Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 10 | |
10:1 | Сам жа я, Павел, малю́ вас дзеля лагоднасці і спага́длівасці Хрыстовай, — я сціплы, калі знаходжуся сярод вас, і рашу́чы ў адносінах да вас, калі адсу́тнічаю. |
10:2 См.: 🔗2Кар. 2:17 | Прашу, каб мне, прыйшоўшы, не давялося праявіць рашучасць з той упэўненасцю, з якой я збіраюся смела выступіць супраць некаторых, што лічаць, нібы́та мы жывём паводле плоці. |
10:3 См.: 🔗1Цім. 1:18 | Бо хоць мы жывём у плоці, але не паводле плоці ваюем; |
10:4 | зброя змагання нашага не плоцкая, а ма́е сілу ад Бога на руйнаванне цвярдынь: ёю мы разбураем на́мыслы |
10:5 См.: 🔗1Кар. 1:19 🔗1Кар. 3:19 | і ўсялякае высакамер’е, якое паўстае супраць пазнання Божага, і бяром у палон усякую думку на паслушэнства Хрысту, |
10:6 | і гатовы пакараць усякае непаслушэнства, калі стане поўным ваша паслушэнства. |
10:7 См.: 🔗Iн. 7:24 | На аблічча зважа́еце́ Калі нехта ўпэўнены ў сабе, што ён Хрыстоў, то няхай зноў жа па сабе мяркуе, што, як ён Хрыстоў, так і мы Хрыстовы. |
10:8 См.: 🔗2Кар. 13:10 | Бо калі б я і больш стаў хвалíцца ўладаю нашаю, якую Гасподзь даў нам на ўмацаванне ваша, а не на разбурэнне, то не быў бы пасаромлены. |
10:9 | Няхай не здаецца, быццам я палохаю вас у пасланнях. |
10:10 См.: 🔗2Кар. 11:6 | Бо нехта кажа: “пасланні ва́жкія і моцныя, а пры асабістай прысутнасці ён сла́бы і слова яго нязначнае”; |
10:11 | няхай той мае на ўвазе, што якія мы ў словах пасланняў, калі адсутнічаем, такія і ў справах, калі прысутнічаем. |
10:12 | Мы ж не смеем станавіцца ўпоравень ці параўноўваць сябе з тымі, якія саміх сябе выстаўляюць; яны, ме́раючы сябе самімі сабою і параўноўваючы сябе з сабою, робяць неразумна. |
10:13 См.: 🔗2Кар. 12:5 | Мы ж не праз меру будзем хвалíцца, а па меры ўдзелу, які вы́значыў для нас Бог такою мераю, каб дайсці і да вас. |
10:14 | Бо мы не перавыша́ем вы́значанага нам, як было б, калі б мы не дайшлі да вас, таму што і да вас мы дайшлі з дабравесцем Хрыстовым; |
10:15 См.: 🔗Рым. 15:20 | мы не праз меру хва́лімся, не чужою працаю, а спадзяёмся з узрастаннем веры вашай значна павялічыць сярод вас удзел наш, |
10:16 | каб і па – за вашым краем прапаведаваць Евангелле, не хва́лячыся тым, што ўжо здзе́йснена пры чужым удзеле. |
10:17 См.: 🔗Иер. 9:24 🔗1Кар. 1:31 | Хто хва́ліцца, няхай Госпадам хва́ліцца. |
10:18 См.: 🔗Прит. 27:2 🔗1Кар. 4:5 | Бо не той годны, хто сам сябе выстаўля́е, а той, каго Гасподзь вылуча́е. |