Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 1 | |
1:1 См.: 🔗Дзеян. 16:1 🔗Гал. 1:3 | Павел, і Сілуан, і Цімафей Царкве Фесаланікійскай у Богу Айцу і Госпадзе Іісусе Хрысце: благадаць вам і мір ад Бога Айца нашага і Госпада Іісуса Хрыста. |
1:2 См.: 🔗Флп. 1:3 🔗2Фес. 1:3 | Дзякуем Богу заўсёды за ўсіх вас, паміна́ючы вас у малітвах нашых, |
1:3 См.: 🔗Дзеян. 17:4 | пастаянна па́мятаючы вашу справу веры, і працу любові, і трыва́ласць надзеі на Госпада нашага Іісуса Хрыста перад Богам і Айцом нашым, |
1:4 | ведаючы, узлю́бленыя Богам браты, абра́насць вашу; |
1:5 См.: 🔗Рым. 15:19 | бо наша дабраве́сце ў вас адбыва́лася не толькі ў слове, але і ў сіле, і ў Святым Духу, і ў поўнай перакана́насці; вы самі ведаеце, якімі мы былí для вас сярод вас. |
1:6 См.: 🔗Флп. 3:17 | І вы сталі перайма́льнікамі нашымі і Госпада, прыня́ўшы слова ў горасцях многіх з радасцю Духа Святога, |
1:7 | так што вы сталі ўзорам для ўсіх веруючых у Македоніі і Ахаіі. |
1:8 | Бо ад вас разне́слася слова Гасподняе не толькі па Македоніі і Ахаіі, але і ва ўсіх краях вера ваша ў Бога стала вядомай, так што ў нас няма патрэбы пра гэта гаварыць. |
1:9 | Бо самі яны пра нас расказваюць, якім быў наш прыход да вас і як вы павярнуліся да Бога ад ідалаў, каб служы́ць Богу жывому і ісціннаму |
1:10 См.: 🔗Ос. 13:14 | і чакаць з нябёс Сына Яго, Якога Ён уваскрасіў з мёртвых, Іісуса, Які збаўляе нас ад надыхо́дзячага гневу. |