Да Яўрэяў Пасланне святога Апостала Паўла, глава 2

	Язык: Беларускi Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
	Раздзел 2
2:1	Таму мы павінны быць асабліва ўважлівымі да пачутага, каб не адпа́сці.
2:2 См.: 🔗Исх. 20:1 🔗Дзеян. 7:38 🔗Гал. 3:19 🔗Яўр. 10:28	Бо, калі праз ангелаў прамоўленае слова было́ непару́шным і ўсякае парушэ́нне і непаслушэ́нства вялі да справядлівай адплаты,
2:3 См.: 🔗Мф. 4:17 🔗Лк. 1:2	то як пазбе́гнем яе мы, не дба́ючы пра такую веліч — спасенне, якое, будучы спачатку абве́шчана Госпадам, ў нас было ўмацавана тымі, хто чуў гэта,
2:4 См.: 🔗Мк. 16:20	а Бог засведчыў гэта і знаме́ннямі, і цудамі, і рознымі сіламі, і раздава́ннем дароў Духа Святога па волі Сваёй?
2:5 См.: 🔗Мф. 28:18	Бо не ангелам Бог падпарадкава́ў будучы свет, пра які мы вядзём гаворку;
2:6 См.: 🔗Пс. 143:3	засве́дчыў жа нехта недзе, кажучы: “што́ ёсць чалавек, што Ты па́мятаеш яго? альбо сын чалавечы, што Ты дба́еш пра яго?
2:7 См.: 🔗Мф. 27:46	Мала ніжэйшым за ангелаў зрабіў Ты яго; славаю і пашанаю ўвянчаў Ты яго і паставіў яго над справамі рук Тваіх;
2:8 См.: 🔗Пс. 8:5 🔗Мф. 28:18 🔗1Кар. 15:27	усё пакары́ў пад ногі яго”. А калі пакары́ў яму ўсё, то не пакінуў нічога непако́раным яму. Цяпер жа яшчэ не бачым, каб яму ўсё было пако́рана;
2:9 См.: 🔗Iн. 3:16 🔗Флп. 2:7 🔗Отк. 5:9	але мала ніжэйшым за ангелаў бачым Іісуса, увянча́нага славаю і пашанаю за пакуты смяротныя, каб Ён па благадаці Божай зведаў смерць за ўсіх.
2:10 См.: 🔗Прит. 16:4 🔗Лк. 24:26 🔗Iн. 1:3	Бо нале́жала, каб Той, дзеля Якога ўсё і праз Якога ўсё, Які многіх сыноў прыводзіць да славы, правадыра́ спасення іх зрабіў даскана́лым праз пакуты.
2:11 См.: 🔗Мф. 28:10 🔗Iн. 20:17	Бо і Той, Хто асвяча́е, і тыя, што асвяча́юцца, усе — ад Адзінага; таму Ён не саромеецца называць іх братамі, кажучы:
2:12 См.: 🔗Пс. 21:23	“абвяшчу́ імя́ Тваё брата́м Маім, пасярод царквы буду апяваць Цябе”.
2:13 См.: 🔗Ис. 8:17 🔗2Цар. 22:3	І яшчэ: “Я буду спадзявацца на Яго”. І яшчэ: “вось Я і дзеці, якіх даў Мне Бог”.
2:14 См.: 🔗Iн. 1:14 🔗Рым. 8:3 🔗1Кар. 15:54 🔗2Цім. 1:10	А паколькі гэтыя дзеці адзінай плоці і крыві, то і Ён таксама ўспрыняў плоць і кроў, каб смерцю пазба́віць сілы таго, хто ма́е ўладу смерці, гэта значыць дыявала,
2:15 См.: 🔗Лк. 1:74 🔗Рым. 8:15	і вы́зваліць тых, якія з – за страху смерці ўсё жыццё былі падле́глыя рабству.
2:16	Бо не ад ангелаў Ён успрыма́е прыроду, а ўспрымае ад семені Аўраамава.
2:17 См.: 🔗Флп. 2:7 🔗Яўр. 5:2	Таму Ён павінен быў ва ўсім стаць падобным да братоў, каб быць мíласцівым і верным Першасвятаром перад Богам для ўміласціўле́ння за грахі народа.
2:18 См.: 🔗Яўр. 4:15	Бо паколькі Ён прыня́ў пакуты, Сам прайшоўшы праз выпрабава́нні, то можа дапамагчы́ тым, хто ў выпрабава́ннях.