Святое Дабравесце паводле Iаана, глава 2

	Язык: Беларускi Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
	Раздзел 2
2:1	А на трэці дзень было вяселле ў Кане Галілейскай, i Маці Іісусава была там.
2:2	Запрошаны таксама быў Іісус i вучні Яго на вяселле.
2:3	I калі не хапіла віна, Маці Іісусава кажа Яму: віна не маюць.
2:4	Кажа ёй Іісус: што Мне i Табе, Жанчына? яшчэ не прыйшоў час Мой.
2:5	Кажа Яго Маці слугам: што скажа Ён вам, зрабіце.
2:6	Было ж там шэсць каменных пасудзін для вады, якія стаялі дзеля ачышчэння Іудзейскага і змяшчалі па дзве ці па тры меры.
2:7	Кажа ім Іісус: напоўніце пасудзіны вадою. I напоўнілі iх да верху.
2:8	I кажа ім: цяпер чэрпайце i нясіце да распарадчыка застолля. I яны панеслі.
2:9	Kалi ж распарадчык пакаштаваў вады, што зрабілася віном, — а ён не ведаў, адкуль яно, ведалі толькі слугі, якія налівалі ваду, — кліча жаніха распарадчык застолля
2:10	i кажа яму: кожны чалавек спачатку добрае віно падае, а калі нап’юцца, тады горшае; ты ж добрае віно захаваў дагэтуль.
2:11	Так паклаў Іісус пачатак цудам у Кане Галілейскай i явіў славу Сваю, i ўверавалі ў Яго вучні Яго.
2:12	Пасля гэтага прыйшоў Ён у Капернаум, Сам i Мацi Яго, i браты Яго, i вучні Яго, i там заставаліся некалькі дзён.
2:13 См.: 🔗Втор. 16:1	І набліжалася Пасха Іудзейская, і прыйшоў Іісус у Іерусалім
2:14 См.: 🔗Мф. 21:12 🔗Мк. 11:15 🔗Лк. 19:45	i знайшоў, што ў храме прадавалі валоў і авечак, і галубоў, i сядзелі мянялы грошай;
2:15	і, зрабiўшы біч з вяровак, усiх выгнаў з храма, і авечак, i валоў, і парассыпаў грошы мянялаў i сталы перавярнуў;
2:16	i прадаўцам галубоў сказаў: забярыце гэта адсюль, не рабіце дом Айца Майго домам гандлю.
2:17 См.: 🔗Пс. 68:10	I ўспомнілі вучні Яго, што напісана: «клопат пра дом Твой паглынае Мяне».
2:18	На гэта Іудзеі сказалі Яму: якім знаменнем Ты пакажаш нам, што маеш права гэта рабіць?
2:19 См.: 🔗Мф. 26:61 🔗Мф. 27:40 🔗Мк. 14:58 🔗Мк. 15:29	У адказ Іісус сказаў ім: разбурыце храм гэты, i Я за тры дні ўзвяду яго.
2:20	І сказалі Іудзеі: сорак шэсць гадоў будаваўся храм гэты, а Ты за тры дні ўзвядзеш яго?
2:21	Ён жа гаварыў пра храм цела Свайго.
2:22 См.: 🔗Пс. 15:8 🔗Ис. 55:3 🔗Мф. 17:23 🔗Дзеян. 2:25 🔗Дзеян. 13:34	Калі ж Ён уваскрэс з мёртвых, успомнілі вучні Яго, што Ён гэта казаў, і паверылі Пісанню і слову, якое сказаў Іісус.
2:23	А калі Ён быў у Іерусаліме на свята Пасхі, многія ўверавалі ў імя Яго, бачачы цуды, якія Ён тварыў.
2:24 См.: 🔗Мф. 9:4 🔗Мк. 2:8	Але Сам Іісус не давяраўся ім, таму што Сам ведаў усiх,
2:25 См.: 🔗Пс. 7:10 🔗Иер. 11:20 🔗Iн. 6:64	i не меў патрэбы, каб хто сведчыў пра чалавека, бо Сам ведаў, што было ў чалавеку.