Да Карынфян 1-е Пасланне святога Апостала Паўла, глава 13

	Язык: Беларускi Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
	Раздзел 13
13:1	Калі я размяўляю мовамі чалавечымі і а́нгельскімі, а любові не ма́ю, то я — медзь, якая звініць, альбо кімвал, які гудзе.
13:2 См.: 🔗Мф. 7:22	Калі я маю дар прароцтва, і валодаю усімі тайнамі і ўсімі ведамі, і ма́ю ўсю веру, так што магу і горы перастаўляць, а любові не ма́ю, то я — нішто.
13:3 См.: 🔗Мф. 6:1	І калі я раздам усю маёмасць сваю і аддам цела сваё на спале́нне, а любові не ма́ю, то няма мне ніякай карысці.
13:4 См.: 🔗Прит. 10:12 🔗1Пят. 4:8 🔗Флп. 2:3	Любоў доўгацярплівая, міласэрная, любоў не зайздросціць, любоў не ўзвышае сябе, не ганарыцца,
13:5 См.: 🔗Рым. 15:1	не бясчынствуе, не шукае свайго, не раздражняецца, не па́мятае зла,
13:6	не радуецца няпраўдзе, а радуецца ісціне;
13:7 См.: 🔗Гал. 6:2	ўсё пакрывае, усяму верыць, на ўсё спадзяецца, ўсё пераносіць.
13:8	Любоў ніколі не перастае́, хоць і прароцтвы знікнуць, і мовы змоўкнуць, і веды знíкнуць.
13:9 См.: 🔗2Кар. 5:7	Бо мы часткова ведаем і часткова прарочым;
13:10	а калі настане дасканалае, тады тое, што частковае, знікне.
13:11	Калі я быў дзіцём, то размаўляў па – дзіцячаму, думаў па – дзіцячаму, разважаў па – дзіцячаму; а калі стаў мужчынам, то пазбыўся дзіцячага.
13:12 См.: 🔗Флп. 3:12 🔗2Цім. 2:19	Цяпер мы бачым у адлюстраванні, невыразна, а тады — твар у твар; цяпер я ведаю часткова, а тады спазна́ю так, як і я спазна́ны.
13:13	Цяпер жа застаюцца вера, надзея, любоў — гэтыя тры; але найбольшая з іх — любоў.