Да Яўрэяў Пасланне святога Апостала Паўла, глава 13

	Язык: Беларускi Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
	Раздзел 13
13:1	Браталюбства між вамі няхай трыва́е.
13:2 См.: 🔗Быт. 18:3 🔗Быт. 19:2 🔗Мф. 25:35 🔗Рым. 12:13	Пра гасціннасць не забывайце; бо дзякуючы ёй некаторыя, самі таго не ведаючы, гасцінна прынялі Ангелаў.
13:3	Па́мятайце пра вязняў, нíбы і вы ў няволі разам з імі, і пра тых, што пакуты церпяць, бо і самі вы знаходзіцеся ў целе.
13:4 См.: 🔗1Кар. 6:15	Шлюб няхай будзе ва ўсіх у пашане і ложа неапага́ненае; а блуднікоў і пралюбадзеяў будзе судзíць Бог.
13:5 См.: 🔗Нав. 1:5 🔗Быт. 28:15 🔗Мф. 6:34	Не будзьце срэбралюбнымі, будзьце задаволены тым, што ёсць. Бо Сам Ён сказаў: “не пакіну цябе і не адступлюся ад цябе”,
13:6 См.: 🔗Пс. 117:6	таму мы смела гаворым: “Гасподзь мне Памочнік, і я не буду баяцца: што́ зробіць мне чалавек?”
13:7 См.: 🔗1Фес. 5:12	Па́мятайце настаўнікаў вашых, якія абвяшча́лі вам слова Божае, і, гледзячы на завяршэнне іх жыццёвага шляху, пераймайце веру іх.
13:8 См.: 🔗1Кар. 3:11 🔗Отк. 1:4	Іісус Хрыстос учора, і сёння, і навекі — той самы.
13:9 См.: 🔗Iн. 6:27 🔗Эф. 4:14	Вучэннямі рознымі і чужароднымі не захапляйцеся; бо добра благадаццю ўмацоўваць сэрцы, а не стравамі, ад якіх не атрымалі карысці тыя, што рабілі так.
13:10 См.: 🔗1Кар. 9:13	Мы маем ахвярнік, ад якога не маюць права есці служы́целі скініі.
13:11 См.: 🔗Лев. 16:27	Паколькі целы жывёл, кроў якіх дзеля ачышчэння граху ўносіцца першасвяшчэннікам у свяцілішча, спальваюцца па – за ста́нам,
13:12 См.: 🔗Мф. 21:39 🔗Мф. 27:33 🔗Отк. 1:5	то і Іісус, каб асвяціць людзей Сваёю Крывёю, прыня́ў пакуты па – за брамай.
13:13 См.: 🔗1Пят. 4:14 🔗Яўр. 11:26 🔗Яўр. 12:2	Дык выйдзем жа да Яго за стан, несучы́ на сабе Яго ганьбу;
13:14 См.: 🔗Флп. 3:20 🔗Яўр. 12:22	бо мы не маем тут пастаяннага горада, а шукаем таго, які будзе.
13:15 См.: 🔗Пс. 49:14 🔗Пс. 50:19 🔗Ос. 14:3	Будзем жа праз Яго няспынна ўзносіць Богу ахвяру хвалы, гэта значыць, плод вуснаў, якія праслаўляюць імя́ Яго.
13:16 См.: 🔗2Кар. 9:12 🔗Флп. 4:18	Не забывайце таксама пра дабрачыннасць і ўзаемную дапамогу, бо такія ахвяры даспадобы Богу.
13:17 См.: 🔗Иез. 33:7 🔗Мф. 25:13 🔗Дзеян. 20:31 🔗1Кар. 4:1	Слухайцеся настаўнікаў вашых і будзьце пакорлівымі, бо яны нядрэмна дбаюць пра ду́шы вашы, будучы абавязанымі даць за іх адказ; няхай яны робяць гэта з радасцю, а не ўздыхаючы, бо гэта вам не на карысць.
13:18 См.: 🔗Дзеян. 23:1 🔗Рым. 15:30	Маліцеся за нас, бо мы ўпэўнены, што маем добрае сумленне, жадаючы ва ўсім паводзіць сябе добра.
13:19	Асабліва ж прашу рабіць гэта, каб я хутчэй быў вернуты вам.
13:20 См.: 🔗Ис. 40:11 🔗Зах. 9:16 🔗Iн. 10:11 🔗Дзеян. 2:24 🔗1Фес. 1:10	А Бог міру, Які ўзняў з мёртвых вялікага Пастыра авечак, Крывёю запавету вечнага, Госпада нашага Іісуса Хрыста,
13:21 См.: 🔗1Пят. 5:10 🔗2Кар. 3:5 🔗1Фес. 5:23	няхай удаскана́ліць вас ва ўсякай добрай справе, дзеля выканання волі Яго, творачы ў вас добраўго́днае Яму праз Іісуса Хрыста, Якому слава на векі вякоў. Амінь.
13:22	Прашу вас, браты, трымайцеся гэтага слова настаўлення; я ж і напісаў вам коратка.
13:23	Ведайце, што брат наш Цімафей вы́звалены; калі ён неўзабаве прыйдзе, я разам з ім пабачу вас.
13:24	Вітайце ўсіх настаўнікаў вашых і ўсіх святых. Вітаюць вас тыя, што з Італіі.
13:25	Благадаць з усімі вамі. Амінь.