Да Карынфян 2-е Пасланне святога Апостала Паўла, глава 3

	Язык: Беларускi Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
	Раздзел 3
3:1 См.: 🔗2Кар. 1:12	Хіба мы зноў пачынаем прадстаўляць сябе́ Няўжо патрэбны нам, як некаторым, рэкамендацыйныя пасланні да вас ці ад вас?
3:2 См.: 🔗1Кар. 9:2	Вы — наша пасланне, якое напісана ў сэрцах нашых, якое пазнаю́ць і чытаюць усе людзі;
3:3 См.: 🔗Иез. 11:19 🔗Яўр. 8:10	вы паказваеце сабою, што вы — пасланне Хрыстова, якое з’явілася плёнам служэння нашага і напісана не чарнілам, а Духам Бога Жывога, не на скрыжалях каменных, а на плоцевых скрыжалях сэрца.
3:4	Такую ўпэўненасць мы маем перад Богам праз Хрыста,
3:5 См.: 🔗Iн. 15:5 🔗1Кар. 15:10	не таму, што мы здольны самі па сабе падумаць нешта, нібы́та самі ад сябе, але здольнасць наша ад Бога,
3:6 См.: 🔗Иер. 31:33 🔗Iн. 6:63	Які і зрабіў нас здольнымі быць служыцелямі Новага Запавету, не літары, а духу, бо літара забівае, а дух ажыўляе.
3:7 См.: 🔗Исх. 34:30	Калі ж служэнне смерці, літарамі высечанае на камянях, было такім слаўным, што сыны Ізраілевы не маглі глядзець на твар Маісея з – за славы твару яго мінучай,
3:8	то наколькі больш слаўным будзе служэнне духу?
3:9	Бо калі служэнне асуджэння слаўнае, то намнога больш напоўнена славаю служэнне апраўдання.
3:10	І вось, праслаўленае не з’яўляецца слаўным па гэтай прычыне, з – за славы, якая перавышае.
3:11	Бо калі мінучае ма́е славу, то тым большую славу ма́е тое, што застае́цца.
3:12	Маючы такую надзею, мы дзейнічаем з вялікай адвагай,
3:13 См.: 🔗Рым. 10:4	а не так, як Маісей, які накладаў покрыва на твар свой, каб сыны Ізраілевы не глядзелі на заканчэнне мінучага.
3:14 См.: 🔗Ис. 6:10 🔗1Кар. 2:8	Але розум ў іх закамянеў: бо тое самае покрыва дагэтуль застаецца нязнятым пры чытанні Старога Запавету, паколькі яно здымаецца Хрыстом.
3:15	Дагэтуль, калі яны чытаюць Маісея, покрыва ляжыць на сэрцы іх;
3:16 См.: 🔗Исх. 34:34	але калі хто звяртаецца да Госпада, то покрыва здымаецца.
3:17 См.: 🔗Iн. 4:24	Гасподзь — гэта Дух, а дзе Дух Гасподні, там свабода.
3:18 См.: 🔗1Кар. 15:49 🔗2Кар. 4:6	Мы ж усе, з адкрытым тварам сузіраючы, як у люстэрку, славу Гасподнюю, перамяняемся ў той самы вобраз ад славы ў славу, паводле Гасподняга Духа.