Святое Дабравесце паводле Марка, глава 15

	Язык: Беларускi Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
	Раздзел 15
15:1 См.: 🔗Мф. 27:2 🔗Лк. 22:66	I адразу ранiцай зрабiлi нараду першасвятары са старэйшынамi i кнiжнiкамi, i ўвесь сiнедрыён, i, звязаўшы Iiсуса, павялi i аддалi Пiлату.
15:2 См.: 🔗Мф. 27:11 🔗Лк. 23:3 🔗Iн. 18:33 🔗1Цім. 6:13	I запытаў Яго Пiлат: Ты Цар Iудзейскi? Ён жа сказаў яму ў адказ: ты кажаш.
15:3	I абвінавачвалi Яго першасвятары ў многім.
15:4	Пiлат жа зноў запытаў Яго, кажучы: Ты нiчога не адказваеш? глядзi, колькi супраць Цябе сведчаць.
15:5	Iiсус жа больш нiчога не адказваў, так што Пiлат здзiўляўся.
15:6	На кожнае ж свята адпускаў iм аднаго вязня, за якога прасiлi.
15:7	Быў жа адзiн нехта, званы Варава, зняволены з саўдзельнiкамi сваiмi, якiя пад час бунту ўчынiлi забойства.
15:8	I натоўп пачаў крычаць і прасiць Пiлата аб тым, што ён заўсёды рабiў для iх.
15:9	Пiлат жа адказаў iм, гаворачы: хочаце, адпушчу вам Цара Iудзейскага?
15:10	Бо ведаў, што па зайздрасцi выдалi Яго першасвятары.
15:11 См.: 🔗Мф. 27:20 🔗Лк. 23:18 🔗Iн. 18:40 🔗Дзеян. 3:14	Але першасвятары падбухторылi натоўп прасіць, каб лепш адпусцiў iм Вараву.
15:12	Пiлат жа зноў сказаў iм у адказ: а што хочаце, каб я зрабiў з Тым, Каго вы называеце Царом Iудзейскiм?
15:13	Яны ж зноў закрычалi: распнi Яго!
15:14	Пiлат сказаў iм: якое ж зло Ён учынiў? А яны яшчэ мацней закрычалi: распнi Яго!
15:15 См.: 🔗Мф. 27:26 🔗Iн. 19:1	Тады Пiлат: хочучы дагадзiць натоўпу, адпусцiў iм Вараву, а Iiсуса, пасля бiчавання, аддаў на распяцце.
15:16	Воiны ж адвялi Яго ўсярэдзiну двара, гэта значыць, у прэторыю, i склікаюць увесь полк,
15:17	i апранаюць Яго ў багранiцу, i, сплёўшы цярновы вянец, ускладаюць на Яго;
15:18	i пачалi вiтаць Яго: радуйся, Цару Iудзескi!
15:19	I бiлi Яго па галаве кiем, i плявалi на Яго, i, становячыся на каленi, кланялiся Яму.
15:20	I калi наглумiлiся з Яго, знялi з Яго багранiцу i апранулi Яго ў адзежу Ягоную; i выводзяць Яго, каб распяць Яго.
15:21 См.: 🔗Мф. 27:32 🔗Лк. 23:26	I прымушаюць прахожага нейкага Сiмана Кiрынеянiна, якi iшоў з поля, бацьку Аляксандра i Руфа, несці крыж Яго.
15:22 См.: 🔗Мф. 27:33 🔗Лк. 23:33 🔗Iн. 19:17 🔗Яўр. 13:12	I прыводзяць Яго на месца Галгофу, што значыць: «месца чэрапа».
15:23 См.: 🔗Пс. 68:22	I давалi Яму пiць вiно са смiрнаю, але Ён не ўзяў.
15:24 См.: 🔗Пс. 21:19 🔗Iн. 19:24	I тыя, што распiналi Яго, дзялiлi адзежу Яго, кiдаючы жэрабя на яе, каму што ўзяць.
15:25	Была ж трэцяя гадзiна, i распялi Яго.
15:26 См.: 🔗Мф. 27:37	I быў зроблены надпiс вiны Яго: Цар Iудзейскi.
15:27	I з Iм распiнаюць двух разбойнiкаў, аднаго справа, а другога злева ад Яго.
15:28 См.: 🔗Ис. 53:12	I збылося Пiсанне, якое кажа, «i да злачынцаў залiчаны».
15:29 См.: 🔗Пс. 68:21 🔗Мф. 26:61 🔗Мф. 27:40 🔗Мк. 14:58 🔗Лк. 22:37 🔗Iн. 2:19	I тыя, што праходзiлi мiма, зневажалi Яго, кiваючы галовамi сваiмi i кажучы: гэй! Ты, што разбураеш храм i за тры днi будуеш!
15:30	уратуй Самога Сябе i сыдзi з крыжа.
15:31	Гэтаксама i першасвятары з кнiжнiкамi, насмiхаючыся, адзiн аднаму казалi: iншых ратаваў, а Сябе не можа ўратаваць.
15:32	Хрыстос, Цар Iзраiлеў, няхай сыдзе цяпер з крыжа, каб мы ўбачылi, i ўверавалі ў Яго. I распятыя з Iм ганьбілi Яго.
15:33	Калі ж надышла шостая гадзiна, цемра настала па ўсёй зямлi да гадзiны дзевятай.
15:34 См.: 🔗Пс. 21:2 🔗Мф. 27:46	I ў дзевятай гадзiне ўскрыкнуў Iiсус моцным голасам, кажучы: Элаi, Элаi! ламма савахфанi? што азначае: «Божа мой, Божа Мой! чаму Ты Мяне пакiнуў?»
15:35	I некаторыя з тых, што стаялi там, чуючы гэта, казалi: вось, Iлiю клiча.
15:36 См.: 🔗Пс. 68:22 🔗Мф. 27:48	А адзiн пабег, намачыў губку воцатам i, насадзiўшы на кiй, даваў Яму пiць, кажучы: чакайце, пабачым, цi прыйдзе Iлiя зняць Яго.
15:37	Iiсус жа, ускрыкнуўшы моцна, спусціў дух.
15:38	I завеса ў храме разадралася напалам ад верху да нiзу.
15:39	Сотнiк жа, якi стаяў насупраць Яго i бачыў, што Ён, так ускрыкнуўшы, спусціў дух, сказаў: сапраўды Чалавек Гэты быў Сын Божы.
15:40	Былi i жанчыны, што глядзелi здалёк, сярод iх была Марыя Магдалiна, i Марыя, мацi Iакава Меншага i Iасii, i Саламiя,
15:41	якія і тады, калi Ён быў у Галiлеi, хадзiлi за Iм i служылi Яму; i iншыя многiя, што прыйшлi разам з Iм у Iерусалiм.
15:42 См.: 🔗Мф. 27:57	I калi ўжо настаў вечар, — паколькі была пятнiца, гэта значыць, пярэдадзень суботы, —
15:43 См.: 🔗Лк. 23:50 🔗Iн. 19:38	прыйшоў Iосiф, што з Арымафеi, паважаны саветнiк, якi i сам чакаў Царства Божага, i, адважыўшыся, увайшоў да Пiлата i прасiў цела Iiсусава.
15:44	Пiлат жа здзiвiўся, што Ён ужо памёр; i, паклiкаўшы сотнiка, спытаў яго: цi даўно памёр?
15:45	I, даведаўшыся ад сотнiка, аддаў цела Iосiфу.
15:46	Ён, купiўшы плашчанiцу i, зняўшы Яго, абвiў плашчанiцаю i паклаў Яго ў магiлу, што была высечана ў скале, i прывалiў камень да дзвярэй магiлы.
15:47 См.: 🔗Мф. 27:61	Марыя ж Магдалiна i Марыя Iасiева глядзелi, дзе Яго паклалi.