Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 5 | |
5:1 См.: 🔗Дзеян. 1:7 | А пра часы і тэрміны няма патрэбы пісаць вам, браты, |
5:2 | бо самі вы дакладна ведаеце, што дзень Гасподні прыйдзе так, як злодзей уначы́. |
5:3 См.: 🔗Лк. 21:35 | Бо калі будуць казаць: “мір і бяспека”, тады раптам іх насцігне пагібель, як му́ка ў родах насцігае цяжарную, і не пазбе́гнуць. |
5:4 | Але вы, браты, не ў цемры, каб дзень той застаў вас, як злодзей; |
5:5 См.: 🔗Рым. 13:12 | бо ўсе вы — сыны святла і сыны дня: мы — не сыны ні ночы, ні цемры. |
5:6 См.: 🔗Мф. 24:42 | Дык вось, не будзем спаць, як іншыя, а будзем пільнымі і цвярозымі. |
5:7 | Бо, тыя, што спяць, уначы́ спяць, і тыя, што ўпіва́юцца, уначы́ упіва́юцца. |
5:8 См.: 🔗Ис. 59:17 🔗Эф. 6:14 | Мы ж, як сыны дня, будзем цвярозымі, апрану́ўшы браню́ веры і любові і шлем надзеі на спасенне, |
5:9 См.: 🔗2Фес. 2:14 | таму што Бог прызна́чыў нас не на гнеў, а на тое, каб мы атрымалі спасенне праз Госпада нашага Іісуса Хрыста, |
5:10 См.: 🔗Рым. 14:9 | Які памёр за нас, каб мы, ці не спім, ці спім, жылí з Ім разам. |
5:11 | Таму суцяша́йце адно аднаго і настаўля́йце адно аднаго, як вы і робіце. |
5:12 | Просім жа вас, браты, паважаць тых, хто працуе ў вас, і хто ўзнача́львае вас ў Госпадзе, і хто настаўля́е вас, |
5:13 | і шанаваць іх асабоіва, з любоўю, за справу іх; жывіце ў міры паміж сабою. |
5:14 См.: 🔗Гал. 6:2 | Закліка́ем вас таксама, браты, абразумля́йце бясчы́нцаў, суцяшайце маладушных, падтры́млівайце сла́бых, будзьце доўгацярплíвымі да ўсіх. |
5:15 | Глядзіце, каб ніхто нікому не плаціў злом за зло; а заўсёды шукайце дабра і адзін аднаму, і ўсім. |
5:16 | Заўсёды радуйцеся. |
5:17 | Няспы́нна маліцеся. |
5:18 | За ўсё дзякуйце: бо такая для вас воля Божая ў Хрысце Іісусе. |
5:19 | Духа не гасíце. |
5:20 См.: 🔗1Кар. 14:1 | Прароцтвамі не пагарджа́йце. |
5:21 См.: 🔗1Iн. 4:1 | Усё выпрабо́ўвайце, добрага трыма́йцеся. |
5:22 | Ад усякага роду зла ўстры́млівайцеся. |
5:23 См.: 🔗1Фес. 3:13 | Сам жа Бог міру няхай асвяцíць вас ва ўсёй паўнаце, і няхай ваш дух, і душа, і цела ва ўсёй іх цэласці захаваюцца беззага́ннымі ў прышэсце Госпада нашага Іісуса Хрыста. |
5:24 См.: 🔗1Кар. 1:9 | Верны Той, Хто закліка́е вас, Які і здзе́йсніць гэта. |
5:25 См.: 🔗Кал. 4:3 | Браты! маліцеся за нас. |
5:26 | Вітайце ўсіх братоў пацалу́нкам святы́м. |
5:27 | Заклінаю вас Госпадам прачытаць гэтае пасла́нне ўсім святы́м брата́м. |
5:28 | Благадаць Госпада нашага Іісуса Хрыста з вамі. Амінь. |