Да Калосян Пасланне святога Апостала Паўла, глава 2

	Язык: Беларускi Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
	Раздзел 2
2:1	Я хачу, каб вы ведалі, якую вялікую барацьбу я вяду за вас і за тых, што ў Лаадыкíі і ў Іера́палі, і за ўсіх, хто не бачыў аблічча майго ў плоці,
2:2 См.: 🔗Флп. 3:8	каб усце́шыліся сэрцы іх, злучаныя ў любові і дзеля ўсяго багацця паўнаты разумення, дзеля спазна́ння тайны Бога і Айца і Хрыста,
2:3 См.: 🔗1Кар. 1:30	у Якім скрыты ўсе скарбы мудрасці і ве́дання.
2:4	Гэта кажу я, каб хто – небудзь не ўвёў вас у зман праўдападобнымі довадамі;
2:5 См.: 🔗1Кар. 5:3	бо я, хоць і адсутнічаю плоццю, але духам з вамі, радуючыся і бачачы ў вас лад і цвёрдасць вашай веры ў Хрыста.
2:6	Дык вось, як прынялí вы Хрыста Іісуса Госпада, так і хадзіце ў Ім,
2:7 См.: 🔗1Кар. 1:5 🔗Эф. 3:17	укаранёныя і ўсталява́ныя ў Ім і ўмацава́ныя ў веры, як вы былі наву́чаны, узбагача́ючыся ў ёй з удзячнасцю.
2:8 См.: 🔗Эф. 5:6 🔗Яўр. 13:9	Глядзіце, каб хто – небудзь не захапіў вас філасофіяй і пустым падманам паводле пада́ння чалавечага, паводле стыхій свету, а не паводле Хрыста,
2:9 См.: 🔗Iн. 1:14 🔗Кал. 1:19	бо ў Ім прысутнічае ўся паўната Бажаства цялесна,
2:10 См.: 🔗Эф. 1:22	і вы маеце паўнату ў Ім, Які з’яўляецца галавою ўсякага начальства і ўлады;
2:11 См.: 🔗Рым. 2:29 🔗Гал. 3:27	у Ім вы і абрэзаны былí абрэзаннем нерукатворным, скіда́ннем грахоўнага цела плоці, абрэзаннем Хрыстовым;
2:12 См.: 🔗Рым. 6:4 🔗Эф. 1:19	пахаваныя разам з Ім у хрышчэнні, у Ім вы разам і ўваскрэслі праз веру ў сілу Бога, Які ўваскрасіў Яго з мёртвых,
2:13 См.: 🔗Эф. 2:1	і вас, якія былі мёртвымі ў грахах і ў неабрэзанні плоці вашай, ажывіў разам з Ім, прабачыўшы нам усе грахі,
2:14 См.: 🔗Эф. 2:15	сцёршы прад’яўлены нам спісак даўгоў, што быў супраць нас; Ён скасаваў яго, прыбіўшы цвікамі да крыжа;
2:15 См.: 🔗Эф. 4:8 🔗Яўр. 2:14	абяззброіўшы начальствы і ўлады, Ён выставіў іх на ганьбу, перамогшы іх Сабою.
2:16 См.: 🔗Рым. 14:6	Дык вось, няхай ніхто не асуджа́е вас за ежу, ці за пітво, ці за тое, што даты́чыць свята, ці маладзіка́, ці суботы:
2:17 См.: 🔗Яўр. 10:1	гэта — цень бу́дучыні, це́ла ж — Хрыстос.
2:18 См.: 🔗2Кар. 11:14	Ніхто няхай не ўвядзе вас у зман праз самавольную пакорнаму́драсць і паклане́нне ангелам, удаючы́ся ў тое, чаго не бачыў, марна надзіма́ючыся плоцкім сваім розумам
2:19 См.: 🔗Эф. 4:15	і не трыма́ючыся галавы, ад якой ўсё цела, сувязямі і злучэннямі змацава́нае і з’ядна́нае, расце ўзраста́ннем Божым.
2:20 См.: 🔗Рым. 7:4	Дык вось, калі вы з Хрыстом памерлі для стыхій свету, то чаму вы, як быццам жывучы́ ў свеце, падпарадкоўваецеся ўстанаўленням:
2:21	“не дакранайся”, “не еж”, “не чапа́й” —
2:22 См.: 🔗Ис. 29:13 🔗Мф. 15:9	усё гэта знішчаецца пры ўжыванні — паводле запаведзяў і вучэння чалавечага́
2:23	гэта мае толькі выгляд мудрасці ў самавольным пакланенні, пакорнамудрасці і знясільва́нні цела, у пэўным занядба́нні насычэ́ння плоці.