Да Яўрэяў Пасланне святога Апостала Паўла, глава 3

	Язык: Беларускi Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
	Раздзел 3
3:1 См.: 🔗Яўр. 2:11	Дык вось, браты святыя, супольнікі нябеснага паклíкання, паглядзíце на  Пасла́нніка і Першасвятара вызнання нашага, Хрыста Іісуса,
3:2 См.: 🔗Чис. 12:7 🔗Яўр. 2:17	Які верны Таму, Хто паставіў Яго, як і Маісей ва ўсім доме Яго.
3:3 См.: 🔗Аг. 2:9 🔗Зах. 6:13	Бо Ён удасто́ены настолькі бо́льшай славы, чым Маісей, наколькі большы гонар у параўнанні з домам ма́е той, хто пабудаваў яго;
3:4	таму што ўсякі дом будуецца кім – небудзь; а будаўнік усяго — Бог.
3:5	І Маісей верны ва ўсім доме Яго, як служы́цель, дзеля све́дчання таго, што нале́жала абвясціць.
3:6 См.: 🔗Пс. 2:7 🔗1Кар. 3:16 🔗Эф. 5:23 🔗Кал. 1:23 🔗1Цім. 3:15	А Хрыстос — як Сын у доме Яго; дом жа Яго — мы, калі толькі цвёрда захаваем да канца адвагу і надзею, якою ганарымся.
3:7	Таму, як кажа Дух Святы, “сёння, калі пачуеце голас Яго,
3:8 См.: 🔗Исх. 17:2 🔗Пс. 77:19	не зрабіце жорсткімі сэрцы вашы, як падчас бунту, у дзень спакушэння ў пустыні,
3:9	дзе спакушалі Мяне бацькі вашы, выпрабоўвалі Мяне і бачылі справы Мае сорак гадоў.
3:10	Таму разгневаўся Я на той род і сказаў: яны заўсёды блука́юць сэ́рцам і не спазналі яны шляхоў Маіх;
3:11 См.: 🔗Пс. 94:7 🔗Чис. 14:23 🔗Яўр. 4:11	таму пакляўся Я ў гневе Маім, што яны не ўвойдуць у спакой Мой”.
3:12	Глядзіце, браты, каб не было ў кім у вас сэрца злога і бязвернага, каб не адступíцца ад Бога жывога.
3:13 См.: 🔗1Фес. 5:11	А настаўляйце адзін аднаго кожны дзень, пакуль можна казаць “сёння”, каб не стаў жорсткім хто з вас, уведзены ў зман грахом.
3:14 См.: 🔗2Пят. 1:4 🔗Рым. 8:17 🔗Эф. 5:30	Бо мы сталі супольнікамі Хрыста і застане́мся імі, калі толькі пачатае жыццё цвёрда ўтрымаем да канца,
3:15 См.: 🔗Яўр. 4:7	пакуль гаворыцца: “сёння, калі пачуеце голас Яго, не зрабіце жорсткімі сэрцы вашы, як падчас бунту”.
3:16 См.: 🔗Чис. 14:4	Бо некаторыя, хто чуў, узбунтава́ліся; але не ўсе, хто выйшаў з Егіпта разам з Маісеем.
3:17	На каго ж гневаўся Ён сорак гадоў? Хіба не на тых, што саграшылі, чые косці пале́глі ў пустыні?
3:18	Пра каго ж кажучы Ён пакляўся, што не ўвойдуць у спакой Яго, калі не пра тых, якія не скарыліся?
3:19	І мы бачым, што яны не змаглі ўвайсці з – за нявер’я.