Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 4 | |
4:1 См.: 🔗Iн. 5:22 🔗Дзеян. 10:42 | Дык вось, я заклінаю цябе перад Богам і Госпадам нашым Іісусам Хрыстом, Які будзе судзíць жывых і мёртвых пры яўле́нні Яго і ў Царстве Яго: |
4:2 См.: 🔗2Цім. 2:24 🔗2Цім. 3:16 | прапаведуй слова, будзь настойлівы ў час і не ў час, выкрыва́й, дакара́й, падбадзёрвай з усёй доўгацярплівасцю і з настаўленнем. |
4:3 | Бо настане час, калі здаровага вучэння трымацца не будуць, а паводле сваіх хаце́нняў будуць выбіраць сабе настаўнікаў, якія б ла́шчылі слых; |
4:4 | і ад ісціны адве́рнуць вушы і зве́рнуцца да баек. |
4:5 | Але ты будзь пільны ва ўсім, цярпліва перанось беды, выконвай справу дабравесніка, здзяйсня́й служэнне сваё. |
4:6 См.: 🔗Флп. 2:17 | Бо я ўжо станаўлюся ахвя́раю, і час майго адыходу настаў. |
4:7 См.: 🔗Флп. 3:14 🔗1Цім. 6:12 | Подзвігам добрым я падзвізаўся, шлях завяршыў, веру захаваў; |
4:8 См.: 🔗1Кар. 9:25 🔗Отк. 2:10 | а цяпер прызна́чаны мне вянец праведнасці, які дасць мне Гасподзь, Суддзя праведны, у дзень той; і не толькі мне, але і ўсім, хто з любоўю чакае яўле́ння Яго. |
4:9 | Пастарайся прыйсці да мяне ў хуткім часе. |
4:10 См.: 🔗Кал. 4:14 | Бо Дзімас пакінуў мяне, узлюбіўшы цяперашні век, і пайшоў у Фесалоніку, Крыскент у Гала́тыю, Ціт у Далма́тыю; адзін Лука са мною. |
4:11 | Марка вазьмі і прывядзі з сабою, бо ён мне патрэбны для служэння. |
4:12 См.: 🔗Дзеян. 20:4 | Ціхіка я паслаў у Эфес. |
4:13 | Калі пойдзеш, прынясі плашч, які я пакінуў у Траадзе ў Карпа, і кнігі, асабліва перга́ментныя. |
4:14 См.: 🔗1Цім. 1:20 | Меднік Аляксандр многа зла зрабіў мне. Няхай адпла́ціць яму Гасподзь паводле спраў яго! |
4:15 | Асцерагайся і ты яго, бо ён вельмі працівіўся нашым сло́вам. |
4:16 | Пры першым слу́ханні маёй справы нікога не было са мною, а ўсе мяне пакінулі. Няхай гэта не залíчыцца ім! |
4:17 См.: 🔗Дзеян. 23:11 🔗1Цім. 1:12 | Але Гасподзь явіўся мне і ўмацаваў мяне, каб праз мяне распаўсю́дзілася дабравесце і пачулі яго ўсе язычнікі; і я быў вы́звалены з пашчы льва. |
4:18 См.: 🔗Рым. 14:26 🔗1Цім. 6:16 | І збавіць мяне Гасподзь ад усякай справы ліхой і зберажэ для Свайго Нябеснага Царства. Яму слава на векі вякоў. Амінь. |
4:19 См.: 🔗2Цім. 1:16 | Вітай Прыскілу і Акілу і дом Анісíфара. |
4:20 | Эраст застаўся ў Карынфе; а Трафіма я пакінуў хворага ў Міліце. |
4:21 | Пастарайся прыйсці да зімы. Вітаюць цябе Эвул і Пуд, і Лін і Клаўдзíя, і ўсе браты. |
4:22 См.: 🔗Флм. 1:25 | Гасподзь Іісус Хрыстос з духам тваім. Благадаць з вамі. Амінь. |