Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 3 | |
3:1 См.: 🔗Дзеян. 21:33 | Дзеля гэтага я, Павел, стаў вя́знем Хрыста Іісуса за вас, язычнікаў. |
3:2 См.: 🔗Дзеян. 9:15 🔗Гал. 1:16 | Вы, канешне, чулі пра дзе́янне благадаці Божай, дадзенай мне для вас, |
3:3 См.: 🔗Эф. 1:9 | што мне праз адкравенне была абве́шчана тайна, як я ўжо пісаў коратка, |
3:4 | з чаго вы, чытаючы, можаце даведацца пра маё разуменне тайны Хрыстовай, |
3:5 См.: 🔗1Пят. 1:12 | якая не была абве́шчана ранейшым пакаленням сыноў чалавечых, як цяпер адкрыта святым Апосталам Яго і прарокам праз Духа Святога, |
3:6 См.: 🔗Рым. 15:12 | што язычнікі — сунаследнікі, і члены адзінага цела, і супольнікі абяцання Яго ў Хрысце Іісусе праз дабравесце, |
3:7 См.: 🔗Дзеян. 9:15 | служы́целем якога я стаў паводле дару благадаці Божай, дадзенай мне праз дзеянне сілы Яго. |
3:8 | Мне, найменшаму з усіх святых, была́ дадзена благадаць гэтая — дабравесціць язычнікам неспасціжнае багацце Хрыстова |
3:9 | і высветліць для ўсіх, у чым задума тайны, скрытай адвеку ў Богу, Які стварыў усё Іісусам Хрыстом, |
3:10 См.: 🔗1Пят. 1:12 | каб цяпер начальствам і ўладам на нябёсах стала вядомай праз Царкву разнастайная прамудрасць Божая, |
3:11 | паводле спрадвечнага вызначэ́ння, якое Ён здзе́йсніў у Хрысце Іісусе, Госпадзе нашым, |
3:12 См.: 🔗Эф. 2:18 | у Якім мы маем адвагу і надзейны доступ праз веру ў Яго. |
3:13 См.: 🔗2Цім. 2:10 | Таму прашу не па́даць духам з – за маіх дзеля вас пакут, бо яны — слава ваша. |
3:14 | Дзеля гэтага схіля́ю калені мае́ перад Айцом Госпада нашага Іісуса Хрыста, |
3:15 См.: 🔗Эф. 1:10 | ад Якога ўсякі род на нябёсах і на зямлі ма́е найменне, — |
3:16 См.: 🔗Эф. 1:7 | каб Ён даў вам, паводле багацця славы Сваёй, трывала ўмацавацца Духам Яго ва ўну́траным чалавеку, |
3:17 См.: 🔗Iн. 14:23 | каб Хрыстос усяліўся праз веру ў сэ́рцы вашы; каб вы, укараніўшыся і ўмацава́ўшыся ў любові, |
3:18 | маглі з усімі святымі ўспрыня́ць, што́ ёсць шырыня, і даўжыня, і глыбіня, і вышыня, |
3:19 | і спазнаць вышэйшую за пазна́нне любоў Хрыстову, каб вам напоўніцца ўсёю паўнатою Божаю. |
3:20 См.: 🔗Рым. 14:24 | А Таму, Хто сілаю, якая дзейнічае ў нас, можа зрабіць непараўнальна больш за ўсё, чаго мы просім ці пра што думаем, — |
3:21 | Яму слава ў Царкве ў Хрысце Іісусе ва ўсе роды з веку ў век. Амінь. |