Псалтирь, псалом 72

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 72
72:1 См.: 🔗Пс. 63:9 🔗Мф. 5:8 🔗Ин. 1:47	Коль благ Бог Израилев правым сердцем.
72:2	Мои же вмале не подвижастеся нозе: вмале не пролияшася стопы моя:
72:3 См.: 🔗Пс. 36:1 🔗Иов. 21:7 🔗Иер. 12:1	яко возревновах на беззаконныя, мир грешников зря:
72:4	яко несть восклонения в смерти их и утверждения в ране их:
72:5	в трудех человеческих не суть, и с человеки не приимут ран.
72:6	Сего ради удержа я гордыня их до конца: одеяшася неправдою и нечестием своим.
72:7 См.: 🔗Иов. 15:27	Изыдет яко из тука неправда их: преидоша в любовь сердца.
72:8	Помыслиша и глаголаша в лукавстве, неправду в высоту глаголаша:
72:9 См.: 🔗Сир. 13:28	положиша на небеси уста своя, и язык их прейде по земли.
72:10	Сего ради обратятся людие Мои семо, и дние исполнени обрящутся в них.
72:11 См.: 🔗Пс. 9:32 🔗Пс. 93:7	И реша: како уведе Бог? И аще есть разум в Вышнем?
72:12	Се, сии грешницы и гобзующии в век удержаша богатство.
72:13 См.: 🔗Мал. 3:14 🔗Иов. 9:30	И рех: еда всуе оправдих сердце мое и умых в неповинных руце мои,
72:14	и бых язвен весь день, и обличение мое на утрених?
72:15	Аще глаголах, повем тако: се, роду сынов Твоих, емуже обещахся:
72:16	и непщевах разумети: сие труд есть предо мною,
72:17	дондеже вниду во святило Божие и разумею в последняя их.
72:18 См.: 🔗Иов. 21:16 🔗Прит. 14:32	Обаче за льщения их положил еси им злая, низложил еси я, внегда разгордешася.
72:19 См.: 🔗Иов. 21:30 🔗Пс. 51:7	Како быша в запустение? Внезапу изчезоша, погибоша за беззаконие свое.
72:20 См.: 🔗Иов. 21:17 🔗Ис. 29:7	Яко соние востающаго, Господи, во граде Твоем образ их уничижиши.
72:21	Яко разжжеся сердце мое, и утробы моя изменишася:
72:22 См.: 🔗Ин. 12:16	и аз уничижен, и не разумех, скотен бых у Тебе.
72:23 См.: 🔗Ин. 6:68	И аз выну с Тобою: удержал еси руку десную мою,
72:24	и советом Твоим наставил мя еси, и со славою приял мя еси.
72:25 См.: 🔗Пс. 15:5 🔗Ин. 4:14	Что бо ми есть на небеси? И от Тебе что восхотех на земли?
72:26 См.: 🔗Плч. 3:24	Изчезе сердце мое и плоть моя, Боже сердца моего, и часть моя, Боже, во век.
72:27 См.: 🔗Иер. 17:13 🔗Ос. 7:13	Яко се, удаляющии себе от Тебе погибнут: потребил еси всякаго любодеющаго от Тебе.
72:28 См.: 🔗Иак. 4:8	Мне же прилеплятися Богови благо есть, полагати на Господа упование мое, возвестити ми вся хвалы Твоя, во вратех дщере Сиони.