Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 1 | |
1:1 | Ста́рац – узлю́бленаму Га́ію, якога я люблю́ ў íсціне. |
1:2 | Узлю́блены! малю́ся, каб ты меў добры по́спех і быў здаро́вы, як ма́е добры по́спех душа́ твая. |
1:3 | Бо я вельмі ўзра́даваўся, калі прыхо́дзілі браты́ і све́дчылі пра тваю ве́рнасць, як ты жыве́ш у íсціне. |
1:4 См.: 🔗1Кар. 4:15 | Для мяне няма бо́льшай ра́дасці, як чуць, што дзеці мае́ жывуць у íсціне. |
1:5 | Узлю́блены! ты паво́дле ве́ры дзе́йнічаеш у тым, што ро́біш дзе́ля братоў і дзе́ля пры́шлых; |
1:6 | яны све́дчылі перад Царкво́ю пра тваю любоў; ты добра зро́біш, калі адпра́віш іх так, як трэба дзе́ля Бога, |
1:7 | бо яны дзе́ля імя́ Яго пайшлí, не ўзя́ўшы нічога ад язы́чнікаў. |
1:8 См.: 🔗Мф. 10:40 | Дык вось, мы павíнны прыма́ць такіх, каб стаць супрацо́ўнікамі ісціне. |
1:9 | Я пісаў Царкве; але Дыятрэ́ф, які лю́біць першынствава́ць у іх, не прыма́е нас. |
1:10 | Таму, калі я прыйду, то нагада́ю пра ўчы́нкі, якія ён робіць, га́ньбячы нас ліхíмі сло́вамі, і гэтага яму яшчэ ма́ла, дык ён і сам не прыма́е братоў, і жада́ючым забараня́е, і з Царквы выганя́е. |
1:11 См.: 🔗1Iн. 2:29 | Узлю́блены! перайма́й не злое, а добрае. Хто ро́біць дабро, той ад Бога; а хто ро́біць зло, той не ба́чыў Бога. |
1:12 | Пра Дзімíтрыя засве́дчана ўсімі і самою íсцінаю; і мы таксама све́дчым, і вы ведаеце, што све́дчанне наша íсціннае. |
1:13 | Многае меў я напіса́ць; але не хачу піса́ць табе чарнíлам і пяро́м, |
1:14 | а спадзяю́ся неўзаба́ве ўба́чыць цябе і ву́сна пагавары́ць. |
1:15 | Мір табе. Віта́юць цябе сябры́; вітаа́й сяброў паіме́нна. Амíнь. |