Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 72 | |
72:1 | Окончашася пѣсни Давида, сына Иессеова. Псаломъ Асафу. |
72:2 | Коль благъ Богъ Израилевъ правымъ сердцемъ. |
72:3 | Мои же вмалѣ не подвижастѣся нозѣ: вмалѣ не пролiяшася стопы моя: |
72:4 | яко возревновахъ на беззаконныя, миръ грѣшниковъ зря: |
72:5 | яко нѣсть восклоненiя въ смерти ихъ и утвержденiя въ ранѣ ихъ: |
72:6 | въ трудѣхъ человѣческихъ не суть, и съ человѣки не прiимутъ ранъ. |
72:7 | Сего ради удержа я гордыня ихъ до конца: одѣяшася неправдою и нечестiемъ своимъ. |
72:8 См.: 🔗Иов. 15:27 | Изыдетъ яко изъ тука неправда ихъ: преидоша въ любовь сердца. |
72:9 | Помыслиша и глаголаша въ лукавствѣ, неправду въ высоту глаголаша: |
72:10 См.: 🔗Сир. 13:28 | положиша на небеси уста своя, и языкъ ихъ прейде по земли. |
72:11 | Сего ради обратятся людiе Мои сѣмо, и дніе исполнени обрящутся въ нихъ. |
72:12 | И рѣша: како увѣдѣ Богъ? И аще есть разумъ въ Вышнѣмъ? |
72:13 | Се, сіи грѣшницы и гобзующiи въ вѣкъ удержаша богатство. |
72:14 См.: 🔗Мал. 3:14 🔗Иов. 9:30 | И рѣхъ: еда {убо} всуе оправдихъ сердце мое и умыхъ въ неповинныхъ руцѣ мои, |
72:15 | и быхъ язвенъ весь день, и обличенiе мое на утренихъ? |
72:16 | Аще глаголахъ, повѣмъ тако: се, роду сыновъ Твоихъ, емуже обѣщахся {се, роду сыновъ Твоихъ преступихъ}: |
72:17 | и непщевахъ разумѣти: сiе трудъ есть предо мною, |
72:18 | дондеже вниду во святило Божiе и разумѣю въ послѣдняя ихъ. |
72:19 См.: 🔗Иов. 21:16 🔗Прит. 14:32 | Обаче за льщенiя ихъ положилъ еси имъ злая, низложилъ еси я, внегда разгордѣшася. |
72:20 См.: 🔗Иов. 21:30 🔗Пс. 51:7 | Како быша въ запустѣнiе? Внезапу изчезоша, погибоша за беззаконiе свое. |
72:21 См.: 🔗Иов. 21:17 🔗Ис. 29:7 | Яко сонiе востающаго, Господи, во градѣ Твоемъ образъ ихъ уничижиши. |
72:22 | Яко разжжеся сердце мое, и утробы моя измѣнишася: |
72:23 См.: 🔗Ин. 12:16 | и азъ уничиженъ, и не разумѣхъ, скотенъ быхъ у Тебе. |
72:24 См.: 🔗Ин. 6:68 | И азъ выну съ Тобою: удержалъ еси руку десную мою, |
72:25 | и совѣтомъ Твоимъ наставилъ мя еси, и со славою прiялъ мя еси. |
72:26 | Что бо ми есть на небеси? И от Тебе что восхотѣхъ на земли? |
72:27 См.: 🔗Плч. 3:24 | Изчезе сердце мое и плоть моя, Боже сердца моего, и часть моя, Боже, во вѣкъ. |
72:28 См.: 🔗Иер. 17:13 🔗Ос. 7:13 | Яко се, удаляющiи себе от Тебе погибнутъ: потребилъ еси всякаго любодѣющаго от Тебе. |
72:29 См.: 🔗Иак. 4:8 | Мнѣ же прилѣплятися Богови благо есть, полагати на Господа упованiе мое, возвѣстити ми вся хвалы Твоя, во вратѣхъ дщере Сiони. |