Псалтирь, псалом 82

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 82
82:1	Песнь псалма Асафу.
82:2 См.: 🔗Пс. 108:1	Боже, кто уподобится Тебе? Не премолчи, ниже укроти, Боже:
82:3	яко се, врази Твои возшумеша, и ненавидящии Тя воздвигоша главу.
82:4 См.: 🔗Мф. 26:4	На люди Твоя лукавноваша волею, и совещаша на святыя Твоя.
82:5 См.: 🔗Иер. 11:19 🔗Деян. 14:5	Реша: приидите и потребим я от язык, и не помянется имя Израилево ктому.
82:6	Яко совещаша единомышлением вкупе, на Тя завет завещаша:
82:7	селения Идумейска и Исмаилите, Моав и Агаряне,
82:8 См.: 🔗Иез. 27:9	Гевал и Аммон и Амалик, иноплеменницы с живущими в Тире:
82:9 См.: 🔗Быт. 19:37	ибо и Ассур прииде с ними, быша в заступление сыновом Лотовым:
82:10 См.: 🔗Суд. 4:15	сотвори им яко Мадиаму и Сисаре, яко Иавиму в потоце Киссове:
82:11	потребишася во Аендоре, быша яко гной земный.
82:12 См.: 🔗Суд. 7:25 🔗Суд. 8:12	Положи князи их яко Орива и Зива, и Зевеа и Салмана, вся князи их,
82:13	иже реша: да наследим себе святилище Божие.
82:14 См.: 🔗Ис. 17:13 🔗Пс. 1:4	Боже мой, положи я яко коло, яко трость пред лицем ветра.
82:15	Яко огнь попаляяй дубравы, яко пламень пожигаяй горы:
82:16	тако поженеши я бурею Твоею, и гневом Твоим смятеши я.
82:17 См.: 🔗Пс. 69:3	Исполни лица их безчестия, и взыщут имене Твоего, Господи.
82:18	Да постыдятся и смятутся в век века, и посрамятся и погибнут.
82:19 См.: 🔗Исх. 14:4 🔗Исх. 15:3	И да познают, яко имя Тебе Господь, Ты един Вышний по всей земли.