Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 7 | |
7:1 | І хадзіў Іісус пасля гэтага па Галілеі, бо не хацеў па Іудзеі хадзіць, таму што Іудзеі шукалі, як забіць Яго. |
7:2 См.: 🔗Лев. 23:34 | А было блізка свята Іудзейскае — пастаўленне кушчаў. |
7:3 | Сказалі тады Яму браты Яго: пайдзі адсюль і ідзі ў Іудзею, каб і вучні Твае бачылі справы Твае, якія Ты робіш; |
7:4 | бо ніхто ўпотай не робіць нічога і стараецца сам навідавоку быць; калі Ты такое робіш, пакажы Сябе свету. |
7:5 | Бо і браты Яго не веравалі ў Яго. |
7:6 | Сказаў жа ім Іісус: час Мой яшчэ не прыйшоў, а ваш час заўсёды наяўны; |
7:7 См.: 🔗Iн. 3:19 | не можа свет ненавідзець вас, Мяне ж ён ненавідзіць, бо Я сведчу пра яго, што справы яго ліхія; |
7:8 | вы пайдзіце на гэтае свята, а Я яшчэ не пайду на свята гэтае, таму што час Мой яшчэ не настаў. |
7:9 | I, сказаўшы гэта ім, Ён застаўся ў Галілеі. |
7:10 | Калі ж пайшлі браты Яго, тады і Ён пайшоў на свята, не адкрыта, а нібы ўпотай. |
7:11 | А Іудзеі шукалі Яго на свяце і гаварылі: дзе Ён? |
7:12 См.: 🔗Iн. 9:16 | І многа спрэчак было пра Яго ў народзе: адны казалі, што Ён добры, а іншыя казалі: не, Ён жа ўводзіць у зман народ. |
7:13 См.: 🔗Iн. 12:42 | Ніхто, аднак, адкрыта не гаварыў пра Яго з – за страху перад Іудзеямі. |
7:14 | Калі ж свята дайшло ўжо да паловы, увайшоў Іісус у храм і вучыў; |
7:15 | і здзіўляліся Іудзеі, гаворачы: як Ён ведае Пісанні, не вучыўшыся? |
7:16 | У адказ ім Іісус сказаў: Маё вучэнне — не Маё, а Таго, Хто паслаў Мяне; |
7:17 См.: 🔗Iн. 8:47 | калі хто хоча волю Яго выконваць, то даведаецца пра гэтае вучэнне, ці ад Бога яно, ці Я Сам ад Сябе гавару; |
7:18 | хто гаворыць сам ад сябе, той уласнай славы шукае, а Хто шукае славы Таму, Хто паслаў Яго, Той праўдзівы, і няма няпраўды ў Ім; |
7:19 См.: 🔗Исх. 20:1 🔗Iн. 5:18 | ці не даў Маісей вам закон? і ніхто з вас не выконвае закону. Чаму вы хочаце забіць Мяне? |
7:20 | Народ адказаў: дэман у Табе; хто хоча забіць Цябе? |
7:21 | У адказ Іісус сказаў ім: адну справу зрабіў Я, і вы ўсе здзіўляецеся; |
7:22 См.: 🔗Быт. 17:10 🔗Лев. 12:3 | вось Маісей даў вам абрэзанне, — хоць яно і не ад Маісея, але ад айцоў, — і ў суботу вы абразаеце чалавека; |
7:23 | калі абрэзанне прымае чалавек у суботу, каб не быў парушаны закон Маісееў, — чаму на Мяне вы гневаецеся, што ўсяго чалавека Я ацаліў у суботу? |
7:24 См.: 🔗Втор. 1:17 🔗Втор. 16:19 | не судзіце па выгляду, а праведным судом судзіце. |
7:25 | Гаварылі тады некаторыя з Іерусалімлян: ці не Той гэта, Якога шукаюць, каб забіць? |
7:26 | і вось, Ён адкрыта гаворыць, і нічога Яму не кажуць; няўжо на самай справе дазналіся начальнікі, што Ён сапраўды Хрыстос? |
7:27 См.: 🔗Мф. 13:55 | але Гэтага мы ведаем, адкуль Ён; калі ж Хрыстос прыйдзе, ніхто не бу – дзе ведаць, адкуль Ён. |
7:28 См.: 🔗Iн. 8:42 | Прамовіў голасна тады Іісус у храме, вучачы і гаворачы: і Мяне ведаеце, і ведаеце, адкуль Я; і не Сам ад Сябе Я прыйшоў, але ісцінны Той, Хто паслаў Мяне, Якога вы не ведаеце; |
7:29 | Я ведаю Яго, таму што Я ад Яго, і Ён паслаў Мяне. |
7:30 См.: 🔗Iн. 8:20 | Тады шукалі, як схапіць Яго, але ніхто не падняў на Яго рукі, бо яшчэ не прыйшоў час Яго. |
7:31 См.: 🔗Iн. 8:30 | А многія з народу ўверавалі ў Яго і казалі: калі прыйдзе Хрыстос, хіба Ён больш цудаў зробіць, чым Гэты зрабіў? |
7:32 | Пачулі фарысеі, што народ так спрачаецца пра Яго; і паслалі фарысеі і першасвятары слуг, каб схапілі Яго. |
7:33 | Сказаў тады ім Іісус: яшчэ нядоўга Я буду з вамі, і пайду да Таго, Хто паслаў Мяне; |
7:34 См.: 🔗Iн. 13:33 | будзеце шукаць Мяне, і не знойдзеце, і дзе буду Я, туды вы не можаце прыйсці. |
7:35 | I гаварылі Іудзеі паміж сабою: куды Ён збіраецца ісці, што мы не знойдзем Яго? ці не да расселеных між Грэкамі збіраецца Ён ісці і навучаць Грэкаў? |
7:36 | што значаць гэтыя словы, якія Ён сказаў: «будзеце шукаць Мяне, і не знойдзеце, і дзе буду Я, туды вы не можаце прыйсці»? |
7:37 | У апошні ж вялікі дзень свята стаяў Іісус і ўсклікнуў, кажучы: калі хто мае смагу, няхай прыходзіць да Мяне і п’е; |
7:38 См.: 🔗Ис. 12:3 🔗Иоил. 3:18 | хто веруе ў Мяне, як сказана ў Пісанні, у таго з нутра пацякуць рэкі вады жывой. |
7:39 | А сказаў Ён гэта пра Духа, Якога меліся прыняць веруючыя ў Яго; бо не было яшчэ на іх Духа Святога, таму што Іісус яшчэ не быў праслаўлены. |
7:40 См.: 🔗Мф. 26:5 | Многія з народу, пачуўшы гэтыя словы, казалі: Ён сапраўды прарок. |
7:41 | Іншыя казалі: гэта Хрыстос. А другія казалі: хіба ж з Галілеі Хрыстос прыйдзе? |
7:42 | ці ж не сказана ў Пісанні, што з семені Давідавага і з Віфлеема, таго паселішча, адкуль быў Давід, Хрыстос прыйдзе? |
7:43 См.: 🔗Iн. 9:16 | Дык вось нязгода ўзнікла ў народзе з – за Яго. |
7:44 | Некаторыя ж з іх хацелі схапіць Яго, але ніхто не падняў на Яго рукі. |
7:45 | І вось прыйшлі слугі да перша – святароў і фарысеяў, і тыя сказалі ім: чаму вы не прывялі Яго? |
7:46 | Слугі адказалі: ніколі чалавек не гаварыў так, як Гэты Чалавек. |
7:47 | На гэта фарысеі сказалі ім: няўжо і вас увялі ў зман? |
7:48 | хіба хто з начальнікаў увераваў у Яго, ці з фарысеяў? |
7:49 | а народ гэты, што не ведае закону, — пракляты ён. |
7:50 См.: 🔗Iн. 3:1 | Кажа ім Нікадзім, які прыходзіў да Яго ўначы і быў адзін з іх: |
7:51 См.: 🔗Втор. 1:17 🔗Втор. 17:8 | хіба закон наш судзіць чалавека, не выслухаўшы яго спачатку і не даведаўшыся, што ён робіць? |
7:52 | У адказ сказалі яму: ці не з Галілеі і ты? даследуй і пабач, што з Галілеі |
7:53 | І пайшлі кожны ў свой дом. |