Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 48 | |
48:1 См.: 🔗Иер. 5:14 🔗Ин. 5:35 | И воста илiа пророкъ яко огнь, и слово его яко свѣща горяше: |
48:2 | иже нанесе на ня гладъ и ревностiю своею умали я, |
48:3 См.: 🔗3Цар. 17:1 | словомъ Господнимъ удержа небо и сведе тако трижды огнь съ небесе. |
48:4 См.: 🔗3Цар. 18:38 🔗4Цар. 1:10 | Коль прославился еси, илiе, чудесы твоими, и кто подобенъ тебѣ похвалитися? |
48:5 См.: 🔗3Цар. 17:22 | Воздвигнувъ мертвеца от смерти и изъ ада словомъ вышняго, |
48:6 См.: 🔗3Цар. 21:19 🔗4Цар. 5:4 | сведый цари въ пагубу и прославленныя от одра ихъ, |
48:7 См.: 🔗3Цар. 21:19 | слышавый въ Синаи обличенiе и въ Хоривѣ судьбы отмщенiя, |
48:8 См.: 🔗3Цар. 19:16 | помазуяй цари на воздаянiе и пророки преемники по себѣ, |
48:9 См.: 🔗4Цар. 2:11 | взявыйся вихромъ огненнымъ на колесницѣ коней огненныхъ, |
48:10 См.: 🔗Мал. 4:6 | вписанъ во обличенiя на времена, утолити гнѣвъ прежде ярости и обратити сердце отчее къ сыну и устроити колѣна Иаковля. |
48:11 | Блажени видѣвшiи тя и любовiю украшеннiи. 12Ибо мы житiемъ поживемъ. |
48:12 | 13Илiа, иже вихромъ покровенъ бысть, и Елиссей исполнися духа его– |
48:13 См.: 🔗4Цар. 2:11 | –и во дни своя не поколебася от князей, и не преможе его никтоже: |
48:14 См.: 🔗4Цар. 13:21 | всяко слово не превзыде его, и во успенiи пророчествова тѣло его: |
48:15 См.: 🔗4Цар. 2:14 🔗4Цар. 13:21 | и въ житiи своемъ сотвори чудеса, и во умертвiи дивна дѣла его. |
48:16 | Во всѣхъ сихъ не покаяшася людiе и не отступиша от грѣхъ своихъ, дондеже плѣнени быша от земли своея и расточени быша по всей земли. |
48:17 | И остася людій мало, и князь въ дому давидовѣ. |
48:18 | Нѣцыи убо от нихъ сотвориша угодное, нѣцыи же умножиша грѣхи. |
48:19 См.: 🔗4Цар. 20:20 | Езекіа утверди градъ свой и введе посредѣ его воду: ископа желѣзомъ камень и созда источники водамъ. |
48:20 | Во днехъ его взыде сеннахиримъ и посла рапсака, и воздвиже руку свою на Сiона и возвеличися гордынею своею. |
48:21 | Тогда подвигошася сердца и руцѣ ихъ, и поболѣша яко раждающыя. |
48:22 | И помолишася Господу милостивому, воздѣвше руки своя къ нему: |
48:23 | и святый съ небесе скоро услыша я и избави я рукою Исаiиною: |
48:24 | порази полки Ассирийскiя, и сокруши я ангелъ его. |
48:25 | Сотвори бо езекіа угодное Господеви и укрѣпися на путехъ давида отца своего, яже заповѣда Исаiа, пророкъ велiй и вѣренъ въ видѣнiи своемъ. |
48:26 | Во днехъ его воспятися солнце, и приложи житiя цареви: |
48:27 | духомъ велiимъ видѣ послѣдняя и утѣши сѣтующыя въ Сiонѣ: |
48:28 | даже до вѣка показа будущая и сокровеная, прежде неже прiити имъ. |