Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 1 | |
1:1 См.: 🔗Дзеян. 9:15 | Павел, Апостал не ад людзей і не праз чалавека, а праз Іісуса Хрыста і Бога Айца, Які ўваскрасіў Яго з мёртвых, |
1:2 | і ўсе браты, што са мною, — цэрквам Галатыйскім: |
1:3 | благадаць вам і мір ад Бога Айца і Госпада нашага Іісуса Хрыста, |
1:4 См.: 🔗Мф. 20:28 🔗Лк. 1:74 | Які аддаў Самога Сябе за грахі нашы, каб вызваліць нас з цяперашняга веку злога, па волі Бога і Айца нашага; |
1:5 | Яму слава на векі вякоў. Амінь. |
1:6 | Здзіўляюся, што вы ад Таго, Хто паклікаў вас благадаццю Хрыстовай, так хутка пераходзіце да іншага дабравесця, |
1:7 См.: 🔗Дзеян. 15:24 | якое і не з’яўляецца іншым, але ёсць некаторыя, што сеюць смуту сярод вас і хочуць сказіць дабравесце Хрыстова. |
1:8 | Калі б нават мы альбо Ангел з неба стаў дабраве́сціць вам не тое, што мы дабраве́сцілі вам, — няхай будзе анафема. |
1:9 | Як раней мы сказалі, так і цяпер зноў кажу: калі хто дабраве́сціць вам не тое, што вы прынялí, — няхай будзе анафема. |
1:10 См.: 🔗1Фес. 2:4 | Ці ў людзей я цяпер шукаю прыхільнасці, ці ў Бога́ хіба лю́дзям намагаюся дагаджаць? Калі б я ўсё яшчэ лю́дзям дагаджаў, то не быў бы рабом Хрыстовым. |
1:11 См.: 🔗1Кар. 15:1 | Абвяшчаю вам, браты, што Евангелле, якое я дабраве́сціў, не ёсць нешта чалавечае; |
1:12 См.: 🔗Дзеян. 26:16 | бо і я не ад чалавека прыняў яго і быў наву́чаны, а праз адкравенне Іісуса Хрыста. |
1:13 См.: 🔗Дзеян. 9:21 | Вы ж чулі пра маё ранейшае жыццё ў Іудзействе, пра тое, што я жорстка пераследаваў Царкву Божую і вынішчаў яе, |
1:14 | і пераўзыходзіў у Іудзействе многіх равеснікаў з роду майго, будучы заўзя́тым паборнікам бацькоўскіх паданняў маіх. |
1:15 См.: 🔗Дзеян. 9:15 | Калі ж Бог, Які вы́браў мяне ад улоння маці маёй і паклікаў благадаццю Сваёю, пажада́ў |
1:16 См.: 🔗Эф. 3:8 | адкрыць Сына Свайго ўва мне, каб я дабраве́сціў Яго сярод язычнікаў, то я адразу не стаў раіцца з плоццю і крывёю |
1:17 | і не пайшоў у Іерусалім да тых, якія раней за мяне сталі Апосталамі, а пайшоў у Аравію і зноў вярнуўся ў Дамаск. |
1:18 См.: 🔗Дзеян. 9:26 | Потым, праз тры гады, хадзіў я ў Іерусалім пазнаёміцца з Пятром і прабыў у яго пятнаццаць дзён. |
1:19 См.: 🔗Мф. 13:55 | Іншага ж з Апосталаў я не бачыў нікога, акрамя Іакава, брата Гасподняга. |
1:20 См.: 🔗2Кар. 11:31 | А тое, што пішу вам, — вось, перад Богам, — не лгу. |
1:21 См.: 🔗Дзеян. 9:30 | Потым пайшоў я ў землі Сірыі і Кілікіі. |
1:22 | Цэрквам Хрыстовым у Іудзеі я асабіста не быў вядомы, |
1:23 | а толькі чулі яны, што той, хто некалі пераследаваў іх, цяпер дабраве́сціць веру, якую тады вынішчаў, — |
1:24 | і праслаўлялі за мяне Бога. |