Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 2 | |
2:1 См.: 🔗2Кар. 10:4 🔗Эф. 6:10 | Ты ж, сыне мой, умацоўвайся ў благадаці, якая ў Хрысце Іісусе, |
2:2 См.: 🔗1Цім. 6:20 | і што́ чуў ад мяне пры многіх сведках, тое перадай верным людзям, якія здольныя будуць і іншых навучы́ць. |
2:3 | Ты ж перанось цяжкасці, як добры воін Іісуса Хрыста. |
2:4 См.: 🔗1Кар. 9:25 | Ніякі воін не звязвае сябе жыццёвымі справамі, каб дагадзíць военачальніку. |
2:5 | Калі ж хто і змагаецца, то не будзе увянча́ны, калі ён незаконна будзе змагацца. |
2:6 | Земляроб, які працуе, першым павінен атрыма́ць сваю частку пладоў. |
2:7 | Абдумай тое, што я кажу. Няхай дасць табе Гасподзь разуме́нне ва ўсім. |
2:8 См.: 🔗1Кар. 15:4 | Па́мятай уваскрэслага з мёртвых Госпада Іісуса Хрыста, ад семені Давідавага, паводле дабравесця майго, |
2:9 См.: 🔗Дзеян. 21:11 🔗1Кар. 4:9 | за якое я пакутую аж да кайданоў, як злачынец; але на слова Божае няма кайданоў. |
2:10 | Таму я ўсё цярплю дзеля абраных, каб і яны атрымалі спасенне ў Хрысце Іісусе са славаю вечнаю. |
2:11 См.: 🔗Рым. 6:4 | Вартае веры слова: калі мы з Ім памерлі, то з Ім і ажывём; |
2:12 | калі церпім, то з Ім і царстваваць будзем; калі адрачомся, то і Ён адрачэцца ад нас; |
2:13 См.: 🔗Рым. 3:3 | калі мы няверныя, то Ён застаецца верным, бо ад Сябе адрачы́ся не можа. |
2:14 | Гэта нагадвай, перад Госпадам заклінаючы не ўступаць у сваркі, ад якіх няма ніякай карысці, а толькі згу́ба слухача́м. |
2:15 | Старайся праявíць сябе перад Богам годна, як працаўнік бездакорны, які правільна выклада́е сло́ва ісціны. |
2:16 | А нягоднага пустаслоўя пазбягай; бо хто займаецца ім, тыя яшчэ больш будуць памнажаць бязбожнасць, |
2:17 См.: 🔗1Цім. 1:20 | і слова іх, як гангрэна, будзе раз’яда́ць усё. Да іх нале́жаць Імяне́й і Філíiacute;т, |
2:18 | якія ўхіліліся ад ісціны, кажучы, што ўваскрасенне ўжо было, і разбура́юць у некаторых веру. |
2:19 | Аднак трывалы падму́рак Божы стаіць, маючы пячаць гэтую: “спазнаў Гасподзь Сваіх” і “няхай адсту́піць ад няпраўды кожны, хто вызнае́ імя́ Гасподняе”. |
2:20 См.: 🔗Рым. 9:21 | А ў вялікім доме ёсць посуд не толькі залаты і сярэбраны, але і драўляны і гліняны; і адзін у пачэсным, а другі ў нізкім ужы́тку. |
2:21 См.: 🔗Ис. 52:11 🔗2Цім. 3:17 | Дык вось, хто ачы́сціць сябе ад гэтага, той будзе пасудзінай пачэснай, асвячонай і патрэбнай Гаспадару́, гатовай да ўсякай добрай справы. |
2:22 См.: 🔗Гал. 5:16 🔗1Цім. 6:11 | А юнацкіх пажа́днасцяў пазбяга́й, імкніся ж да праўды, веры, любові, міру з усімі, хто закліка́е Госпада ад чыстага сэрца. |
2:23 | Ад неразумных і бязглуздых спрэчак ухіляйся, ведаючы, што яны спараджа́юць сваркі; |
2:24 См.: 🔗Ціт. 3:2 | рабу ж Гасподняму нельга свары́цца, а трэба быць прыя́зным да ўсіх, здольным навуча́ць, цярплівым, |
2:25 См.: 🔗Дзеян. 8:22 | з лагоднасцю настаўляць праціўнікаў, — ці не дасць ім Бог пакаяння для спазна́ння ісціны, |
2:26 | каб яны вы́зваліліся з пасткі дыявала, які паланíў іх для выкана́ння яго волі. |