Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 1 | |
1:1 См.: 🔗1Кар. 1:1 🔗2Кар. 1:1 | Павел, воляю Божаю апостал Іісуса Хрыста, святы́м, што ў Эфэсе, і ве́рным у Хрысце Іісусе: |
1:2 | благадаць вам і мір ад Бога, Айца нашага, і Госпада Іісуса Хрыста. |
1:3 См.: 🔗1Пят. 1:3 🔗2Кар. 1:3 | Благаславёны Бог і Айцец Госпада нашага Іісуса Хрыста, што благаславіў нас усякім духоўным благаславе́ннем на нябёсах у Хрысце, |
1:4 См.: 🔗Рым. 8:29 🔗2Цім. 1:9 | бо Ён выбраў нас у Ім раней за стварэнне свету, каб мы былі святымі і беззага́ннымі перад Ім у любові, |
1:5 | прадвы́значыўшы нас для ўсынаўле́ння Сабе праз Іісуса Хрыста паводле жада́ння волі Сваёй, |
1:6 См.: 🔗Мф. 3:17 🔗Рым. 5:15 | дзеля ўсхвале́ння ве́лічы благадаці Сваёй, якою Ён адары́ў нас ва Узлю́бленым, |
1:7 См.: 🔗Рым. 3:25 | у Якім мы маем выкупле́нне Крывёю Яго, прабачэ́нне грахоў паводле багацця благадаці Яго, |
1:8 | якую Ён шчодра явіў нам ва ўсякай праму́драсці і разуме́нні, |
1:9 См.: 🔗Эф. 3:9 | адкрыўшы нам тайну волі Сваёй паводле жада́ння Свайго, якое Ён прадустанавíў у Ім, |
1:10 | на здзяйсне́нне паўнаты́ часоў, каб з’ядна́ць усё нябеснае і зямное ў Хрысце, пад Ім як галавою; |
1:11 См.: 🔗Лк. 7:30 🔗Дзеян. 20:27 | у Ім мы і сталі спадкае́мцамі, бу́дучы прадвы́значанымі згодна з прадустанаўле́ннем Таго, Хто ўсё здзяйсня́е паводле рашэння волі Сваёй, |
1:12 | каб паслужы́лі ўсхвале́нню ве́лічы Яго мы, якія і раней спадзява́ліся на Хрыста; |
1:13 См.: 🔗Эф. 4:30 | у Ім і вы, пачуўшы слова ісціны, дабравесце спасення вашага, і ўвераваўшы ў Яго, пазначаны пячаццю абяцанага Духа Святога, |
1:14 См.: 🔗2Кар. 5:5 | Які ёсць залог спадчыны нашай, дзеля выкупле́ння здабы́тку Яго, дзеля ўсхвале́ння ве́лічы Яго. |
1:15 | Таму і я, пачуўшы пра вашу веру ў Госпада Іісуса і пра любоў да ўсіх святых, |
1:16 См.: 🔗Флп. 1:3 | не перастаю дзякаваць за вас Богу, памінаючы вас у малітвах сваіх, |
1:17 См.: 🔗1Кар. 12:8 | каб Бог Госпада нашага Іісуса Хрыста, Айцец славы, даў вам Духа прамудрасці і адкравення на спазнанне Яго, |
1:18 См.: 🔗Дзеян. 26:18 | і прасвятліў вочы сэрца вашага, каб вы ведалі, у чым надзея паклікання Яго, і ў чым багацце славы спадчыны Яго для святых, |
1:19 | і ў чым бязмерная веліч сілы Яго для нас, якія веруем праз дзеянне ўладарнай магутнасці Яго, |
1:20 См.: 🔗Пс. 109:1 🔗Мк. 16:19 | якую Ён праявіў у Хрысце, уваскрасіўшы Яго з мёртвых і пасадзіўшы праваруч Сябе на нябёсах, |
1:21 См.: 🔗Кал. 2:10 | вышэй за ўсякае начальства, і ўладу, і сілу, і валадарства, і за ўсякае імя, называнае не толькі ў гэтым веку, але і ў будучым, |
1:22 | і усё пакары́ў пад ногі Яго, і паставіў Яго над усім, галавою Царквы, |
1:23 | якая ёсць Цела Яго, паўната Таго, Хто напаўняе ўсё ва ўсім. |