Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 11 | |
11:1 См.: 🔗Дзеян. 10:44 | Пачулі Апосталы і браты́, якія былí ў Іудзеі, што і язычнікі прынялí сло́ва Божае. |
11:2 | І калі Пётр прыйшоў у Іерусалім, абрэ́заныя папрака́лі яго, |
11:3 | ка́жучы: да людзей неабрэ́заных увахо́дзіў ты і еў з імі. |
11:4 | Тады пачаў Пётр апавяда́ць ім па пара́дку, ка́жучы: |
11:5 | у горадзе Іаппíі я маліўся і ў захапле́нні бачыў відзе́нне: сыхо́дзіць нейкае ёмішча, нíбы вялікае палатно́, за чатыры канцы́ апу́шчанае з неба, і наблíзілася яно да мяне; |
11:6 | узіра́ючыся ў яго, я разгле́дзеў і ўба́чыў чатырохно́гіх зямны́х, і звяро́ў, і паўзуно́ў, і птушак нябе́сных. |
11:7 | І пачуў я голас, які казаў мне: «устань, Пётр, закалí і еж». |
11:8 | Але я сказаў: «ні ў якім ра́зе, Госпадзі, бо нішто пага́нае ці нячы́стае ніколі не ўвахо́дзіла ў ву́сны мае́». |
11:9 | І адказаў мне голас з неба другі раз, ка́жучы: «тое, што Бог ачы́сціў, ты не лічы́ пага́ным». |
11:10 | Так было́ тройчы; і ўзя́та было́ ўсё зноў на неба. |
11:11 | І вось, у той самы час падышлí да до́ма, у якім я быў, тры чалавекі, пасла́ныя з Кесары́і да мяне. |
11:12 | І сказаў мне Дух пайсці з імі, ні ў чым не сумнява́ючыся; пайшлі са мною і гэтыя шэсць братоў, і мы ўвайшлі ў дом таго чалавека. |
11:13 | І ён паве́даміў нам, што бачыў у доме сваім Ангела, які стаў і сказаў яму: «пашлі ў Іаппíю людзей і паклíч Сімана, якога завуць Пятром, |
11:14 | ён скажа табе тое, праз што спасе́шся ты і ўвесь дом твой». |
11:15 См.: 🔗Дзеян. 2:2 | Калі я пачаў прамаўля́ць, сышоў Дух Святы́ на іх, як і на нас у пача́тку. |
11:16 | І ўспо́мніў я сло́вы Госпада, як Ён казаў: «Іаан хрысцíў вадою, а вы будзеце ахры́шчаны Ду́хам Святы́м». |
11:17 | Дык вось, калі такі са́мы дар даў ім Бог, як і нам, якія ўве́равалі ў Госпада нашага Іісуса Хрыста, то хто я такі, каб мог перашко́дзіць Богу? |
11:18 | Вы́слухаўшы гэта, яны супако́іліся і ўсла́вілі Бога, ка́жучы: зна́чыць, і язы́чнікам Бог даў пакая́нне дзе́ля жыцця́. |
11:19 См.: 🔗Дзеян. 8:1 | Між тым, рассе́яныя ў вы́ніку гане́ння, якое даты́чылася Сцяфана, прайшлі да Фінікíі, і Кіпра, і Антыяхíі, нікому не прапаве́дуючы сло́ва, акрамя́ Іудзеяў. |
11:20 | Былí ж некато́рыя з іх Кіпрыётамі і Кірыне́йцамі, якія, прыйшо́ўшы ў Антыяхíю, прамаўля́лі да Элінíстаў, прапаве́дуючы Госпада Іісуса. |
11:21 См.: 🔗Дзеян. 5:14 | І была́ рука Гаспо́дняя з імі; і вялікая ко́лькасць, уве́раваўшы, звярну́лася да Госпада. |
11:22 | І дайшла вестка пра іх да царквы ў Іерусаліме, і паслалі Варна́ву ісці ў Антыяхíю; |
11:23 См.: 🔗Дзеян. 14:22 | ён, прыйшоўшы і ўба́чыўшы блага́даць Божую, узра́даваўся і заахво́чваў усіх, каб застава́ліся з Госпадам шчы́рым сэ́рцам; |
11:24 | таму што ён быў чалавек добры і напо́ўнены Ду́хам Святы́м і вераю. І далучы́лася даволі многа наро́ду да Госпада. |
11:25 См.: 🔗Дзеян. 9:30 | Тады Варнава пайшоў у Тарс шука́ць Саўла, і, знайшо́ўшы яго, прывёў у Антыяхíю; |
11:26 | і ста́лася так, што яны цэлы год збіра́ліся ў царкве і навуча́лі даволі шмат людзей; і вучні ў Антыяхíі ўпершыню́ пачалí называ́цца Хрысція́намі. |
11:27 | У тыя дні прыйшлí з Іерусаліма ў Антыяхíю прарокі; |
11:28 См.: 🔗Дзеян. 21:10 | і адзін з іх, па імені Ага́ў, устаўшы, прадказа́ў праз Ду́ха, што па ўсім свеце наста́не голад вялікі, такі, як быў пры ке́сары Кла́ўдзіі; |
11:29 См.: 🔗Дзеян. 24:17 | тады вучні вы́значылі, каб кожны з іх, паводле даста́тку свайго, паслаў дапамогу брата́м, якія жылí ў Іудзеі, |
11:30 | так яны і зрабілі, паслаўшы сабра́нае да прасвітараў праз Варнаву і Саўла. |