Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 19 | |
19:1 См.: 🔗Мк. 10:1 | І сталася, калі Іісус закончыў словы гэтыя, дык выйшаў з Галілеі і прыйшоў у межы Іудзейскія, па той бок Іардана. |
19:2 | За Ім следам пайшло шмат людзей, і Ён ацаліў іх там. |
19:3 | I прыступілі да Яго фарысеі і, спакушаючы Яго, казалі Яму: ці з усякай прычыны дазволена чалавеку разводзіцца з жонкай сваёю? |
19:4 См.: 🔗Быт. 1:27 🔗Мк. 10:6 | Ён сказаў ім у адказ: ці не чыталі вы, што Творца ад пачатку стварыў іх мужчынам і жанчынай? |
19:5 | І сказаў: таму пакіне чалавек бацьку і маці і прылепіцца да жонкі сваёй, і будуць двое плоццю адною, |
19:6 | так што яны ўжо не двое, а адна плоць. Дык вось, што Бог злучыў, таго чалавек няхай не разлучае. |
19:7 См.: 🔗Втор. 24:1 🔗Мф. 5:31 | Яны кажуць Яму: як жа Маісей запаведаў даваць разводны ліст і разводзіцца з ёю? |
19:8 | Ён кажа ім: Маісей, з прычыны жорсткага сэрца вашага, дазволіў вам разводзіцца з жонкамі вашымі; а спачатку не было так. |
19:9 | Але Я кажу вам: хто развядзецца з жонкаю сваёю не за распусту і ажэніцца з іншаю, той пралюбадзейнічае; і хто ажэніцца з разведзенай, пралюбадзейнічае. |
19:10 | Кажуць Яму вучні Яго: калі такі абавязак чалавека перад жонкаю, дык лепш не жаніцца. |
19:11 | А Ён сказаў ім: не ўсе разумеюць слова гэтае, а каму дадзена, |
19:12 См.: 🔗Ис. 56:3 🔗1Кар. 7:7 | бо ёсць скапцы, якія з лона матчынага нарадзіліся так; і ёсць скапцы, якія выпакладаны людзьмі; і ёсць скапцы, якія зрабілі самі сябе скапцамі дзеля Царства Нябеснага. Хто можа зразумець, няхай зразумее. |
19:13 См.: 🔗Мк. 10:13 🔗Лк. 18:15 | Тады прыведзены былі да Яго дзеці, каб Ён усклаў на іх рукі і памаліўся; а вучні забаранялі ім. |
19:14 См.: 🔗Мф. 18:3 | Але Іісус сказаў: пусціце дзяцей і не перашкаджайце ім прыходзіць да Мяне, бо такім належыць Царства Нябеснае. |
19:15 | І ўсклаўшы на іх рукі, пайшоў адтуль. |
19:16 См.: 🔗Мк. 10:17 🔗Лк. 18:18 | І вось, адзін нейкі, падышоўшы, сказаў Яму: Настаўнік Добры! што зрабіць мне добрага, каб мець жыццё вечнае? |
19:17 См.: 🔗Іак. 1:17 | А Ён сказаў яму: што ты называеш Мяне добрым? Ніхто не добры, толькі адзін Бог. Калі ж хочаш увайсці ў жыццё, трымайся запаведзяў. |
19:18 | Кажа Яму: якіх? А Іісус сказаў: не забівай; не пралюбадзейнічай; не крадзі; не сведчы лжыва; |
19:19 | шануй бацьку і маці; і: любі блізкага твайго, як самога сябе. |
19:20 | Кажа Яму юнак: усё гэта захаваў я з юнацтва майго: чаго яшчэ не хапае мне? |
19:21 | Сказаў яму Іісус: калі хочаш дасканалым быць, ідзі, прадай уласнасць тваю і раздай убогім; і мець будзеш скарб на нябёсах; і прыходзь, і ідзі за Мною. |
19:22 | Пачуўшы слова гэтае, юнак адышоў у смутку, бо ў яго была вялікая маёмасць. |
19:23 | А Іісус сказаў вучням Сваім: праўду кажу вам, што цяжка багатаму ўвайсці ў Царства Нябеснае; |
19:24 | і яшчэ кажу вам: лягчэй вярблюду прайсці праз ігольнае вушка, чым багатаму ўвайсці ў Царства Божае. |
19:25 | Пачуўшы гэта, вучні Яго вельмі здзівіліся і сказалі: дык хто ж можа быць збаўлены? |
19:26 См.: 🔗Иов. 42:2 | А Іісус паглядзеў і сказаў ім: людзям гэта немагчыма, а Богу ўсё магчыма. |
19:27 См.: 🔗Мк. 10:28 🔗Лк. 18:28 | Тады Пётр, адказваючы, сказаў Яму: вось, мы пакінулі ўсё і пайшлі следам за Табою; што ж будзе нам? |
19:28 См.: 🔗Лк. 22:30 | А Іісус сказаў ім: праўду кажу вам, што вы, хто пайшоў следам за Мною, у новым жыцці, калі сядзе Сын Чалавечы на прастоле славы Сваёй, сядзеце і вы на дванаццаці прастолах судзіць дванаццаць каленаў Ізраілевых; |
19:29 | і кожны, хто пакіне дамы, альбо братоў, альбо сясцёр, альбо бацьку, альбо маці, альбо жонку, альбо дзяцей, альбо палі дзеля імя Майго, атрымае ў сто разоў больш і ўспадкуе жыццё вечнае. |
19:30 См.: 🔗Мк. 10:31 🔗Лк. 13:30 | А многія першыя будуць апошнімі, і апошнія першымі. |