша мя. |
54:18 См.: 🔗Дан. 6:10 | Вечеръ и заутра и полудне повѣмъ и возвѣщу, и услышитъ гласъ мой. |
54:19 | Избавитъ миромъ душу мою от приближающихся мнѣ: яко во мнозѣ бяху со мною. |
54:20 См.: 🔗Пс. 9:8 | Услышитъ Богъ, и смиритъ я сый прежде вѣкъ: нѣсть бо имъ измѣненiя, яко не убояшася Бога. |
54:21 | Простре руку свою на воздаянiе: оскверниша завѣтъ Его. |
54:22 См.: 🔗Пс. 56:5 | Раздѣлишася от гнѣва лица Его, и приближишася сердца ихъ: умякнуша словеса ихъ паче елеа, и та суть стрѣлы. |
54:23 | Возверзи на Господа печаль твою, и Той тя препитаетъ: не дастъ въ вѣкъ молвы праведнику. |
54:24 | Ты же, Боже, низведеши ихъ въ студенецъ истлѣнiя: мужiе кровей и льсти не преполовятъ дній своихъ. Азъ же, Господи, уповаю на Тя. |