Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 2 | |
2:1 См.: 🔗Лев. 19:15 | Браты мае́! ма́йце веру ў Іісуса Хрыста́, нашага Госпада сла́вы, не зважа́ючы на асо́бы. |
2:2 | Бо калі на сход ваш пры́йдзе чалавек з залатым пе́рсценем, у бліску́чым адзе́нні, і пры́йдзе бедны ў бру́дным адзе́нні, |
2:3 | і вы, пагледзіце́ на таго, што ў бліску́чым адза́нні, і ска́жаце яму: «ты сядай сюды, на добрае месца», а беднаму ска́жаце: «ты стань там» альбо: «сядай тут, каля ног маіх», |
2:4 | то хіба́ вы не правялí падзе́лу паміж сабою і не сталі су́ддзямі з ліхíмі думкамí |
2:5 См.: 🔗Исх. 20:6 🔗Мф. 5:3 | Паслу́хайце, браты мае́ ўзлю́бленыя, хіба́ не бедных свету гэтага вы́браў Бог, каб былí яны бага́тымі вераю і насле́днікамі Царства, якое Ён паабяца́ў тым, хто лю́біць Яго́ |
2:6 | а вы знява́жылі беднага. Хіба́ не бага́тыя чы́няць вам уцíск, і ці не яны ця́гнуць вас у суды́? |
2:7 | хіба́ не яны знеслаўля́юць добрае імя́, якім вы называ́ецеся? |
2:8 См.: 🔗Лев. 19:18 🔗Мф. 5:43 | Дык вось, калі выко́нваеце вы закон царскі паводле Пісання: «узлюбí бліжняга твайго, як само́га сябе», то добра ро́біце; |
2:9 См.: 🔗Лев. 19:15 | а калі зважа́еце на асобы, то грэх чы́ніце і перад законам ака́зваецеся злачы́нцамі. |
2:10 См.: 🔗Мф. 5:19 | Хто вы́канае ўвесь закон, ды асту́піцца ў не́чым адным, той ста́не вінава́тым ва ўсім. |
2:11 См.: 🔗Исх. 20:13 🔗Мф. 19:18 | Бо Той, Хто сказаў: «не пралюбадзе́йнічай», сказаў таксама: «не забіва́й»; таму, калі ты не пралюбадзе́йнічаеш, але заб'еш, то станеш паруша́льнікам закону. |
2:12 | Так гавары́це і так рабіце, як тыя, каго будуць судзíць па закону свабоды. |
2:13 См.: 🔗Прит. 21:13 🔗Мф. 6:15 | Бо суд без мíласці над тым, хто не аказа́ў мíласці; мíласць вышэ́йшая за суд. |
2:14 См.: 🔗Мф. 7:26 | Якая кары́сць, браты мае́, калі хтосьці будзе каза́ць, што ма́е веру, а спраў не будзе мець? хіба́ можа гэтая вера спасцí яго́ |
2:15 См.: 🔗Лк. 3:11 🔗1Iн. 3:17 | Калі брат ці сястра будуць без адзе́жы і не будуць мець е́жы на штодзе́нь, |
2:16 | а хто – небудзь з вас скажа: «ідзíце з мíрам, грэ́йцеся і наяда́йцеся», але не дасць ім неабхо́днага для це́ла, то якая кары́сць? |
2:17 | Так і вера, калі не будзе мець спраў, то яна мёртвая сама па сабе. |
2:18 | Але нехта скажа: ты веру маеш, а я справы ма́ю, пакажы́ мне веру тваю без спраў тваіх, а я пакажу́ табе веру маю́ ў справах маіх. |
2:19 | Ты веруеш, што Бог адзіны, – добра робіш; і дэ́маны веруюць і трымця́ць. |
2:20 | Дык хочаш ве́даць ты, чалавек бязду́мны, што вера без спраў мёртвая? |
2:21 См.: 🔗Быт. 22:9 🔗Яўр. 11:17 | Хіба́ Аўраам, айцец наш, не спра́вамі апраўда́ны быў, калі паклаў сына свайго Ісаака на ахвя́рнік? |
2:22 | Ба́чыш, што вера садзе́йнічала спра́вам яго, і праз спра́вы вера стала даскана́лаю? |
2:23 | І здзе́йснілася Пісанне, у якім ска́зана: «вераваў Аўраам Богу, і гэта было́ залíчана яму як пра́веднасць, і ён быў назва́ны дру́гам Божым». |
2:24 | Бачыце, што справамі апра́ўдваецца чалавек, а не толькі вераю? |
2:25 См.: 🔗Нав. 2:1 🔗Яўр. 11:31 | Так і Раа́ў блудніца хіба́ не справамі апраўда́лася, прыня́ўшы вестуно́ў і адпра́віўшы іх іншым шля́хам? |
2:26 | Бо як це́ла без ду́ха мёртвае, так і вера без спраў мёртвая. |