Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 25 | |
25:1 | Тады ўпадобніцца Царства Нябеснае дзесяці дзевам, якія, узяўшы свяцільнікі свае, выйшлі сустрэць жаніха; |
25:2 | пяць з іх было неразумных пяць мудрых; |
25:3 | неразумныя, узяўшы свяцільнікі свае, не ўзялі з сабою алею; |
25:4 | а мудрыя узялі алею ў пасудзінах разам з свяцільнікамі сваімі; |
25:5 | і калі жаніх замарудзіўся, дык задрамалі ўсе і паснулі. |
25:6 | Але апоўначы крык пачуўся: «вось, жаніх ідзе, выходзьце на сустрэчу яму». |
25:7 | Тады ўсталі ўсе дзевы тыя і паправілі свяцільнікі свае. |
25:8 | А неразумныя мудрым сказалі: «дайце нам алею вашага, бо свяцільнікі нашыя гаснуць». |
25:9 | А мудрыя сказалі ў адказ: «каб не сталася недахопу і ў нас і ў вас, ідзіце лепей да прадаўцоў і купіце сабе». |
25:10 См.: 🔗Лк. 13:25 | Калі ж пайшлі яны купляць, прыйшоў жаніх, і гатовыя ўвайшлі з ім на вяселле, і зачыніліся дзверы. |
25:11 См.: 🔗Мф. 7:21 | Пасля прыходзяць і астатнія дзевы і кажуць: «пане! пане! адчыні нам». |
25:12 См.: 🔗Пс. 5:5 🔗Авв. 1:13 | Ён жа сказаў ім у адказ: «праўду кажу вам: не ведаю вас». |
25:13 См.: 🔗Мк. 13:33 🔗1Кар. 16:13 | Дык вось, чувайце; бо не ведаеце ні дня, ні гадзіны, у якую прыйдзе Сын Чалавечы. |
25:14 См.: 🔗Лк. 19:12 | Гэтак і чалавек нейкі, адыходзячы, заклікаў рабоў сваіх і даручыў ім маёмасць сваю: |
25:15 См.: 🔗Рым. 12:6 🔗1Кар. 12:7 | і аднаму даў пяць талантаў, другому два, іншаму адзін, кожнаму паводле яго сілы; і адразу адышоў. |
25:16 | Той, хто атрымаў пяць талантаў, пайшоў: уклаў іх у справу і набыў другія пяць; |
25:17 | гэтак сама і той з двума набыў другія два; |
25:18 | а той, хто атрымаў адзін талант, пайшоў і закапаў яго ў зямлю і схаваў серабро гаспадара свайго. |
25:19 | Па доўгім часе прыходзіць гаспадар рабоў тых і зводзіць з імі рахунак. |
25:20 | І той, хто атрымаў пяць талантаў, падышоўшы, прынёс другія пяць талантаў і кажа: «Гаспадар! пяць талантаў ты даў мне; вось, другія пяць талантаў я набыў на іх». |
25:21 См.: 🔗Ис. 61:7 | Сказаў жа яму гаспадар яго: «добра, раб добры і верны! у малым ты быў верны, над многім цябе пастаўлю; увайдзі ў радасць гаспадара твайго». |
25:22 | Падышоў таксама і той, што атрымаў два таланты, і сказаў: «гаспадар! два таланты ты даў мне; вось, другія два таланты набыў я на іх». |
25:23 | Сказаў жа яму гаспадар яго: «добра, раб добры і верны! у малым ты быў верны, над многім цябе пастаўлю; увайдзі ў радасць гаспадара твайго». |
25:24 | Падышоў і той, што атрымаў адзін талант, і сказаў: «гаспадар! я ведаў цябе, што ты чалавек жорсткі, жнеш, дзе не сеяў, і збіраеш, дзе не рассыпаў; |
25:25 | і пабаяўшыся, пайшоў і схаваў талант твой у зямлі; вось табе тваё». |
25:26 | Гаспадар жа ягоны сказаў яму ў адказ: «ліхі раб і гультай! ты ведаў, што я жну, дзе не сеяў, і збіраю, дзе не рассыпаў; |
25:27 | таму трэба было табе аддаць серабро маё гандлярам, і я, прыйшоўшы, атрымаў бы маё з прыбыткам. |
25:28 | Дык вось вазьміце ў яго талант і дайце таму, хто мае дзесяць талантаў, |
25:29 | бо кожнаму, хто мае, дасца і памножыцца, а ў таго, хто не мае, адымецца і тое, што мае; |
25:30 См.: 🔗Мф. 24:51 | а нягоднага раба выкіньце ў цемру вонкавую: там будзе плач і скрыгат зубоў». (Сказаўшы гэта, усклікнуў: хто мае вушы, каб чуць, няхай чуе!) |
25:31 | Калі ж прыйдзе Сын Чалавечы ў славе Сваёй і ўсе святыя Ангелы з Ім, тады сядзе на прастоле славы Сваёй, |
25:32 | і збяруцца перад Ім усе народы; і аддзеліць адных ад другіх, як пастух аддзяляе авечак ад казлоў; |
25:33 | і паставіць авечак праваруч ад Сябе, а казлоў — леваруч. |
25:34 См.: 🔗Мф. 20:23 | Тады скажа Цар тым, якія праваруч ад Яго: «Прыйдзіце, благаславёныя Айца Майго, прыміце ў спадчыну Царства, угатаванае вам ад стварэння свету: |
25:35 | бо быў галодны Я, і вы далі Мне есці; быў сасмяглы, і вы напаілі Мяне; быў падарожны, і вы прынялі Мяне; |
25:36 | быў голы, і вы адзелі Мяне; быў хворы, і вы адведалі Мяне; у цямніцы быў, і вы прыйшлі да Мяне. |
25:37 | Тады праведнікі скажуць Яму ў адказ: «Госпадзе! калі мы бачылі Цябе галоднага і накармілі? альбо сасмяглага і напаілі? |
25:38 | калі ж мы бачылі Цябе падарожнага і прынялі? альбо голага і адзелі? |
25:39 | калі ж мы бачылі Цябе хворага, альбо ў цямніцы, і прыйшлі да цябе?» |
25:40 | І Цар скажа ім у адказ: «праўду кажу вам: як што зрабілі вы гэта аднаму з братоў Маіх меншых, дык зрабілі Мне». |
25:41 См.: 🔗Пс. 6:9 🔗Лк. 13:27 | Тады скажа і тым, якія леваруч ад яго: «ідзіце ад Мяне, праклятыя, у агонь вечны, угатаваны дыявалу і ангелам яго: |
25:42 | бо быў галодны Я, вы не далі Мне есці; быў сасмяглы, і вы не напаілі Мяне; |
25:43 | быў падарожны, і не прынялі Мяне; быў голы, і не адзелі Мяне; хворы і ў цямніцы, і не адведалі Мяне». |
25:44 | Тады і яны скажуць Яму ў адказ: «Госпадзе, калі мы бачылі Цябе галоднага, альбо сасмяглага, альбо падарожнага, альбо голага, альбо хворага, альбо ў цямніцы, і не паслужылі Табе?» |
25:45 | Тады скажа ім у адказ: «праўду кажу вам: як што вы не зрабілі гэтага аднаму з гэтых меншых, дык не зрабілі Мне». |
25:46 См.: 🔗Дан. 12:2 🔗Iн. 5:29 | І пойдуць гэтыя на пакуты вечныя, а праведнікі ў жыццё вечнае. |