Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 3 | |
3:1 См.: 🔗1Пят. 2:13 🔗Рым. 13:1 | Нагадвай ім, каб падпарадкоўваліся начальству і ўладам, каб былі пакорлівымі і гатовымі да ўсякай добрай справы, |
3:2 См.: 🔗Кал. 3:12 | каб нікога не зневажа́лі, не былі сварлівымі, былі зычлівымі, заўжды праяўлялі лагоднасць да ўсіх людзей. |
3:3 См.: 🔗1Кар. 6:11 🔗Эф. 2:1 | Бо і мы калісьці былі неразумнымі, непакорлівымі, аблу́днымі, былí рабамі пажаднасцей і розных задавальне́нняў, жылі ў злобе і за́йздрасці, былí агіднымі, ненавідзелі адно аднаго. |
3:4 См.: 🔗1Цім. 4:10 🔗Ціт. 2:11 | Калі ж я́ўлена была благадаць і чалавекалюбства Спасіцеля нашага, Бога, |
3:5 | то не за справы праведныя, якія мы здзейснілі, а па Сваёй міласці Ён спас нас праз купель новага нараджэння і абнаўлення Духам Святым, |
3:6 См.: 🔗Рым. 5:5 | Якога выліў на нас шчодра праз Іісуса Хрыста, Спасіцеля нашага, |
3:7 | каб, апраўда́ныя Яго благадаццю, мы, як спадзяёмся, сталі спадкаемцамі жыцця вечнага. |
3:8 См.: 🔗Эф. 2:10 | Вартае веры слова гэтае; і я жадаю, каб ты ў гэтым пераконваў тых, хто ўвераваў у Бога, каб яны намагаліся быць першымі ў добрых справах: гэта добра і карысна для людзей. |
3:9 | Ад неразумных жа пошукаў, спрэчак пра радаслоўі, і сварак, і змаганняў законніцкіх ухіляйся, бо яны непатрэбныя і марныя. |
3:10 | Чалавека – ератыка, пасля аднаго і другога папярэджання, пазбягай, |
3:11 | ведаючы, што сапсаваны ён і грашыць, тым самым асуджаючы сябе самога. |
3:12 | Калі прышлю да цябе Арцему або Ціхіка, паспяшайся прыйсці да мяне ў Нікапаль, бо я вырашыў там перазімаваць. |
3:13 См.: 🔗Дзеян. 18:24 | Зіну – законніка і Апалоса пастарайся сабраць у дарогу так, каб у іх ні ў чым не было недахопу. |
3:14 См.: 🔗Ціт. 2:14 | Няхай і нашы вучацца быць першымі ў добрых справах для задавальнення пільных патрэб, каб не быць бясплоднымі. |
3:15 | Вітаюць цябе ўсе, хто са мною. Вітай тых, хто любіць нас у веры. Благадаць з усімі вамі. Амінь. |