Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 4 | |
4:1 См.: 🔗2Кар. 6:4 | Дык вось, няхай людзі лíчаць нас служыцелямі Хрыстовымі і домаўпра́ўнікамі тайнаў Божых; |
4:2 См.: 🔗Мф. 24:45 🔗Лк. 12:42 | ад домаўпра́ўнікаў жа патрабу́ецца, каб кожны аказаўся верным. |
4:3 | Для мяне вельмі мала значыць, як су́дзіце пра мяне вы або іншыя людзі; я і сам пра сябе не суджу?. |
4:4 | Бо хоць я нічога за сабою не ведаю, але гэтым не апра́ўдваюся; суддзя ж мне Гасподзь. |
4:5 | Таму не судзíце зусім да часу, пакуль не прыйдзе Гасподзь, Які і асве́тліць скрытае ў цемры, і вы́явіць намеры сэрцаў, і тады кожнаму будзе пахвала ад Бога. |
4:6 См.: 🔗Прит. 3:7 🔗Рым. 12:3 | Гэта, браты, я вобразна паказаў на сабе і Апалосе дзеля вас, каб вы навучыліся ад нас не мудрава́ць звыш таго, што напíсана, і каб пыхліва не ўзносілі аднаго перад другім. |
4:7 См.: 🔗Iн. 3:27 | Бо хто вылуча́е цябе́ І што́ маеш ты, чаго не атрымаў? А калі атрымаў, то чаго хвалішся, быццам не атры́мліваў? |
4:8 | Вы ўжо насы́ціліся, вы ўжо разбагацелі, без нас вы сталі царава́ць; о, калі б вы сапраўды сталі царава́ць, каб і мы разам з вамі царава́лі! |
4:9 | Бо думаю, што Бог паставіў нас, апосталаў, апошнімі, як бы асу́джанымі на смерць; таму што мы сталі відовішчам для свету, для Ангелаў і для людзей. |
4:10 | Мы неразумныя дзеля Хрыста, а вы разумныя ў Хрысце; мы сла́быя, а вы моцныя; вы ў славе, а мы ў пага́рдзе. |
4:11 | Да цяперашняга часу мы і голад, і смагу церпім, мы і голыя, і пабітыя, і бяздомныя, |
4:12 | і працуем, робячы ўсё сваімі рукамі. Нас абражаюць — мы благаслаўляем; нас гоняць — мы трываем; |
4:13 | нас зневажа́юць — мы суцяша́ем; мы сталі сме́ццем для свету, адкíдамі для ўсіх аж дагэтуль. |
4:14 | Не для таго, каб пасароміць вас, пішу гэта, а як дзяцей маіх узлюбленых настаўляю. |
4:15 См.: 🔗Гал. 4:19 🔗Флм. 1:10 | Бо хоць і тысячы настаўнікаў вы маеце ў Хрысце, але айцоў не многа; я нарадзіў вас у Хрысце Іісусе праз дабраве́сце. |
4:16 | Таму прашу вас, будзьце перайма́льнікамі маімі, як я — Хрыста. |
4:17 | Дзеля гэтага я паслаў да вас Цімафея, майго ўзлюбленага і вернага ў Госпадзе сына, які вам нагада́е пра шляхі мае́ ў Хрысце Іісусе, як я ўсюды, у кожнай царкве, вучу. |
4:18 | Паколькі я не іду да вас, то некаторыя з вас заганары́ліся; |
4:19 См.: 🔗Дзеян. 18:21 🔗Іак. 4:15 | але я неўзаба́ве прыйду да вас, калі Госпаду будзе ўгодна, і зведаю не словы ганарліўцаў, а сілу; |
4:20 См.: 🔗1Кар. 2:4 | бо Царства Божае не ў слове, а ў сіле. |
4:21 См.: 🔗2Кар. 13:10 | Чаго вы хочаце́ з розгаю мне прыйсці да вас ці з любоўю і духам лагоднасці? |