Да Эфесян Пасланне святога Апостала Паўла, глава 2

	Язык: Беларускi Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
	Раздзел 2
2:1 См.: 🔗Кал. 2:13	І вас, мёртвых з – за злачы́нстваў і грахоў вашых,
2:2 См.: 🔗Iн. 12:31 🔗1Кар. 6:11 🔗Кал. 3:7	у якіх вы не́калі жылі паводле звы́чаю свету гэтага, па волі князя, які ўлада́рыць у паветры, — духа, які дзейнічае цяпер у сынах праціўле́ння,
2:3	сярод якіх і мы ўсе не́калі жылí ў пажа́днасцях плоці нашай, выко́нваючы жаданні плоці і помыслаў, і былí па прыродзе дзе́цьмі гневу, як і астатнія,
2:4 См.: 🔗Рым. 2:4	Бог, багаты міласцю, па вялікай любові Сваёй, якою Ён нас узлюбіў,
2:5 См.: 🔗Рым. 8:11	і нас, мёртвых з – за злачы́нстваў, ажывіў разам з Хрыстом — благадаццю вы спасёныя —
2:6	і ўваскрасіў з Ім і пасадзіў на нябёсах у Хрысце Іісусе,
2:7 См.: 🔗Эф. 3:8	каб явіць у наступных вяках надзвыча́йнае багацце благадаці Сваёй добрасцю да нас у Хрысце Іісусе.
2:8 См.: 🔗Дзеян. 15:11	Бо благадаццю вы спасёныя праз веру, і гэта не ад вас, гэта Божы дар:
2:9 См.: 🔗Рым. 3:20	не за справы, каб ніхто не хваліўся.
2:10 См.: 🔗Ис. 44:21 🔗Ціт. 2:14 🔗Яўр. 13:21	Бо мы — стварэнне Яго, мы створаны ў Хрысце Іісусе на добрыя справы, якія прадвы́значыў нам Бог выконваць.
2:11	Таму па́мятайце, што вы, не́калі язычнікі па плоці, якіх называлі неабрэ́занымі так званыя абрэ́заныя на плоці рукатворна,
2:12 См.: 🔗Неем. 2:20 🔗Иез. 13:9 🔗Рым. 9:4 🔗Кал. 1:21	што вы былí ў той час без Хрыста, адчу́жаныя ад грамадства Ізраільскага і чужыя для запаветаў абяца́ння, не мелі надзеі і былí бязбожнікамі ў свеце;
2:13 См.: 🔗Дзеян. 2:39	цяпер жа ў Хрысце Іісусе вы, якія некалі былі далёка, сталі блізкімі праз Кроў Хрыстову.
2:14 См.: 🔗Ис. 9:6 🔗Iн. 16:33	Бо Ён — мір наш, Ён зрабіў з абодвух адно і зруйнава́ў сцяну́, якая падзяля́ла іх,
2:15 См.: 🔗2Кар. 5:17	скасава́ўшы варожасць Плоццю Сваёю, а закон запаведзяў — вучэннем, каб з двух ствары́ць у Сабе Самім аднаго новага чалавека, усталёўваючы мір,
2:16	і ў адным целе прыміры́ць абодвух з Богам праз крыж, знішчыўшы варожасць на ім;
2:17 См.: 🔗Ис. 57:19 🔗Зах. 9:10	і, прыйшоўшы, дабраве́сціў мір вам, далёкім і блізкім,
2:18 См.: 🔗Iн. 14:6 🔗Рым. 5:2 🔗Яўр. 10:19	таму што праз Яго мы, адны і другія, маем доступ у адным Духу да Айца.
2:19	Дык вось, вы ўжо не чужы́нцы і не пры́хадні, а суграмадзя́не святых і дамача́дцы Бога,
2:20 См.: 🔗Ис. 28:16 🔗1Пят. 2:4	усталява́ныя на падмурку апосталаў і прарокаў, маючы краевуго́льным каменем Самога Іісуса Хрыста,
2:21 См.: 🔗Кал. 2:19	на якім уся пабудова, зла́джана ўзво́дзячыся, выраста́е ў святы храм у Госпадзе,
2:22 См.: 🔗2Кар. 6:16	на якім і вы разам выбудо́ўваецеся ў жытло Божае ў Духу.