Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 2 | |
2:1 | Чадо, аще приступаеши работати Господеви Богу, уготови душу твою во искушение: |
2:2 См.: 🔗2Тим. 2:3 | управи сердце твое и потерпи, и не скор буди во время наведения: |
2:3 | прилепися Ему и не отступи, да возрастеши на последок твой. |
2:4 | Все елико аще нанесено ти будет, приими и во изменении смирения твоего долготерпи: |
2:5 См.: 🔗Прит. 17:3 🔗Прем. 3:6 | яко во огни искушается злато, и человецы приятни в пещи смирения. |
2:6 | Веруй Ему, и заступит тя, и управи пути твоя и уповай Нань. |
2:7 | Боящиися Господа, пождите милости Его и не уклонитеся, да не падете. |
2:8 | Боящиися Господа, веруйте Ему, и не имать отпасти мзда ваша. |
2:9 | Боящиися Господа, надейтеся на благая и на веселие века и милости. |
2:10 См.: 🔗Пс. 36:25 | Воззрите на древния роды и видите, кто верова Господеви и постыдеся? Или кто пребысть во страсе Его и оставися? Или кто призва Его, и презре и? |
2:11 | Зане щедр и милостив Господь, и оставляет грехи, и спасает во время скорби. |
2:12 См.: 🔗3Цар. 18:21 | Горе сердцам страшливым и рукам ослабленым, и грешнику ходящу на две стези. |
2:13 | Горе сердцу ослаблену, яко не верует: сего ради покровено не будет. |
2:14 | Горе вам погубльшым терпение: и что сотворите, егда посетит Господь? |
2:15 См.: 🔗Ин. 14:21 | Боящиися Господа не сумневаются о глаголголех Его, и любящии Его сохранят пути Его. |
2:16 | Боящиися Господа поищут благоволения Его, и любящии Его исполнятся закона. |
2:17 | Боящиися Господа уготовят сердца своя и пред Ним смирят душы своя, (глаголюще:) |
2:18 См.: 🔗2Цар. 24:14 | да впадем в руце Господни, а не в руце человечески, яко бо величество Его, тако и милость Его. |