Псалтирь, псалом 82

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 82
82:1	Пѣснь псалма Асафу.
82:2 См.: 🔗Пс. 108:1	Боже, кто уподобит­ся Тебѣ? Не премолчи, ниже укроти {ниже укротися}, Боже:
82:3	яко се, врази Тво­и воз­шумѣша, и ненавидящiи Тя воз­двигоша главу.
82:4 См.: 🔗Мф. 26:4	На люди Твоя лукавноваша волею, и совѣщаша на святыя Твоя.
82:5 См.: 🔗Иер. 11:19 🔗Деян. 14:5	Рѣша: прiидите и потребимъ я от­ языкъ, и не помянет­ся имя Израилево ктому.
82:6	Яко совѣщаша единомышленiемъ вкупѣ, на Тя завѣтъ завѣщаша:
82:7	селенiя Идумейска и Исмаилите, Моавъ и Агаряне,
82:8 См.: 🔗Иез. 27:9	Гевалъ и Аммонъ и Амаликъ, иноплемен­ницы съ живущими въ Тирѣ:
82:9 См.: 🔗Быт. 19:37	ибо и Ассуръ прiиде съ ними, быша въ заступленiе сыновомъ Лотовымъ:
82:10 См.: 🔗Суд. 4:15	сотвори имъ яко Мадiаму и Сисарѣ, яко Иавиму въ потоцѣ Киссовѣ:
82:11	потребишася во Аендорѣ, быша яко гной земный.
82:12 См.: 🔗Суд. 7:25 🔗Суд. 8:12	Положи князи ихъ яко Орива и Зива, и Зевеа и Салмана, вся князи ихъ,
82:13	иже рѣша: да наслѣдимъ себѣ святилище Божiе.
82:14 См.: 🔗Ис. 17:13 🔗Пс. 1:4	Боже мой, положи я яко коло, яко трость предъ лицемъ вѣтра.
82:15	Яко огнь попаляяй дубравы, яко пламень пожигаяй горы:
82:16	тако поженеши я бурею Тво­ею, и гнѣвомъ Тво­имъ смятеши я.
82:17 См.: 🔗Пс. 69:3	Исполни лица ихъ безчестiя, и взыщутъ имене Тво­его, Господи.
82:18	Да постыдят­ся и смятут­ся въ вѣкъ вѣка, и посрамят­ся и погибнутъ.
82:19 См.: 🔗Исх. 14:4 🔗Исх. 15:3	И да познаютъ, яко имя Тебѣ Господь, Ты единъ Вышнiй по всей земли.