Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 2 | |
2:1 См.: 🔗1Кар. 1:17 | І калі я прыходзіў да вас, браты, дык прыходзіў не з красамоўствам ці мудрасцю абвяшча́ць вам све́дчанне Божае, |
2:2 | таму што, будучы ў вас, вырашыў я нічога не ведаць, акрамя Іісуса Хрыста, і прытым распя́тага; |
2:3 См.: 🔗Дзеян. 18:1 | і быў я сярод вас у слабасці, і ў страху, і ў вялікім трымценні. |
2:4 См.: 🔗2Пят. 1:16 | І слова маё, і пропаведзь мая не ў пераканаўчых словах чалавечай мудрасці, а ў выяўле́нні Духа і сілы, |
2:5 См.: 🔗2Кар. 6:7 | каб вера ваша трывала не на мудрасці чалавечай, а на сіле Божай. |
2:6 См.: 🔗Іак. 3:15 | Аб мудрасці ж мы гаворым сярод дасканалых, але не аб мудрасці веку гэтага і князёў веку гэтага, якія знікаюць, |
2:7 См.: 🔗Рым. 14:24 🔗Эф. 3:9 | а гаворым аб прамудрасці Божай, у тайне скрытай, якую прадвы́значыў Бог перад вякамі для славы нашай |
2:8 | і якую ніхто з князёў веку гэтага не спазна́ў; бо калі б спазна́лі, то не распя́лі б Госпада славы. |
2:9 См.: 🔗Ис. 64:4 | Але як напíсана: “вока таго не бачыла, вуха не чула, і на сэрца чалавеку не прыходзіла тое, што ўгатаваў Бог тым, хто лю́біць Яго”. |
2:10 | А нам Бог адкрыў гэта Духам Сваім: бо Дух ва ўсё праніка́е, і ў глыбíні Божыя. |
2:11 См.: 🔗Рым. 11:33 | Бо хто́ з людзей ведае, што́ ў чалавеку́ толькі дух чалавечы, які ў ім. Так і Божага ніхто не ведае, толькі Дух Божы. |
2:12 См.: 🔗Рым. 8:15 | Мы ж прынялí не духа свету гэтага, а Духа ад Бога, каб ведаць падарава́нае нам Богам, |
2:13 См.: 🔗1Кар. 1:17 | пра гэта і гаворым не ад чалавечай мудрасці вы́вучанымі сло́вамі, а вы́вучанымі ад Духа Святога, тлума́чачы духоўнае духоўным. |
2:14 См.: 🔗Рым. 8:5 | Душэўны чалавек не прыма́е таго, што ад Духа Божага, бо гэта для яго неразумнасць, і не можа зразумець, паколькі пра гэта трэба судзíць духоўна. |
2:15 См.: 🔗Прит. 28:5 | Духоўны ж су́дзіць пра ўсё, а пра яго судзíць ніхто не можа. |
2:16 | Бо хто́ спазнаў розум Госпада, каб мог павуча́ць Яго́ А мы маем розум Хрыстоў. |